Yeremi 21:13 - BII BILA

¹³ I bii niaa tɛɛ, niaa vanaa co o bóllo nin, a o pow bandílá co o dɛngbɔɔ nin-nda pɛɛn. Kani la co dimio maa vana hinnin mò del naa coo a cɔw le, vana lueilunin naa le.›»

Yeremi 21:13 Referans Kwoze

Esekiɛl 13:8

Le hee, la tuei-yɔ ɲɛ ya Maalii, o co Mɛlɛka-o dimi-o: Le tùú sɔɛi niɛi co sɔɛi fondoei-yo, le tùú vunduma niaan ma co còòlan-ndo, ya pila i cɛn le niaa cɔlɔbaa. Ya Maalii, ya co Mɛlɛka-o soo nuaa ni.

Cɛɛŋɔnnda Yeremi lan 4:12

Masaa co o lɛŋnden coo-a a vanaa co o ceendo coo-a kpow a laalan te maa yaamɔɔa ndáà keinin o diola kpakio, mì ndáà luɛi Yerusalɛm.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Yeremi 50:31

Niaa ya bii tɛɛ ni, niaa Babilɔŋaa yongaa ha. Ya Maalii, Mɛlɛka-Nɔ-Kpaayaa-Kpow-vo dimi lende ni. Telen nɔmndo tiiya, telen ya can le mɔnɛ soli a nɔm-ndo pɛɛn!

Condii lisai 125:2

Mɛɛ Yerusalɛm co o balaa sɔ́ a pembon nuaa yɛ, lende koni Mɛlɛka balu vanaa ndɔa ni, kandɔɔ sunsun háá le fɛɛn a fɛɛn.

Yeremi 49:16

La co vannda kpow vueinɔnndo, a co yiyanndo maa nɔm hiow vannda kpow ni. Kɛ nɔm pila daama co palanndo ni. La co icali o tɛɛngun powta kpovalan nin, mì la va o fondala feke-fekelan. Kɛ hali heelu bɛɛ calta nɔmndan mì la hiow vɛɛnnde kovɔ́ɔ̀ helɔɔ, i tuisinin nɔm mà tiiya lɛŋ dí.» Sɔɛi fula Mɛlɛka o sondo-e co ken ni.

Yeremi 21:5

O kon, mì ya pila tol niaa coo a cɔwvo a hiilɛi kɔl ni fulaa bɛndoo. Mì cɔm niaa yoomuma nian a kpaaya ni bɛndoo.

Esai 22:1

Sɔɛi dimin o ból vana ca siɔdii lacio nin-ndo coo-e co hee ni: «Yɛɛ nɛ yɔŋnun yɛ nɔm mi vanaa nɔmnda kpow va helɔɔ o yindɔla cɛilan coo?

Yeremi 51:25

«Nɔm ya bii tɔ́ɔ́yaa ni, nɔm Babilɔn, nɔm pembii va lɛŋnden kpede tɛɛmbuuo-e, i co nɔm baa holɔɔ, mì ɲindu nɔm fulaa o powta kpovalan coo, mì mɛndul nɔm yinnde bɛndulen coo.

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

Fulaa 13:8

Paale len le tiiya pɛ, la bɛnda mì la pɛɛku cuavaa niaa, mì la dimul nda aa: ‹Le tùú Mɛlɛka tosal naa dɛnɛ kɛndɔɔ telen naa n fula Esipte-o naa n co hee tosaa ni.›

Fulaa 13:20

Mí Israɛlla faŋan Sukɔt, má kɔannun, má kɔ kila dɔ́ɔ́ngɔ́ɔ̀ Etam o lɛŋnde veselɛilen dangalaa.

Esekiɛl 5:8

le kɔlɔ kon ya Maalii, ya co Mɛlɛka-o dimi ni maa ya bɛɛ, i co niaa mululɔn. I kialunin yamɛi mì tuisi niaa sangalan coo vanaa-mangalaa-isɔɔa o hɔl.

Esekiɛl 21:3

Dimul bundɛ co kon a ba too-o aa: ‹Yaŋ nilan o sɔɛi Mɛlɛka-e!› Nuaa Maalii Hala dimi ni aa: ‹Ya, i co yinnden malɔɔ nɔm nin, mì yinnde len le lom yɔmii keyɛiye a yɔmii vesɛii co nɔm nin-nde kpow, yinnde len le ɲumnin te, nduyɛ, le lonin biyɔɔ lende háá mì vannda kpow a cuu ŋɔ, kandɔɔ a ba too haa a ba luaŋ-ndo.

Esekiɛl 34:10

Maalii, o co Mɛlɛka-o dimi aa: I co vanaa mandaa n'saa tisa kɔɔli. I co saa nia poonda nda o ba, i mel-lɛnin nda le saa nia baloo dɔvɔɔ le, yɔŋii nda pila vanaa mandaa n'saa a va baloo dɔwnɔnndo daama. I solinin saa nia nda o lasondo, a ve lɛnin pungapungaa nda o ba le.»

Nahum 2:13

Yàlà piaandu va kon visia diwvo le cuavaa ndɔa, mí ndóò va nda sɛɛsiaa le yàlàá ndɔa laandua-o, ó va kon bɛ̀mɛ́lta ndɔlan peiyo a ɲɛmahiloo-o, kuɛɛ nɛ o co yɛ niko?

Yeremi 17:3

Niaa vannda Yuda, niaa co keiyo piɔmnda sooloo o pembon coo yondoo nin ni. I co ɲɛ-sɔlaa niaa, ɲɛm niaan, a tombun niaan malɔɔ vannda o ba. I tosanin ken le hakila niaa tosa o lɛŋnde niaalen kpow nin-ndan.