Yeremi 21:1 - BII BILA

¹ Mí Mɛlɛka dimul Yeremi isɔɔ le masaa Sedekia. Masaa Sedekia kon ndóò vim Yeremi Pasur, po Malkia, nda Sofoni vana-solia-lasálàá-o, le ndu dimullo ni aa:

Yeremi 21:1 Referans Kwoze

Yeremi 37:3

Mí masaa Sedekia viam Yɛhukal po Selemia-o nda Sofoni po Maaseya vana-solia-lasálàá-o, o Yeremi vana-tɛɛngaa-diom Hala-o lo le ndu dimullo aa: «Piɛi Mɛlɛka, mà tɛɛlun ndu le naa.»

Yeremi 29:25

«O Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹A yɔŋ vanaa co Yerusalɛm-nda kpow sɛbɛlan o diola nilan: Sofoni vana-solia-lasálàá po Maaseya-o a vanaa-solia-lasálàá, o co o sɛvaa o sɛbɛla lan nin aa:

Yeremi 52:24

Mí bolle kpalilla bii Seraya bolle vanaa-solia-lasálàá, Sofoni vana va ndu ikɛi o baalaa nin-ndo a vanaa-solia-lasálàá yaa va le cumullo o dio Cɛi-Hala-o sondoo-a.

Yeremi 38:1

Mí Sefatia po Matan-ndo, Kedalia po Pasur-o, Yukal po Selemia-o, Pasur po Malkia-o a tuɛi sɔɔn Yeremi va vannda kpow dimullo-on aa:

Yeremi 37:1

Mí Nebukanɛsar masaa Babilɔn suili Sedekia po Yosia-o masaa o tàndá Yuda-o coo. O kon mí Sedekia tosa masalen o fonda Konia po Yehoyakim-ndo.

1Dɛnnda lemasalan 9:12

a Adaya, o fuɲaa ndɔa mamaa yɔŋnun Yeroham, Pasur a Malkia-o, a Maesai, o fuɲaa ndɔa mamaa yɔŋnun Adiɛl, Yasera, Mesulam, Mesillemit a Immɛr-o,

Nehemi 11:12

a puapilɛa ndaa va baalaa o Cɛi-Hala-o nin-nda, n'van kɛmɛ leŋɔmaa a bidiin a à ŋiɔn (822), Adaya po Yeroham-ndo, po Pelalia-o, po Amsi-o, po Sakari-o, po Pasur-o, po Malkia-o,

1Dɛnnda lemasalan 3:15

Poaa Yosia-a yɔŋnun haa ni: Yohanan va po ndɔ tasoo ni. Po diinndɔɔ yɔŋnun Yehoyakim ni, o yàándɔɔ Sedekia, o hiɔɔlundɔɔ Salum.

2Dɛnnda lemasalan 36:17

O kon, mí Mɛlɛka viam masa va Babilɔn-ndo, mó kuel nda a cɔwvo. Mó diw langbaa felengia ndaa o Cɛi-Diandaa ndaa nin, vana-vana helun te, kandɔɔ a langbaa felengia, vanlaandua felengia, kɔlan biyɔɔ a vanaa yuuvɛiya, mí Mɛlɛka mal nda ndu o ba kpow.

Yeremi 29:29

Mí Sofoni dimi sɛbɛ kon Yeremi vana-tɛɛngaa-diom Hala-o o hɔl.

Yeremi 37:7

«Diom Mɛlɛka Hala Israɛlla dimi-o co hoo ni aa: La kɔ dimul masaa Yuda, o vem niaa ya ɲunaa-o aa: Vanaa cɔvaa ndáà fula Esipte le niaa hunɔɔ cɔwvo malaa-a muungun o nda lo Esipte.

Yeremi 37:17

Paale pilɛ, mí masaa Sedekia viam vannda Yeremi veelu, mó kɔ ɲuna ndu o vionnɔnndo nin o cɛi ndɔ lemasaa nin aa: «Vɛ̀ɛ̀ Mɛlɛka dimul-lɔ nɔm isɔɔ le ya tɛɛngul te?» Mí Yeremi muli aa: «O dimul-la isɔɔ le nɔm, aa nɔm delnin masaa Babilɔn o ba.»

Yeremi 38:14

Mí masaa Sedekia viam vannda le kɔlan hunɔɔ a Yeremi vanaa-tɛɛngaa-diom Hala-o, mó kɔa a ndu o luɛyɔɔ yàándɔ va o Cɛi-Hala-o-o. Mó kɔ dimul ndu aa: «I yeema mi ɲuna nɔm sɔɛi ndii pilɛ, vin ya ɲɛ-ɲɛ le.»

2Masaa 22:13

«La kɔ ɲuna Mɛlɛka isɔɔ le ya pila, le vannda Yuda a le lɛŋnde tɔ̀len kpow a sɔɔn co o sɛbɛ nda saalun hoo-o nin-ndon o kɔɔ-on, kani kɔltuw Mɛlɛka-o co o bɔɔ. O tuulu kɔl a naa le tùú fuɲaa naa kɛɛ le sɔɔn co o sɛbɛ kon nin-ndon biyɔɔ, má kɛɛ le kela lecoo-o.»

Yeremi 35:4

Mó kɔa a nda o Cɛi-Hala-o nin, má kɔ luɛi o cɛi kaandeŋaa Hanan-nda nin. Hanan kon yɛ, vana baala Hala-o o va ni, Yikdaliahou va fuɲa ndɔ ni. O cɛi simlacia ikɛi cɛi Hanan kon va ni, o cɛi Maaseya-o lecoo. Maaseya kon va po Salum va vana-solia-lasálà va hɔlten o dio luɛyaa Cɛi-Hala-o ni.