Yeremi 20:11 - BII BILA

¹¹ Kɛ nɔm Mɛlɛka co ya ikɛi, a co cɔlɔbaa le ya a kpaayaa. Lelan vanaa co ya yɛlen tollo-a boŋnin, a nɔlanin tosaa mɛɛ nda yiyan a ya yɛ le. Siɛmbulan la biinin nda le bumba nda bumbanin ya-o. Siɛmbula lan la vanin nda lɔ́ɔ́-lɔ́ɔ̀, vana-vana pɔɛnunnin a lan o kɔɔ le.

Yeremi 20:11 Referans Kwoze

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

Yeremi 1:8

Siòòŋii bii nɔm a nda le, kani i vanin nɔm ikɛi le nɔm baŋaa.» Mɛlɛka soo nuaa ni.

Yeremi 15:20

I siinguunin nɔm maa sungbule n'daɲale kálà-kálà vannda ha o hɔl. A cɔlɔbanin nɔm, kɛ a nɔlanin nɔm te, kani i co nɔm ikɛi le nɔm baŋaa a le nɔm ciindiaa. Sɔɛi fula ya Mɛlɛka o sondo-e co ken ni.

Yeremi 17:18

Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Condii lisai 6:10

A toɲa, Mɛlɛka tuei tɛɛlɔn nuu, o cɛl piɛile nilen.

Condii lisai 40:14

Mɛlɛka, baŋa ya yandi. Hun cɔ́-cɔ́, ma mala ya.

Condii lisai 35:26

Màá siɛmbulan la tol nda kpow mà tambu labɛɛ! Vanaa co kan a ɲaaloo le dɛnɛ palaa nuu-a pɛɛn. Màá siɛmbulan la bii vanaa co ya ciŋilanndo-a, mà laasian!

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Yeremi 23:40

I co tosa mì siɛmbulan la bii niaa le lɔ́ɔ́-lɔ́ɔ̀, la sɔla lɛnin bɛɛle va le niaa len te. Vana-vana pɔɛɛnunnin a ken o kɔɔ le.»

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Esai 45:16

Siɛmbulan la bii vanaa cɔavaa n'piɔmnda ma yɔŋnun laasi-laasi, a co kɔnndan a bɛ̀ɛ̀la nda tambu lan mɔ́ɔ̀yɔ̀ɔ̀.

Condii lisai 66:5

La hun mì la ce dɛnnda Mɛlɛka lan. Dɛnnda o co tosaa le anndacieea lan la co dɛnnda kpulunkumala bɛndu!

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Condii lisai 65:5

Dɛnɛ kɛndɔɔ co le vanaa n hɛli má sɔɔngun ikɛi le calle o nɔm ndo cɛinin-nda. N pumnin dɛnɛ kɛndɛ co o nɔm ndo cɛinin-ndo, ó co o Cɛi-Diandaa nɔmndo nin-ndo pɛɛn.

Condii lisai 47:2

Niaa vannda kpow, la tiɔm balan! La deŋi Hala o lani a ɲaaloo.

Esai 41:14

Lelan, la yɔŋ isiòòn te, niaa londopoloa pɔmbɔa Yakɔb-a ha. I co niaa Israɛlla sɔɔnguu ikɛi mì mala niaa.» Mɛlɛka dimi lende ni, O-Diandaa Israɛlla, vana niaa baŋaa pɛɛn.

Condii lisai 129:2

«Kabi o felengiyɛi nii nin, a co ya dɛnnda vɔɔnndan tosallo taw,» kɛɛ a co ya tiwba le.

Yeremi 15:15

Kɛ nɔm Mɛlɛka, a sina dɛnndan kpow. Yiyan ya coo, mà tosal-la kɛndɛi. Mingul vanaa co ya saangiaa-a maa, lo biuvɔnndo a nda mì dɛnɛ pala ya le. Sina pɛngu maa le nɔm ya co yeowlan biuvɔnndo ni.

Yeremi 22:22

Hoeiye co simlacia nɔmnda kpede kɔndɔɔ. A kɔanin a sámáá nɔmnda o biyɔɔ nin, siɛmbulan la biinin nɔm mà kiolu vai le dɛnnda vɔɔnnda n tosa lan.

Yeremi 32:18

A tosal vanndacieea dɛnɛ kɛndɔɔ háá o lambi vaa pilɛndɔɔ, kɛ te kala-ncuawva tosa pɛ hakio, a tuisi cuavaa ndaa sangaa coo le tɛɛmbuu kon. Hala co o bɔɔ-o a Hala kpaayaa n co ni, diola nɔmndan aa: ‹Mɛlɛka-Nɔ-Kpaayaa-Kpow-vo.›

Yeremi 1:18

I kɛsi nɔm hau lɛŋnden nden kpow coo maa kobi kpaaya bɛndu, maa sungbule icilin, maa kpaki n'daɲa masaa Yuda kpow coo, simlacia ndɔa kpow, vanaa-solia-lasálàà ndɔa a vanaa co o lɛŋnden nin-nda coo.