Yeremi 20:7 - BII BILA

⁷ Mɛlɛka, a pala ya, mí cɛl le nɔm malnɔnndo o ba, má bii ya a paa-kala, má hiaw ya kpaayaa. Lɔ́ɔ́-lɔ́ɔ̀ vannda co ya mamɔɔ, nda kpow a co ya mamɔɔ.

Yeremi 20:7 Referans Kwoze

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Cɛɛŋɔnnda Yeremi lan 3:14

I siŋnun ɲɛ mamaa vanaa nia kpow o ba, lepalaa-lepala, i co nda o sondo maa icondu.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Hebreea 11:36

Má mam a tiŋ, má lɔaa nda, má baa a pum yɔlɔn, má vow nda o kaasoo.

1Korɛntea 9:6

Te o co kon te, vɛ̀ɛ̀ naa Barnabas koni bɛnda mì n tosa vallo le baloo dɔwnɔnndo ni?

Dɛnnda kiilaa 17:32

Ndáà tueyɔɔ Pol sɔɛi a tendul vanvílɛ́iya o kɔɔ, mí vanaa pum can ndu mamɔɔ, mí a pum nda dimi aa: «Lɔ́ɔ́ celen a dimul naa.»

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

Luke 23:11

Mí Herɔde nda vanaa va ndu hɔlten nda sui ndu diɔmnde. Ndáà ciiyo ndu mamɔɔ, má vow ndu doma sɔvɛ-sɔvɛ bɛndoo, má mingi ndu o Pilate lo.

Luke 16:14

Mɛɛ Faliisia kaola volion-nda tuei sɔɔn mun, má kandu Yeesu mamɔɔ.

Misee 3:8

Kɛ ya ya, i co o piaa cá a yoomuan, yoomuma fula Kɔl Hala-o o ba-an. I nɔ dío a yoomuan le cuavaa Yakɔb dɛnɛ vɔɔn ndaa cɔmndo, a le Israɛlla haki ndaa cɔɔmullo.»

Yeremi 29:26

Mɛlɛka siinguu nɔm vana-solia-lasálàá o fonda Yehoyada vana-solia-lasálàá-o ni, haliko ma nɔ hɔlten o Cɛi-Hala-o coo le vanaa siingun nda pila vanaa-tɛɛngaa-diom Hala-a. A saalun nda pɛ, a baa nda yɔlɔn, a vow nda cilinndon o labolo.›

Yeremi 17:16

Ya, i beŋ nɔm le dɛnɛ palaa tuisi kangalan te, o co yeemɛi ni mì paale dɛnɛ palaalen le tiiya le. Nɔm Mɛlɛka, a sina ken válán. Diom ya soo-o, nɔm o hɔl ya dimi ndu ni.

Yeremi 15:18

Le yɛɛ nɛ sanga nuu nɔ yɛ lamɛɛlu le? Le yɛɛ nɛ bolin nuu co yɛ danda dɔwnɔn mò sengu le? Vɛ̀ɛ̀ ma siŋnun le ya maa pee pɔmbɔ hui vana-o, ɲin pum a komal mɛnndan ma piaa cá, paale celen a komal ma velan, vana nɔla ndu tiindan te?

Yeremi 15:10

Kala nuu, i kɔndu dɛnɛ fɔ, le violɔɔ n velu ya o ceendo coo-o. O lɛŋnden nin kpow, vana pilɛ bɛɛ nɔ sɔɛi nii kɛndɛ o kɔl te. Nduyɛ, kuee vana co ya le, vana nɔ kuee ni le, kɛ vannda kpow a co ya keiyo mɛɛniaalan.

2Masaa 2:23

Mí Elise faŋan Yeriko, mó kɔa Betɛl. O lo nɛi-tɛɛn, mí poambɔa can ciee má va ndu mamɔɔ aa: «Tembele kpalaku, hél ciee! Tembele kpalaku, hél ciee!»

SƐBƐ YƆB-O 12:4

Kpòkóó, i co koŋullo o Hala lo le mulio sɔlaa ndu o ba, kɛ o koŋul kon nin, i siŋnun ɲɛ mamaa caaŋaa nia o sondo fɔ́! Ya vana sandaa, ya tɛɛmbuu hoo isɔɔ loo kɛi dɛ!

Condii lisai 119:51

A mamɔɔ vanaa yongaa co ya-o kpede, i co tɔŋ nɔmndo kɔɔ mulul te.

Yeremi 38:19

O kon mí masaa Sedekia dimul Yeremi aa: «Siòònde co ya a Yuifia yɔngun Babilɔnnda-a ni, yɔŋii nda mal-la nda o ba, mà saangiaa ya.»

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

SƐBƐ YƆB-O 30:9

Nihau, vanaa kan co condon solio a ya cuunduuo nuaa ni, á diola nilan o lasondo kínɛí nda co nin ni.

Esai 8:11

Tuma Mɛlɛka bii ya a ba ndɔɔ, mó kanalan ya aa ya tosa dɛnndan maa vannda ha loo, mó dimul-la aa: