Yeremi 20:8 - BII BILA

⁸ Kani lɔ́ɔ́-lɔ́ɔ̀ ya va pɛ sɔɛi, mɛɛ mì yonda aa: ‹Delɔɔ coo! Kɔlvesɛiyo!› A toɲa, vannda co mamɔɔ, mà va ya yeolan lepalaa-lepala le sɔɛi nɔmnde, nɔm Mɛlɛka-e pɛɛn.

Yeremi 20:8 Referans Kwoze

Yeremi 6:10

O nɛ̀ɛ̀ lo ya soo yɛ? Nɛ̀ɛ́-nɛ̀ ya kanalan yɛ mò yaŋnun ya? A buli lani le, lelan a tui isɔɔ le. Sɔɛi Mɛlɛka-e nda muungu mamɔɔ ni, i bii nda bɛɛ iyeema le.

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

1Piɛr 4:14

Te la sɔla pɛ sangaa le diola Krista lan, dɛnɛ kɛndɔɔ o co le niaa ni, kani Kɔl biilaa, Kɔl Hala-o co niaa coo.

Hebreea 13:13

Mɛɛ n kɔnnun o ndu lo o dɔ́ɔ́ngɔ́ɔ̀ kɔɔli, mì n cɛlnun sɔɔlɛmaa maa ndu.

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

Luke 11:45

O kon mí vana pɛɛkaa latɔŋndo pum dimul Yeesu aa: «Vana bɛndoo, naa bɛɛ yeowlan n co naa nuaa o sɔɛi he nin ni!»

Yeremi 28:8

Vanaa-tɛɛngaa-diom Hala-a bɔɔ-bɔɔ va nɔm a ya tase. Mí vanaa-tɛɛngaa-diom Hala-a kan a dimul lɛŋii bɔɔ-bɔɔ a masɛi sɔvɛi dɛnnda va hunɔɔ ndi yɔŋnɔn-ndan, cɔwlan, dɛnnda vɔɔnndan a nàà n'kɔnyaa.

Yeremi 20:7

Mɛlɛka, a pala ya, mí cɛl le nɔm malnɔnndo o ba, má bii ya a paa-kala, má hiaw ya kpaayaa. Lɔ́ɔ́-lɔ́ɔ̀ vannda co ya mamɔɔ, nda kpow a co ya mamɔɔ.

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Yeremi 5:1

«La balu o nɛilan Yerusalɛm coo, mì la mɛɛndian, mì la ɲuuniaa, mì la nuwviaa o bɛ́ɛ̀lan kpow. Te la saalun pɛ vanndo, hali o pilɛ kpé, o sandu-o, o yeema dɛnɛ sandaa-o, o kon, i mal Yerusalɛm haki.»

Yeremi 15:10

Kala nuu, i kɔndu dɛnɛ fɔ, le violɔɔ n velu ya o ceendo coo-o. O lɛŋnden nin kpow, vana pilɛ bɛɛ nɔ sɔɛi nii kɛndɛ o kɔl te. Nduyɛ, kuee vana co ya le, vana nɔ kuee ni le, kɛ vannda kpow a co ya keiyo mɛɛniaalan.

Yeremi 15:15

Kɛ nɔm Mɛlɛka, a sina dɛnndan kpow. Yiyan ya coo, mà tosal-la kɛndɛi. Mingul vanaa co ya saangiaa-a maa, lo biuvɔnndo a nda mì dɛnɛ pala ya le. Sina pɛngu maa le nɔm ya co yeowlan biuvɔnndo ni.

Habakuk 1:3

Le yɛɛ n co yɛ ya dɛnɛ vɔɔndo cɔmndo? Vɛ́ ma va delɔɔcoo ho tofaa? Delɔɔcoo a dɛnɛ vɔɔndo kínɛí ya co cɔu vanaa balu ya-a tɛɛn ni. Sɛɛngianndan a sɔngɔlan la co bɔɔ tosanndo!

2Masaa 2:23

Mí Elise faŋan Yeriko, mó kɔa Betɛl. O lo nɛi-tɛɛn, mí poambɔa can ciee má va ndu mamɔɔ aa: «Tembele kpalaku, hél ciee! Tembele kpalaku, hél ciee!»

Esai 57:4

Nɛ̀ɛ́-nɛ̀ niaa co yɛ mamɔɔ tɛɛndanndo? Nɛ̀ɛ́-nɛ̀ niaa co yɛ sondoo kumbillo panda-panda? Nɛ̀ɛ́-nɛ̀ niaa co yɛ diɛɛmulen solullo? Cuavaa lasiannda a vanaa palaa n'vannda niaa co ni.