Yeremi 2:9 - BII BILA

⁹ Lelan i co vɛlɛ niaa kɔɔsal. Ya Mɛlɛka co sɔɛi nuaa ni. I co vɛlɛ cuavaa niaa imamaa kɔɔsal.

Yeremi 2:9 Referans Kwoze

Yeremi 2:35

A kon kpow, la co mulio aa: ‹N tɛɛmbuu isɔɔ oo isɔɔ le, kɔltuw Mɛlɛka-o tulnin naa coo le.› Le mɛɛ niaa co dimio aa la tɛɛmbuu isɔɔ le yɛ, i co niaa iyama kiolɔɔ.

Misee 6:2

Pembon sei, la yaŋ nilan o yamɛi Mɛlɛka-e! Niaa fondala lɛŋnden le kɛsi tumndo coo lan sei, yamɛi hin kiolu Mɛlɛka nda yungu ndɔɔ tɛɛn! Mɛlɛka luɛi kɔɔsɔɔ a Israɛlla.

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Osee 2:2

O kon, Yudaa a Israɛlla cuungiannin, mà cua simlacinɔɔ ndu pilɛ, mà fula o lɛŋnden nin. Kani paale bɛndulen paale Yisreɛl-ten le vanin ni.

Yeremi 2:29

Le yɛɛ niaa yeema yɛ le ya kɔɔsallo? Niaa kpow, la cɛn mí la simul-la. Ya Mɛlɛka co sɔɛi nuaa ni.

Esai 43:26

Lelan, la tindi yiyan nuu mì n kɔɔsan vellaa-velle. Niaa pila soo le dí niaa nuwviaa.

Esai 3:13

Mɛlɛka cɛn mò sim le yamɛi kiolɔɔ, o co isisi le yamɛi vannda kiolɔɔ.

Tɔŋ lasálàá 20:5

ya Mɛlɛka pila co ndu hinul a polale ndɔlen kpow ni. O kon, i faŋa nda Israɛlla tɛɛn few-few. Hali vanaa co bɛɛ laasian pilɛ kon Molɛk kɔɔli maa ndu-a, i faŋanin nda Israɛlla tɛɛn few-few.

Condii lisai 50:4

Hala yoongu halataalaa coocoo a lɛŋnden, le yaman vanaa ndɔa kiolɔɔ.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Osee 12:3

Mɛlɛka co hunɔɔ kɔɔsɔ a polale Yuda len, o soaŋnin cuavaa Yakɔb-a le kela nda vɔɔndo. O tosalnin nda mɛɛ dɛnnda ndalan la co yɛ.