Yeremi 2:35 - BII BILA

³⁵ A kon kpow, la co mulio aa: ‹N tɛɛmbuu isɔɔ oo isɔɔ le, kɔltuw Mɛlɛka-o tulnin naa coo le.› Le mɛɛ niaa co dimio aa la tɛɛmbuu isɔɔ le yɛ, i co niaa iyama kiolɔɔ.

Yeremi 2:35 Referans Kwoze

Talelan 28:13

Vana co tɛɛmbuula ndɔlan vionɔɔ-o, tìw dɛnɛ ba le, kɛ vana sɔlɔlan pɛ tɛɛmbuula ndɔlan mò mal tan, ndu sɔla ɲííye tuinɔnndo.

Rɔmnda 7:9

Paandu, i vannun yoomu, i ve o tɔŋ bɛngu le. Kɛ tɔŋndo hunɔɔ, mí hakio muungu yoomu,

Yeremi 25:31

Vana lo lɛŋnde mɛɛlu mà tuei ndu diom. Mɛlɛka co kɔɔsɔɔ nda vanaa-mangalaa-isɔɔa. O veelu vanndacieea kpow o cɛi ndɔ kɔɔsɔɔ nin, o tosanin mì vanaa vɔɔnda kpede a vi o mɔɛi cɔwve bɛngu.› Sɔɛi fula Mɛlɛka o sondo-e co ken ni.»

Yeremi 2:29

Le yɛɛ niaa yeema yɛ le ya kɔɔsallo? Niaa kpow, la cɛn mí la simul-la. Ya Mɛlɛka co sɔɛi nuaa ni.

Yeremi 2:23

Vɛ má dimi aa: ‹I nɔɔlian te, i del Baal kɔɔli le ndu sooluu le?› Tofa vɔ foofola bɛngula nɔmndan o bóllo nin! O bɛnda ma sina dɛnɛ n tosa-o, nɔm ɲɔɔmɛɛ téndé co kelanndo ba-ba ka-o.

Yeremi 2:9

Lelan i co vɛlɛ niaa kɔɔsal. Ya Mɛlɛka co sɔɛi nuaa ni. I co vɛlɛ cuavaa niaa imamaa kɔɔsal.

Esai 58:3

A co ɲunaa aa: «Tɔnɔ yɛɛ naa n nɔ yɛ le sumndo biyɔɔ te nɔm (Mɛlɛka) co ndi cɔ le? Tɔnɔ yɛɛ naa n nɔ yɛ le naa pila tuisinndo tootoo te nɔm co naa saalan te?» O kon mí Mɛlɛka muli aa: «O co fondo le, paale niaa co sumndo biyɔɔ len, la co yiyannda niaalan tosaa, la co vanaa baalaa niaa saangiaa a kɔlvesɛiyo.

SƐBƐ YƆB-O 33:9

Má dimi aa: ‹I tɛɛmbuu isɔɔ le, i del kasi le. I dendu, dɛnɛ vɔɔn co ya nin te.

Esekiɛl 17:20

I toandunin yala nuu ndu coo, mò haw o yaŋɔɔle nilen. I kɔanin a ndu Babilɔn, lon ya kialunin yamɛi ndɔɛi le kɛɛ o kɛɛ lo o lediom coo a ya-o ni.

Yeremi 16:10

«Lɔ́ɔ́ n dimulnin vannda ha sɔɔn mun kpow-vo, bɔɔle a ɲunanin nɔm aa: ‹Le yɛɛ nɛ Mɛlɛka co yɛ naa dɛnnda palaala bɛndula vaa lende kpow tuisi coo? Dɛnɛ vɔɔn yɛɛ naa n tosa yɛ? Haki yɛɛ nɛ naa n tosa yɛ a Mɛlɛka Hala naa?›