Yeremi 20:2 - BII BILA

² mó lɔaa Yeremi, vana-tɛɛngaa-diom Hala-o, mó dimi, má yii ndu o sungbulen o dio bɛndu Bɛnyamɛn va le luɛyɔɔ o Cɛi-Hala-o nin-ndo.

Yeremi 20:2 Referans Kwoze

Yeremi 37:13

Kɛ telen o tiiya o dio Bɛnyamɛn-ndo-o, mó komal bolle kpalilla diolan Yiria, po Selemia-o, po imama Hanania-o. Mí ndu Yiria bii Yeremi vana-tɛɛngaa-diom Hala-o, mó dimul ndu aa: «O Babilɔn-nda lo n co hiovɔɔ nuaa ni.»

Sakari 14:10

Tàndá balu Yerusalɛm-ndo kpow siŋnunnin dɛɛlaa vesɛiyo, cɔnɔnndo Keba háá tiiyaa Rimɔn, Yerusalɛm a ba too. Yerusalɛm sɔlanin heeloo mo lo o fonda ndɔɔ. Kandɔɔ a dio Bɛnyamɛn-ndo háá o fonda dio tasoo, kɔlan háá o dio lasɔngio, keiyo a cɛi coocoo Hananeɛl-lo, kɔlan háá o doolala nda vayia mɔiyan le masaa-a.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

2Dɛnnda lemasalan 16:10

Mí Asa tambu kɔl taw a vana-tɛɛngaa-diom Hala-o le sɔɔn o dimi mun-ndon. Mó bii ndu, mó mal ndu o kaasoo. Mó saangiaa vannda pum taw o telen kon bɛngu.

Yeremi 36:26

Kɛ mí masaa dimul Yerameɛl po ndɔ, Seraya po Asriɛl-lo, a Selemia po Abdeɛl-lo maa a bii Baruk vana sɛvaa nda Yeremi vana-tɛɛngaa-diom Hala-o. Kɛ mí Mɛlɛka vian nda kpíŋ.

Yeremi 29:26

Mɛlɛka siinguu nɔm vana-solia-lasálàá o fonda Yehoyada vana-solia-lasálàá-o ni, haliko ma nɔ hɔlten o Cɛi-Hala-o coo le vanaa siingun nda pila vanaa-tɛɛngaa-diom Hala-a. A saalun nda pɛ, a baa nda yɔlɔn, a vow nda cilinndon o labolo.›

2Dɛnnda lemasalan 24:21

O kon mí vannda yii Sakari dúmbú, mí masaa dimul nda le ndu viiyo a powtan o bɛ́ɛ̀ Cɛi-Hala-o nin.

1Masaa 22:27

ma kɔ dimul nda aa ya laa a mal ndu o kaasoo, mà va ndu baloo dɔvɔɔ a buloo a á mɛnndan daama. A vá tosaa lende háá telen ya fulanin o cɔwvo mì muungu nanu kɛndia a kɔlɲuloo-o.»

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Dɛnnda kiilaa 5:40

má kɔ veelu kiilaa kalaa, má dimul vannda, má lɔaa nda. O kon kɔɔli, má kuuna nda le sɔɛi o diola Yeesu lan, má mal nda, má kɔannun.

Dɛnnda kiilaa 5:18

O kon má bii kiilaa kalaa, má kinda nda o cɛi kaasu lelɛŋndo nin.

Dɛnnda kiilaa 4:3

Má bii nda, má kinda nda o kaasoo háá diimandɔɔ, kani paalen léè del nin.

Matie 21:35

Kɛ mí vanaa tósà baalaa o nakɔ n'rɛsɛnndo nin-nda bii buɛyaa ndɔa kan, má lɔaa o pilɛ, má dii o pilɔɔ, má vii o yàándɔɔ a powtan.

Yeremi 26:8

Telen Yeremi va vanaa kan sɔɔn Mɛlɛka dimul ndu le nda tɛɛngullo-on siowvo dimullo-o, má bii ndu a dimio aa: «A bɛnda ma sɔla piɔ́mndo.

SƐBƐ YƆB-O 13:27

A vow ya pelon o kpɛ́ɔ. A co kpeeŋiannda nilan fɛfɛlaa, má va foofola bɛngula nilan mɛɛndanndo.

2Dɛnnda lemasalan 18:23

Fɔ́ɔ́fɔ̀, mí Sedekia po Kenaana-o sɔɔnguu, mó lɔaa Misee kpaŋnde, mó ɲuna aa: «Vɛ̀ɛ̀ kpeekpei yiyan Mɛlɛka-o fula yɛ ya nin le nɔm sɔɔn mun dimullo?»

SƐBƐ YƆB-O 33:11

O co ya pelon kayakayaa, o co heelu nuu a tuusu nuu mɛɛndanndo.›

1Masaa 13:4

Mɛɛ masaa Yeroboam tuei sɔɛi vana-tɛɛngaa-diom Hala-o dimi ken a fonda-loamaa-lasálàá Betɛl o kɔɔ-e, mó siɛndi baa o fonda kalaa coo, mó yonda aa: «La bii langbanɔɔ ho!» Kɛ mí ba o siɛndi kon-ndo kengela, mó vesa sɛ́ɛ́n, o tiw lɛ ba le ndu mingio tuvɔɔ le.

Yeremi 26:10

Simlacia tueyɔɔ sɔɛi ken, má mal o cɛi lemasaa, má hel o Cɛi-Hala-o, má kɔ cal o dio sɛnɛi Cɛi-Hala-o.

Yeremi 37:21

Mí masaa Sedekia dimi le Yeremi mandaa o falii cɛi kaasoo nin, mà va ndu bulu tiilan ndáà pisi o nɛila vanaa loamaa bulua coo-o o pilɛ yɔngoo o paalen nin, háá mí bulu kon ndóò cuu cieo coo. Nuaa Yeremi lo o biyɔɔ nin o falii cɛi kaasoo nin ni.