Yeremi 2:36 - BII BILA

³⁶ Le yɛɛ nɛ niaa co yɛ keleŋa bɛndoo ho le kela niaa mangalaa? Siɛmbulan la biinin niaa a Esipte maa mɛɛ la bii niaa a Asiri yɛ.

Yeremi 2:36 Referans Kwoze

Yeremi 31:22

Háá telen kuɛɛ n lo yɛnin balɔɔ nɛɛ-nɛɛ ka, nɔm cuaambɔ laandu lanila kaloo ho? Kani Mɛlɛka soli dɛnɛ sɛnɛiyo o lɛŋnden coo, vanalanɔɔ co nin kela vanapɔnɔɔ ni.

Osee 5:13

Cuavaa-imamaa Efraim-nda sina nàà ndaa, mí Yudaa ca pavii ndɛi. O kon mí cuavaa-imamaa Efraim-nda kɔa Asiri, má viam vannda o masa bɛndoo lo le nda malaa. Kɛ masa kon nɔla niaa singi le, o nɔla vɛlɛ pavii niɛi cɛwvo le.

Osee 12:1

«Cuavaa-imamaa Efraim-nda balu ya a còòlan, cɛi Israɛllo balu ya a sɔɔn lakafan. Polale Yuda len le co vɔ ya Mɛlɛka kɔɔli, kɛ le co vɛlɛ halaa celennda sooloo.

Yeremi 2:23

Vɛ má dimi aa: ‹I nɔɔlian te, i del Baal kɔɔli le ndu sooluu le?› Tofa vɔ foofola bɛngula nɔmndan o bóllo nin! O bɛnda ma sina dɛnɛ n tosa-o, nɔm ɲɔɔmɛɛ téndé co kelanndo ba-ba ka-o.

2Dɛnnda lemasalan 28:16

O telen kon, mí masaa Ahas viam kiilaa o masaa Asiri lo le ndu hunɔɔ malaa.

Osee 14:3

La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.

Osee 10:6

Kani vannda cuanin ndu mà kɔɛnnun a ndu Asiri, mà kɔ ke masa bɛndoo ndu. Siɛmbulan la biinin polale Efraim-nden, mì Israɛlla kel suei le tuula ndala lan.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Esekiɛl 29:7

Mɛɛ nda saa nɔm (Faraɔnnɔɔ) le nɔm tiindanndo, má yom nda o ba kpɔsu, má sɛɛsiaa nda congúla tumndan. Mɛɛ nda sɛɛŋun nɔm, má piɔl, má soli nda yoomuan.

Cɛɛŋɔnnda Yeremi lan 5:6

N co balan siɛndio o Esiptea lo a o Asiriia lo haliko mi n sɔla ɲɛdiaa mò tiw naa.

Cɛɛŋɔnnda Yeremi lan 4:17

Hɔlta naalan la co sangaa tofaa le mala sɔlannin too cumndo. Cumndo tuŋ naa n va o fondala naala cumulaa lan ni. N sanga vanaa-mangalaa-isɔɔa pum cumndo le naa baŋaa, kɛ a hin te few.

Yeremi 37:7

«Diom Mɛlɛka Hala Israɛlla dimi-o co hoo ni aa: La kɔ dimul masaa Yuda, o vem niaa ya ɲunaa-o aa: Vanaa cɔvaa ndáà fula Esipte le niaa hunɔɔ cɔwvo malaa-a muungun o nda lo Esipte.

Yeremi 2:33

«La caa bɔɔ nɛiyo nuwviaa le kɔlan kela suundɛiyo. La dɛli nin a keiyo o nɛi dɛnɛ vɔɔndo coo.

Yeremi 2:18

Vɛ niko nɛi Esipte-o biyɔɔ? Bàà le mɛmma peo Nil kɔlan kolɔɔ ni? Le yɛɛ n bii yɛ nɛiyo le kɔlan Asiri? Bàà le kɔlan mɛmma peo Efrate kolɔɔ ni?

Esai 20:5

O kon, siòòŋii bɛnduei a siɛmbulan la biinin vannda le lɛŋnde Etiopii le ndáà tiindan-nden a le lɛŋnde Esipte le nda va kuundianndo len.»

Yeremi 46:12

Vanaa-mangalaa-isɔɔa tuei siɛmbula tol nɔm-ndan. Kani koŋul nɔmndo tiw nɛɛ-nɛɛka o lɛŋnden coo. Kuubanɔ cɔwvo kundunin kuubanɔ cɔw celen, mà deli latulu nda ŋiɔn kpow.»

Esekiɛl 16:28

Má suunda vɛlɛ a Asiriia, kani nɔm óò pim ndɔ a suundaa le, kɛ hali a suunda n suunda kon a kan-ndo kpede, a sanga vɛlɛ a suundaa le.

Yeremi 22:20

Nɔm Yerusalɛm, hel o pembon Liban bollen mà yonda. Tosa mì vannda tuei nɔm diom o buubuuon Basan coo. Lo o pembon Abarim coo mà yonda, kani vanaa ndáà yeema nɔm-nda kpede a cuu pesipesi.

Yeremi 22:22

Hoeiye co simlacia nɔmnda kpede kɔndɔɔ. A kɔanin a sámáá nɔmnda o biyɔɔ nin, siɛmbulan la biinin nɔm mà kiolu vai le dɛnnda vɔɔnnda n tosa lan.