Yeremi 21:10 - BII BILA

¹⁰ Kani i co kobio ho mululɔn, mì tosal ndu dɛnɛ vɔɔndo, o venin dɛnɛ kɛndɛ le. I malnin ndu masaa Babilɔn o ba mò mal ndu yin.›»

Yeremi 21:10 Referans Kwoze

Yeremi 44:11

Lelan, diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «I co niaa mululɔn, mì tuisi niaa dɛnɛ palaa coo, mì cii Yudaa kpow.

Amɔs 9:4

Taa kɔɛ pɛ o biyɔɔ nin o lɛŋnde celen nin yaamɔaa ndaa o hɔl, lon bɛɛ i tosanin mì mɔɛi cɔwve diw nda. I tofanin nda, kɛ o venin le nda dɛnɛ kɛndɛ tosal te, fɔ le nda dɛnɛ palaa tuisio coo.»

Yeremi 44:27

I co nda tolɔɔ kɔɔli, o venin le nda dɛnɛ kɛndɛ tosal te, kɛ le o vɔɔndo caŋɛi. Yudaa co Esipte-a kpow a cuunin o mɔɛi cɔwve bɛngu, te kon te a yima fofolan. Hali vanndo ndu pilɛ o lonin yoomu le.

Esekiɛl 15:7

I cɔlɔbanin nda. A fula o yinnden nin, kɛ yinnden le loamnin nda sukɛí. Lɔ́ɔ́ ya mululunnin nda-o, la sinanin maa ya co Mɛlɛka ni.

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Yeremi 39:8

Mí Babilɔn-nda loam cɛi masaa a cɛila vannda. Má komba kpaki va Yerusalɛm balɔɔ-o.

Yeremi 38:18

Kɛ te nɔm pila yɔngun simlacia masaa Babilɔn te, kobio ho delnin Babilɔn-nda o ba, mà lom ndu, nɔm pila bɛɛ, a helunnin nda le.

Yeremi 38:3

Diom Mɛlɛka dimi-o co hoo ni aa: «I malnin kobio ho vanaa cɔvaa masaa Babilɔn o ba, má bii ndu.»

Yeremi 34:2

«Ya Mɛlɛka Hala Israɛlla vem nɔm ni, kɔ mà kɔ tɛɛngul Sedekia masaa Yuda sɔɛi he aa: I co kobio ho malɔɔ masaa Babilɔn o ba mò lom ndu.

2Dɛnnda lemasalan 36:19

Mí Babilɔnnda loam Cɛi-Hala-o, má komba kpakio Yerusalɛm, má loam cɛila kɛndɛ-kɛndɛlan, má tɛɛmbuu ɲɛm báà kalan va o kobi kalaa nin-ndon kpow.

Yeremi 38:23

Lende i co ni, a kɔanin a laandaa nɔmnda a á cuavaa nɔmaa laandua o Babilɔn-nda lo. Nɔm pila bɛɛ, a helunnin nda le, masaa Babilɔn holnin nɔm baa, mò mal kobio yin.»

Condii lisai 34:16

Hɔlta Mɛlɛka lan la co vanaa sandaa coo, nila ndɔlan la co veelula ndalan tueyɔɔ.

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

Tɔŋ lasálàá 17:10

Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Yeremi 33:5

Fondo fúú niaa cɔlɔbanin Babilɔnnda le kpaakio tangullo le kobi niaa biyɔɔ ni. Kani telen niaa kuelnin nda-o, i kuinin vanvílɛ́iya cɛilan nin a kɔl ni fulaa bɛndoo. I mululnin kobi kalaa kɔɔ le dɛnnda kɔlvesɛila nda tosa lan.

Yeremi 39:16

«Kɔ soo o Ebɛd-Melɛk Etiopiinɔ lo, mà dimul ndu aa: Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co dɛnnda yáà dimi le tosaa lan peelu vannda Yerusalɛm coo le nda saangiaa, o venin dɛnɛ kɛndɛ le nda le. Paale len, i tosannin nɔm o hɔl.

Esekiɛl 24:11

O kon kɔɔli, mà handu kpɛɛnɛi fondoei o dɛngultan coo, haliko mi i tuulu, mì daɲɛi diw vaŋ, o kon mì sɔva co lenin-ndo cɛɛlun.

Amɔs 2:5

Lelan, i co yinnden malɔɔ mì le lom tàndá Yuda-o, mì le lom vɛlɛ cɛila lemasalan Yerusalɛm.»

Yeremi 38:17

O kon mí Yeremi dimul ndu Sedekia aa: «Diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: Te nɔm pila a yungu nɔmndo kɔ yɔngun pɛ masaa Babilɔn, a sɔlanin baŋaa, kobio ho tembunin vɛlɛ o leyin nin te.