Yeremi 2:6 - BII BILA

⁶ A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Yeremi 2:6 Referans Kwoze

Tɔŋ miingua 32:10

O komal Israɛlla o tàndá lɛŋnde veselɛiyo nin, o fonda yilili ɲaa biyaa co kuuliaa nin-ndo. Mó cua nda le nda bɛsio, mó pɛɛku nda. Mó manda nda maa hɔlte kúlte ndɔlen.

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Matie 4:16

vanaa co icali o ɲumndan nin-nda ce ɲɛ-tengaa bɛndoo, pangeloo tenga vanaa va icali o lɛŋnde vunduma piɔ́mnden nin-nda coo!»

Osee 12:13

Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.

Yeremi 5:2

Hali à mɛnan bɛɛ má dimi aa: «Le Mɛlɛka yoomaa.» Mɛɛniannda lacòòvalan daama nda nɔ ni.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Esai 64:7

Nduyɛ nɔm Mɛlɛka, nɔm co fuɲa naa ni, naa naa, puulu cɔavaa n'kpɛɛnɔɔ naa n co ni, nɔm co vana cɔw naa-o ni, naa kpow, vali bala nɔmndan la tosa-o naa n co ni.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Condii lisai 77:5

A tosa mí kpennda lahɔl, kɔllo hiŋnun ya nin, i nɔ ɲɛ dimia le.

Condii lisai 23:4

I va bɛɛ kɔlan o ból vunduma piɔ́mndo nin, i buulan le ɲɛ-ɲɛ vɔɔn te, kani nɔm Mɛlɛka co ya ikɛi. Sionnde nɔmnden a tinda nɔmndo co ya kɔllo kɛsio.

SƐBƐ YƆB-O 35:10

Kɛ vana-vana dimi le aa: ‹Ɔ́ɔ̀ Hala toosiaa ya-o? Ndu tosa ni mì n soli condun kɔlkɛndɔn a di-tɛɛndo.

SƐBƐ YƆB-O 3:5

Màá ɲumma bɛnduan a vundule piɔ́mnden léè tol paale len coo vofu! Màá yumbuyumbo bɛndoo ndóò tol o paale len coo! Màá halataalaa va lɔ́ɔ́-lɔ́ɔ̀ o tiŋi kpilo o paale len coo, mì ɲɔɔ ndóò kumbu ɲɛ-tengaa paale len mì siòònde ndíì bii len!

2Masaa 2:14

Mó bii doma kon, mó lɔaa mɛnndan a ndu, mó deŋi aa: «Kuɛɛ nɛ Mɛlɛka, Hala Elii-o co yɛ? Kuɛɛ nɛ o co yɛ kpeekpei?» Lende ndu bɛɛ lɔɔ mɛnndan ni, mí ma sɛyan tɛɛn o ba kɛndɔɔ a o ba mɛllo coo, mó taŋ.

Masaa kialaa n'yamaa 6:13

Mí Sedeɔn muli aa: «Mal haki, vana ni bɛndoo! Te Mɛlɛka ndóò va pɛ naa ikɛi, dɛnnda palaalan-ndan láà tol naa coo? Ɔ́ɔ̀ niko dɛnnda kaamaala fuɲaa naa dimi làn maa Mɛlɛka tosal nda mó soli nda Esipte lan? Mɛlɛka cii naa kɛɛ, mó mal naa Madiannda o ba.»

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Tɔŋ miingua 1:19

«O kon kɔɔli, mí n faŋan o pembei Horɛb, mí n kei o lɛŋnde veselɛile bɛndu-bɛndule lueì len vana siòònde len nin, le niaa ce len pɛɛn. Mí n kɔa o tàndá n'pembu Amoriia nin maa mɛɛ Mɛlɛka Hala naa pila dimul naa yɛ. Mí n tiiya Kadɛs-Barnea.

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Yeremi 51:43

Kobila co Babilɔn-ndan la pieow, lɛŋnde ndɔlen le vesan sɛ́ɛ́n mì vanndacieea piaw, vana co lɛ kei lon te.›

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Yeremi 5:12

A soo sɔɔn lacòòvan a Mɛlɛka o kɔɔ, a co dimio aa: «Mɛlɛka co le! Dɛnɛ palaa kɛ́-kɛ̀ komalnin naa le, cɔw hinulnin naa le, yima biinin naa le.

Amɔs 2:10

Nduyɛ, ya Mɛlɛka, ya soli niaa Esipte ni, mí heelu a niaa, mí sim niaa laci o lɛŋnde veselɛilen nin, o vɔsilan belehiɔɔlu bɛngu, haliko mi la hun hiɔlu lɛŋnde Amoriia.