Yeremi 20:12 - BII BILA

¹² Nɔm Mɛlɛka-Nɔ-Kpaayaa-Kpow-vo, a sinà vana sandu a nɔm-ndo. A sinà yeemɛi nɛi a yiyannda naalan. Nɔm ya dimul le ya kandaa ni, i canin mɛɛ n solinin ya mɔnɛi yɛ.

Yeremi 20:12 Referans Kwoze

Yeremi 11:20

Kɛ nɔm Mɛlɛka-Nɔ-Kpaayaa-Kpow-vo, nɔm co vana kialaa n'yama sandaa ni, nɔm sina yeemɛi a yiyanndan kpow ni. I canin mɛɛ n mingulnin nda maa yɛ, kani nɔm ya tiindan ni.»

Condii lisai 62:8

Cinda nuu a bɛɛle nilen le co Hala o ba. Ndu co pow kpovaa a nɛɛ nia viannannda ni.

Condii lisai 54:7

Màá dɛnɛ palaa tol yaamɔaa nia coo! Mɛlɛka, mɛɛ n co vana lo o lediom coo-o yɛ, kinda nda sondolan.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Condii lisai 59:10

Nɔm ya co tofaa ni, nɔm vana co ya kandaa-o, kani nɔm Hala co fonda ni mayoomoo ni.

Condii lisai 139:23

Dɔw ya taasi Hala, mà sina yiyan co ya o kɔl-lo. Tosa fula kɔɔlio, mà sina buulannda co ya o kɔl-tan.

Condii lisai 7:9

Nɔm Mɛlɛka kialu yamɛi vannda súúlan kpow ni. Kiolu yamɛi toɲɛi mɛɛ dɛnɛ ni sandaa a kela ni kɛndɔɔ co yɛ.

Yeremi 17:18

Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

Esai 37:14

Mí Esekia bii sɛbɛ Sanekerib sɛva-o kilaa o vim ndu-a o ba, mó tofa sɔɔn va n'sɛvaa lenin-ndon. Mɛɛ o cii tofa, mó hel o Cɛi-Mɛlɛka-o nin, mó timbi sɛbɛ kalaa Mɛlɛka o hɔl,

Condii lisai 17:3

Yaasiaa bɛɛ kɔl nuu icɔl, mà soli ndu kɔlɔ, tosa bɛɛ fulakɔɔlio le ya kɔlɔɔ sinaa, a seelunnin ɲɛ-ɲɛ vɔɔn te. Kani ɲɛ ya yiyanndo híw sondo nuu coo le.

Condii lisai 11:5

Mɛlɛka co vana sandaa a vana kɔlvesɛiyo taasio dɔvɔɔ. Vana yeemaa dɛnɛ vɔɔndo-o nɛinun ndu.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

1Piɛr 4:19

Lelan, vanaa co sangaa sɔlaa o hɛnan Hala-o tosaa-a nin-nda nda mɛi kɔlta ndalan vana cɔw ɲɔɔn-ndo o ba, o faŋan o diomnde ndɔlen coo loo, mà hiow laci a dɛnɛ kɛndɔɔ tosaa.

1Piɛr 2:23

ndu nda yei o mingi loo, ndu nda saangiaa, o pasa loo, kɛ mó mɛi Hala Vana kialaa iyama sandaa sɔɛi ndɔɛi o ba.

Yeremi 12:8

Polale vanaa nia simul-la mɛɛ yàlàá kungulan o bundɔɔ nin yɛ, a co ya pɛɛliaa coo. Lelan, i yeema lɛ nda le.

Esai 38:14

I va caŋndo maa lɛɛfɛn te kon te maa yamantoando, I va somisominndo a caŋndo maa poonpoon, hɔlta nilan la sanga a tofaa coocoo. Éé Maalii, i dɔwnun yɛɛvɛ a sangaa, hun mà mala ya yandi!

Condii lisai 86:4

Éé Maalii, i hin nɔm o ibuŋ, ya vana baala nɔmndo, ke ya kɔlɲuloo.

2Dɛnnda lemasalan 24:22

Masaa Yoas loonun kɛndɛi Yehoyada, fuɲaa Sakari tosal ndu-e le, mó dii po ndɔɔ. Tuma pá mí Sakari malnun kɔl, mó dimi aa: «Màá Mɛlɛka cɔ ɲɛ yɔŋnun-ndo, mò sala nɔm mɛɛ n tosa yɛ.»

1Samiɛl 1:15

Mí Anɛɛ mulul ndu aa: «Vana ni bɛndoo, o co mamɔi le ma bii ya le. Vanalanɔ dɛnɛ palaa co coo-o ya co ni, kɛ i kol mamɔi le. Mɛlɛka ya hin sanga nuu cɔm ni.

Condii lisai 58:10

Lɔ́ɔ́ pá mì yɔmii n'yɔɛi niɛi siŋnun bɔɔ, yɔmii ken va ikiyɛi, ì va ivesɛi, màá hoeyii fùkù-fùkùei basu vanaa vɔɔŋaa kan!