Yeremi 2:8 - BII BILA

⁸ Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Yeremi 2:8 Referans Kwoze

Habakuk 2:18

La co cilinndon teengiaa, mì la va tuuliaalan toosiaa a mun le vannda còòlan dimullo. Piɔmndo suu le, o kpeŋan a ba ndɔ le, le yɛɛ mì la tiindan ndu? Ɔ́ɔ̀ kpeku piɔmndo solul vana-o?

Yeremi 10:21

Diɔmnda simlacia yɔŋnun ni, a ɲuna Mɛlɛka le, lelan nda dema dɛnɛ ni, mí cɔlua ndaa lakundaa sɛŋin kpow.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Nsaŋ 16:3

A tosanin ken le tùú nda kɛɛ ya a Pua sinaa-o.

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Nsaŋ 8:55

Kɛ la sina ndu le. Ya yɛ, i sina ndu. Te i dimi pɛ maa i sina ndu le, i siŋnun ɲɛ pilɔɔ naa niaa, vana lacòòvaa pɛɛn. Kɛ i sina ndu, i co sɔɛi ndɔɛi biyɔɔ.

Luke 11:52

Dɛnɛ palaa co le niaa, niaa sina tɔŋndo taw-va. Kani la soli kíì co le luɛyɔɔ o dio kɔlkaloo-e. Niaa pila luei le, mí la kuuna vɛlɛ vanáà yeema le luɛyɔɔ-a luɛyɔɔ.»

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

Yeremi 7:8

Kɛ o sɔɔn lacòòvan n nɛŋi vana ɲɛ-ɲɛ loon coo niaa kɛsi kɔltan ni.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Yeremi 2:11

Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Esai 30:5

Siɛmbulan la biinin nda kpede le vanaa-mangalaa-isɔɔa nda nɔnin haa tɔnɔ oo tɔnɔ o n'dial te-a. A sɔlanin mala kɛ́-kɛ̀ nda o ba le, a sɔlanin mala nda o ba le, kɛ a siŋnunnin dɛnɛ lasiɛmboo a bɛɛtambɛiyo le nda.

Esai 29:10

Kani Mɛlɛka cucu kɔl dialun vílɛ́i bɛndoo niaa coo, o kinda hɔlta niaalan (niaa vanaa-tɛɛngaa-diom Hala-a), o kumbu bolii niɛi (niaa vanaa sina siɔdii lacio-a).

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

1Masaa 18:40

Mí Elii dimul nda aa: «La biw vanaa-tɛɛngaa-diom Baal-la kpow, o kɛ́-kɛ̀ hialun niaa le dɛ!» Má biw nda. Mí Elii toal a nda o pee pɔmbɔɔ Kison kɔngɔ, mó kɔ kili nda bololan.

1Masaa 18:29

Paalen léè hiovɔɔ o pol, má kandu vɛlɛ Baal piɛiyo coocoo háá mí telen solia lasálàá tiiya. Kɛ kpɛkɛlɛ bɛɛ a tui le, a sɔla muli le, a ci vɛlɛ tɔɔmasele kɛ́-kɛ̀ le.

1Masaa 18:22

Mí Elii soaa vɛlɛ, mó dimul vannda aa: «Ya ya, ya pilɛ kpé lo o vanaa-tɛɛngaa-diom Mɛlɛka-a tɛɛn ni. Vanaa-tɛɛngaa-diom Baal-la yɛ nda co n'van kɛmɛ lehiɔɔlu a beleŋuɛɛnu.

1Samiɛl 12:21

Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.

1Samiɛl 2:12

Vanaa fondoa poaa Helii-a va ni, ndáà nɔ siòòŋii Mɛlɛka le.

Tɔŋ miingua 33:10

A co cuavaa Yakɔb-a silala nɔmndan pɛɛkoo, a co Israɛlla tɔŋ nɔmndo tɛɛsiallo. A co ansan lomɔɔ nɔm o milinndo bɛngu, a co sálà loamaa solio o fonda-loamaa-lasálà nɔmndo coo.

Yeremi 9:14

diom ya Mɛlɛka-Nɔ-Kpaayaa-Kpow-vo, ya Hala Israɛlla dimi-o co hoo ni aa: «I co vannda ha bil loloo ke mà de, mì koesi nda bɔ̀tàá.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Esekiɛl 22:26

Vanaa-solia-lasálàà ndɔa co tɔŋ nuu tɛɛmbuuo, a co kasio delɔɔ o cɛila-kolala-toandaala ndala diandaalan nin, a sina pɛngulan ɲɛ co o solian sálà-o a ɲɛ co o solian sálà loo tɛɛn te. Lelan, a cɔmnin sɛyanndo ɲɛ co o diandaa-o a ɲɛ co o nɔɔlɛiyo-o tɛɛn te. A co hɔlaa ndaa faŋaa o palɛi nii pɛngiɛi coo, a cii ya bɛ̀ɛ̀lan nda tɛɛn few-few.

Esekiɛl 34:2

«Po vanacieo sei, tɛɛngul simlacia Israɛlla diom Hala-o. Tɛɛngul nda ndu mà dimul nda, simlacia kan pɛɛn aa: Nuaa Maalii, o co Mɛlɛka-o dimi ni aa: ‹Dɛnɛ palaa co le simlacia Israɛlla co nda pila baloo dɔwnɔnndo-a. Vɛ̀ɛ̀ vanaa mandaa n'saa bɛnda mà yɛɛ saa ndaa billo dioo le?

SƐBƐ YƆB-O 35:10

Kɛ vana-vana dimi le aa: ‹Ɔ́ɔ̀ Hala toosiaa ya-o? Ndu tosa ni mì n soli condun kɔlkɛndɔn a di-tɛɛndo.