Yeremi 2:5 - BII BILA

⁵ Diom Mɛlɛka dimi-o co hoo ni aa: ‹Dɛnɛ vɔɔn yɛɛ fuɲaa niaa mamaa saalun yɛ o ya nin? Le kɔlɔ yɛɛ nɛ nda faŋan yɛ ya kɔɔli má kɔa ɲɛm fondo-fondon kɔɔli, mí nda pila siŋnun vanaa fondoa?›

Yeremi 2:5 Referans Kwoze

2Masaa 17:15

A yondal Mɛlɛka ndóò yondal nda kon-ndo kpede, má kɛɛ silala ndɔlan a kpema ndóò yiilu fuɲaa ndaa mamaa-o. Má mulin halaa fondoa sooloo. Lelan mí nda pila siŋnun vanaa fondoa, má del vanaa-mangalaa-isɔaa va icali nda ikɛi-ya kɔɔli o kelala ndalan nin, vanaa Mɛlɛka ndóò kuuna nda le delɔɔ kɔɔli-a pɛɛn.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Yonas 2:8

Tuma yoomoo va faŋanndo ya o milinndo, mí yiyan a nɔm Mɛlɛka o kɔɔ, o kon mí piɛile nilen le hel háá o nɔm ndo, o calta nɔmndan nin dí.

Condii lisai 115:8

Velanndo nda pila a vanaa cɔw nda-a. Lende koni vanaa co nda tiindanndo-a co vɛlɛ ni.

Esai 44:9

Vanaa cɔaw piɔmnda-a, vanaa fondoa fúú nda co ni. Ɲɛm ndan kɛndɛn hiow naŋɔɔ-on n nɛŋi kpeku oo kpeku le, ɲɛm mun pila co seilen tɛndaa kpendekele: ɲɛm nda cɔaw-von ci le, n sina ɲɛ-ɲɛ le. Siɛmbulan la tol nda pila vanaa cɔw mun-nda.

1Samiɛl 12:21

Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Matie 15:8

‹A n'cɔcɔ vannda ha co ya biiloo ni, kɛ kɔlta ndalan la co bɔɔ ya levil.

Esekiɛl 11:15

«Po vanacieo sei, puapilɛa nɔmnda, ndepilɛa nɔmnda, vanaa co vanayan nɔmndon nda, cuavaa Israɛlla kpow pɛɛn, nda co vanaa co icali Yerusalɛm nda dimullo ni aa: ‹La lo Mɛlɛka levil lende polon dɛ! Kani naa lɛŋnden nden le yɔngun le len loovo ni.

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Yeremi 12:2

A tɔl nda, má luei puundon, má sul, má va kullon komɔɔ. Diola nɔmndan la fula nda o sondo le, kɛ kɔlta ndalan la co levil a nɔm.

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Esai 46:12

Niaa vanaa nila kalua ha, niaa co yaamɔaa dɛnɛ saandaa-a, la yaŋ nilan.

Yeremi 2:4

Yungu Yakɔb-o, la yaŋ nilan o diom Mɛlɛka dimi-o. Niaa yungula fula o cɛi Israɛl-lo nin-ndan, la yaŋnun.›

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.