Yeremi 20:5 - BII BILA

⁵ I tɛɛmbuunin bolofaa co Yerusalɛm-ndo kpow, ɲɛm nda sɔla o baala ndaa nin-ndon, ɲɛm ndan sɔvɛɔn kpow a bolofaa masaa Yuda kpede, mì yɔngu yaamɔaa ndaa ɲɛm mun kpow, mà cuungiaa mun, mà cua mun, mà kɔɛnnun a mun Babilɔn.

Yeremi 20:5 Referans Kwoze

Esekiɛl 22:25

Vanaa-tɛɛngaa-diom Hala-a ndɔa co dúmbóó yiiyo o ndu nin maa yàlá co pɛɛliaa o ɲɛ o bii-o sɛɛsiaa-o, a o yoomula (vanndacieea) tɛɛmbuuo, o co ɲɛm sɔlan pilan a ɲɛm sɔvɛɔn poondiaa. O co vanlaandua taw-taw mɛiyo o vii piaandua nin o kobi kon nin.

Yeremi 15:13

«Yuda, i cii ɲɛm nɔmndon a bolofaa nɔmndo malɔɔ vannda o ba. Sálà n bɛnda le sɔlaa le hakila n tosa lan-ndo co kon ni, la n tosa o lɛŋnde nɔmnden coo lan pɛɛn.

Cɛɛŋɔnnda Yeremi lan 1:10

Yaamɔɔ handu baa o ɲɛm ndɔn sɔvɛn ndóò nɔ-on kpow coo. Hali vanaa-mangalaa-isɔɔa, à nɔm óò kuuna luɛyɔɔ vanaa nɔmnda tɛɛn-nda, mó ca nda luɛyɔɔ o Cɛi nɔm diandaa nin.

Yeremi 17:3

Niaa vannda Yuda, niaa co keiyo piɔmnda sooloo o pembon coo yondoo nin ni. I co ɲɛ-sɔlaa niaa, ɲɛm niaan, a tombun niaan malɔɔ vannda o ba. I tosanin ken le hakila niaa tosa o lɛŋnde niaalen kpow nin-ndan.

2Dɛnnda lemasalan 36:10

Vɔsi sɛnɛiyo kandɔɔ le tiiyaa, mí Nebukanɛsar viam vannda, má hun bii ndu mó kɔa a ndu Babilɔn a ɲɛm báà kalan va o Cɛi-Mɛlɛka-o nin-ndon. Mó suili Sedekia, puapilɛ ndu Yehoyakin-ndo masaa Yudaa a Yerusalɛmnda coo.

Daniɛl 1:2

Mí Maalii mal Yehoyakim ndu o ba. Mó mal vɛlɛ Nebukanɛsar ɲɛm diandan va o Cɛi-Hala-o nin-ndon n tiŋ cuaa. Mó kɔannun a mun o lɛŋnde Sinear len nin, mó kɔ kɛsi mun o cɛi mandaa bolofaa halaa ndɔa nin.

Cɛɛŋɔnnda Yeremi lan 4:12

Masaa co o lɛŋnden coo-a a vanaa co o ceendo coo-a kpow a laalan te maa yaamɔɔa ndáà keinin o diola kpakio, mì ndáà luɛi Yerusalɛm.

Cɛɛŋɔnnda Yeremi lan 1:7

Telen Yerusalɛm va o siɛmbulan nin mó va kelan fondoo-o, mó loonun a ɲɛm sɔvɛn ndóò nɔ kabi paandu-on kpede. Telen yaamɔɔa bii vanaa ndɔa vana-vana ve le nda mala loo, mí yaamɔaa ndɔa kan va ndu tofaa, má ndu mamɔɔ le tambii ndɔɛi.

Yeremi 39:8

Mí Babilɔn-nda loam cɛi masaa a cɛila vannda. Má komba kpaki va Yerusalɛm balɔɔ-o.

Yeremi 39:2

O vɔsi tɔ́ a ò pilɛndɔ Sedekia va o masalen-ndo, paangii hiɔɔlundɔɛi va malɔ leŋɔmahiɔɔlu, má buli tɛɛngei o kpaki kobio.

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Yeremi 4:20

Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Yeremi 3:24

Kandɔɔ o felengiyɛi nɛi nin, piɔmaa ndaa cii ɲɛm fuɲaa naa nuwviaa-on dio few: cɔlua pɔmbɔa a cɔlua bɛndua, poaa ndaa a cuavaa ndaa laandua.

Esai 39:6

Tofa vɔ, telenndo pum co hunɔɔ tiiya, vannda kɔandunin ɲɛ-ɲɛ co o nɔm ndo cɛinin a ɲɛm fuɲaa nɔmnda cuungiaa háá paale len-ndon, mà kɔɛnnun a mun Babilɔn, ɲɛ-ɲɛ lonin nanu le. Mɛlɛka soo lende ni!

Yeremi 32:24

Sunsun, Babilɔnnda co kpaakio tangullo le nambaa mà bii kobio. Kobio delnin Babilɔŋaa tiila ndu a cɔwvo-a o ba, mà cuu o mɔɛi cɔwve bɛngu, yima fofolan a nàà n'kɔnyaa. Kámáá a ce le! Ɲɛ n dimi-o peelun.

Osee 13:15

Cuavaa-imamaa Efraim-nda, ndáà pɛlnun ladio puapilɛa ndaa tɛɛn. Kɛ hoeyii cɛn a ba paalen le can-ndo-e co hunɔɔ, hoeyii Mɛlɛka-e co cɔnɔnndo o lɛŋnde veselɛilen nin, mì va heeloo. I veesiaanin peela lebolta cuavaa Efraim-nda, mì soonnda kólaala ndalan la vela. Bolofaa ndaa a ɲɛm vɔngu ndan báà kalan cuannunnin mì n kɔɛnnun.»