Yeremi 21:12 - BII BILA

¹² Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Yeremi 21:12 Referans Kwoze

Esai 1:17

La pɛɛku le dɛnɛ kɛndɔɔ tosaa, la kindin le dɛnɛ sandaa nuwviaa, la kanda vana nda co saangiaa-o, la tosal vííyo dɛnɛ sandaa, la lɔɔnun ibuŋ le vanalanɔ pɔnɔ ndɔ vi-o.›»

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Esai 1:31

Vanapɔnɔ hiow kpaayaa-o vanin maa tɛngɛla lefun, baala ndɔɔ vanin maa tɛngɛ́-tɛngɛ́la leyin le ndu lomɔɔ a ɲɛ o tosa-o latulu faw. Vana-vana venin le yinnde len ɲumio le.»

Sofoni 3:5

Nduyɛ, Mɛlɛka co nda tɛɛn o kobi ndɔɔ nin, Mɛlɛka yɛ, o sandaa o co ni, O co dɛnɛ oo dɛnɛ tundan tosa le. Idii oo idii, o co yaman ndɔn kiolɔɔ, a paale siaalen bɛɛ, o co lon. Vana kɔlvesɛiyo ndu sina masinaa lasiɛmbu le.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 17:4

La malnin kɛ́ yáà ke niaa-o, mì siinguu niaa cɛa yaamɔaa niaa o lɛŋnde niaa sina le len nin. Yinnde niaa mɛndul-la o kɔl-ten le vanin biyɔɔ le fɛɛn a fɛɛn.»

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Yeremi 5:28

A luɛi cuɛiyan, má celul celoo pila. À nɔ lapɛɛngu o dɛnɛ vɔɔndo tosaa nin te. À kilu yaman sandaa le. À suu le vííya dí ndaa yɔngu le, te ndáà soaa pɛ le nda, vííya va dí ndaa sɔla. À cue sɔɛi vanaa bala fondoa balan latiɔn te.›

Rɔmnda 13:4

kani baala Hala-o simlacia co tosaa ni, le dɛnɛ kɛndɛ nɔmndo. Kɛ taa tosa pɛ dɛnɛ vɔɔndo, mɛɛ yɔŋ siòònde, kani o co fondo le nda tuisi vana sangaa coo le, le baala Hala nda co tosaa-o ni, le maa ndɔɔ mingio a le kɔl ndɔ fulaa tuisio vanaa tosaa dɛnnda vɔɔnda coo.

Luke 1:69

O yɔngu naa vana ciindiaa bɛndoo fulaa o polale David len nin, David vana baala ndɔɔ pɛɛn.

Esekiɛl 22:31

Lelan ya co kɔl ni tuwvo cucɔɔ nda coo ni, i co yinnde kɔl ni fulaa kpow tuisi nda coo, i co dɛnnda ndalan tuisi nda pila o lebol.» Sɔɛi fula Maalii o sondo-e co ken ni, Mɛlɛka pɛɛn.

Cɛɛŋɔnnda Yeremi lan 4:11

Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.

Yeremi 23:19

La tofa vɔ hoeyii felenfelennde hunɔɔ: kɔltuw Mɛlɛka-o co o nɛi, piɔɔ hoeyii fùkù-fùkù kon pɛɛn, o co vanaa tosaa dɛnnda vɔɔnda tolɔɔ coo.

Yeremi 5:14

Lelan, diom Mɛlɛka dimi-o co hoo ni, Hala-Nɔ-Kpaayaa-Kpow-vo pɛɛn aa: «Le sɔɛi nda dimi ken-nde, i co sɔɛi nii mingi yinnden nɔm Yeremi o sondo, mì siinguu vanaa kan yɔmnde, yɔmii yinnde len le loamnin-nde.

Esai 7:13

O kon mí Esai dimi aa: «La yaŋ nilan, niaa yungu David-o! Vɛ̀ɛ̀ dɛnɛ pɔmbɔɔ kon co le niaa mì la va vanndacieea saangiaa ni? Vɛ̀ɛ̀ la yeema vɛlɛ le Hala nuu saangiaa?

Esai 7:2

Mí vannda kɔ dimul yungu David-o aa: «Aramiia kila dɔ́ɔ́ngɔ́ɔ̀ o tàndá cuavaa-imamaa Efraim-nda nin.» O kon, mí masaa Ahas nda vanaa ndɔa hiilun kɔltan mɛ̀ɛ́-mɛ̀ɛ́ hoeyii fùkù-fùkùei hiiluu yɔmnde o bundɔɔ nin nuaa yɛ.

Condii lisai 101:8

Idii oo idii, i vanin vanaa yɔŋ vɔɔŋaa co o lɛŋnden coo-a kpaa, mì faŋa vanaa tosaa dɛnnda vɔɔnnda o kobi Mɛlɛka-o nin few-few.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Yeremi 21:5

O kon, mì ya pila tol niaa coo a cɔwvo a hiilɛi kɔl ni fulaa bɛndoo. Mì cɔm niaa yoomuma nian a kpaaya ni bɛndoo.

SƐBƐ YƆB-O 29:17

Kɛ yáà bii pɛ vana sandaa lepɛŋndo, yáà yimiyimi ndu ciŋndon, yáà kala ɲɛ o mɛɛnun-ndo ndu o sondo.

2Samiɛl 8:15

Mí David tosa masalen Israɛlla kpow coo. Mó va yaman kiolɔɔ a sandei, o ve vannda hiyan te.

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Fulaa 18:13

Diimandɔɔ, mí Moise cal le yaman kiolɔɔ Israɛlla tɛɛn. Kandɔɔ idiiyo háá icɔllo, vannda va isisi ndu o hɔl.

Yeremi 7:5

Te la kela pɛ kela kɛndɔɔ, mì la bɛɛndiaa dɛnnda niaalan, te la tosal pɛ vannda a pilɛn-pilɛnnda dɛnɛ sandaa,

Yeremi 23:2

Lelan sɔɛi fula Mɛlɛka Hala Israɛlla o sondo le simlacia kan-nde co hee ni aa: «La mal cɔlua nia ma laasian ba-ba fee, la hendu nda hɔlten coo le. Ya bɛɛ, i co niaa mululɔn le dɛnnda niaala vɔɔnndan.

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.