Yeremi 2:7 - BII BILA

⁷ Nduyɛ, mí hun a niaa o lɛŋnde naŋ tɔlɔɔlan-nden nin, haliko mi niáà de kɔmnde ndɔle kɛndɛlen. Kɛ mɛɛ niaa hin, mí la nɔɔliaa lɛŋnde nilen, mí la siinguu kɛ́ nuu mààlan.›

Yeremi 2:7 Referans Kwoze

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Kundalan 13:27

Kona nda dɔwnun-ndo yɔŋnun hoo ni, má dimi aa: «N kɔɛ mí n tiiya o lɛŋnde n vem naa nin-nden nin. Toɲaa, lɛŋnde cɔlua a tɔlɔɔlan la naŋ nin taw-taw len le co ni.

Esekiɛl 36:17

«Po vanacieo sei, telen cuavaa Israɛlla va icali o lɛŋnde ndale kpeekpeilen nin-ndo, má nɔɔliaa len a kela nda vɔɔndo, a dɛnnda ndala vɔɔnndan. Mí kela nda vɔɔndo va ya o hɔl maa nɔɔla vanalanɔ co paangii ndɔɛi cɔu-vo.

Yeremi 3:9

A kela ndɔ vɔɔndo, mí Israɛl nɔɔliaa lɛŋnden o piɔmnda sooloo nin, piɔmaa lapowva a piɔmaa iyɔmnda.

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.

Misee 2:10

La cɔn mì la kɔɛ! Kani lɛŋnden nden le co fonda pɛngia le, le cuu nɔɔliaa a hakila niaalan. Le hee, la sanganin taw-taw.›

Esekiɛl 20:6

Paale len, mí heelu baa coocoo, mí mɛnalan nda le nda faŋaa o lɛŋnde Esipte len nin, le nda yɔɔ o lɛŋnde ya mɛɛndian le nda len nin, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpow naŋɔɔ len.

Nehemi 9:25

Má bii kobila mayoomulan, má hialu ɛŋii naŋ tɔlɔɔlan-nde, cɛila bolofaa va nin taw lan, soonnda kólaala ndáà tow lan, nakɔla n'rɛsɛnndan, nakɔɔla olivieelan, a tɔlɔɔla celen taw. O kɛndɛi nɔmii bɛnduei bɛngu, má dia mɛɛ ndáà hɛnan yɛ, má pum kúkúú, má vannun o dɛnɛ kɛndɛ ɲaale bɛndoo nin.

Tɔŋ miingua 21:23

vana vílɛ́i kon bɛnda mò lɔl o landaa o yɔmndo coo le. La bɛnda mì la kumbu ndu paale niaa landu ndu len. Kani vana nda landu o yɔmndo coo-o, danga fula Hala o ba-o o co ni. Nduyɛ, la bɛnda mì la nɔɔliaa lɛŋnde Mɛlɛka Hala niaa ke niaa kɛ́ɔ len te.»

Tɔŋ miingua 6:18

La tosa ɲɛ co o sandaa a o kɛndɔɔ Mɛlɛka o hɔl-lo, haliko mi la sɔla dɛnɛ kɛndɔɔ, mì la hɛlu lɛŋnde kɛndɛle Mɛlɛka yiilu fuɲaa niaa mamaa kpemaa, mó mɛnan le nda len yɔngoo len.

Yeremi 3:2

Heelu vɔ hɔlla o pembon coo mà tofa, kuɛɛ nɛ n kɛɛ yɛ nɔɔlian a piɔmnda sooloo? A co icali o nɛilan lekɔɔ nda cum maa Arabua kela o lɛŋnde veselɛilen nin-nda. A nɔɔliaa lɛŋnden a suunda nɔmndo a á kela nɔm vɔɔndo.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!

Yeremi 32:30

Kani kabi o cuaambɔyɛi ndɛi nin, dɛnnda hɛnan ya le lan kposon Israɛlla a Yudaa co tosaa ni. A toɲa, ɲɛ-ɲɛ celen Israɛlla co coo le, fɔ ya kɔllo tɛɛmbuuo.» Sɔɛi fula Mɛlɛka o sondo-e co ken ni.

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Osee 9:3

Cuavaa-imamaa Efraim-nda lonin icali o lɛŋnde Mɛlɛka len nin te. À biinin nɛiyo le muungoo Esipte. À kɔ dianin ɲɛm dian nɔɔlɛiyon Asiri.

Tɔŋ miingua 32:9

Kani kɛ́ Mɛlɛka-o ndu co yungu ndɔ kon ni. Polale Yakɔb len pɛɛn.

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

Esai 19:25

Mɛlɛka-Nɔ-Kpaayaa-Kpow-vo dɔawnin nda duaa mò dimi aa: «Duaa co le Esiptea, yungu nuu nda co ni, duaa co le Asiriia, vali bala nilan la tosa-o nda co ni, duaa co le Israɛlla, nda co kɛ́ nuu ni!»

Esekiɛl 20:24

Kani a ve kela o sɔɔn ya va nda pɛɛkoo-on coo le, a va silala nilan pɛɛsaa, a va kasio delɔɔ a palɛi nii diandɛi, handɔɔ o kon coo, piɔmaa fuɲaa ndaa ndáà mulul hɔlla ni.

Esekiɛl 23:35

Nuaa Maalii, o co Mɛlɛka-o dimi ni aa: «Le tùú n pɔɛɛnun ya-o, le tùú n kɛɛ ya ma mulul-la kɔɔ-o, mɛɛ nɔm bɛɛ sɔla niko sangaa le suunda nɔmndo a le nɔɔlian nɔmndo.»