Yeremi 2:34 - BII BILA

³⁴ Kooma vanaa tɛɛmbuu isɔɔ le-a ma suinun o domala niaalan kpengon. Nduyɛ, o co o diola niaa bɛŋi le niaa bii nda le.

Yeremi 2:34 Referans Kwoze

2Masaa 21:16

Handɔɔ o dɛnnda vɔɔnnda Manase luei Yudaa balan nin má tosa ɲɛ niŋ Mɛlɛka o hɔl too lan coo, mí Manase diw vanaa tɛɛmbuu isɔɔ le-a o kobio Yerusalɛm nin, háá mí kobio pia cá a koovan.

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

2Masaa 24:4

a le kooma vanaa ndóò diw mí ndóò pei Yerusalɛm a man-ndan. Nduyɛ vanaa kan ndáà tɛɛmbuu isɔɔ le. Mɛlɛka cɛl le haki kon malɔɔ le few.

Fulaa 22:2

Kɛ te ipala dɛnɛ kon yɔŋnun ni, mà dii ndu, vana dii ndu-o bɛnda mò sɔla sɔɛi le vanaciee o dii-o. Vuiyo ciimbuu pɛ ɲɔɔ, o bɛnda mò luɛi bɔnɔɔ le ɲɛ pilaa salaa. Te o nɔ ɲɛ le, a pisi ndu pila le ɲɛ o ciimbuu-o salaa.»

Esekiɛl 24:7

Kani kooma vanaa o diw-va ma co vɔ ceen déŋ, o pow bandíláà coo kpendekele o taaliaa man ni, o sɛŋi man o lɛŋnde muungu coo mì maa mɔɲamɔɲa o cundoo nin te.

Esekiɛl 20:31

Háá a paalen nden, la co nɔɔlianndo a piɔmaa niaa kpow o ɲɛm kean niaan yɔngoo nin a o hɔ́aa niaa keiyo o yinnden nin. Vɛ̀ɛ̀ mì cɛl vɛlɛ mì la hiow laci a ya isɔɔ ɲunaa, niaa cuavaa Israɛlla? Le yoomu nuu, i cɛl-lɛnin mì la ɲuna ya isɔɔ le! Sɔɛi fula Maalii o sondo-e co ken ni, Mɛlɛka pɛɛn.

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 7:31

Má tangul tombon Tofɛt, o Bóllo Bɛn-Hinnɔm nin le poaa ndaa a cuavaa ndaa lomɔɔ o yin. O co dɛnɛ ya dimul nda le tosa le co kon te, kabi bɛɛ yiyan kon del-la o kɔl te.

Yeremi 6:15

Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

Esai 59:7

Peelun ndan co kiltan le dɛnɛ vɔɔndo tosaa, a co keleŋaa le kɔlan vanaa tɛɛmbuu isɔɔ le-a diwvo. Yiyannda ndalan kpow la sendu le. Dɛnɛ tambɛiyo a ɲɛm tambɛiyon co o nɛila ndalan coo.

Esai 57:5

Yeemɛi bɛnduei co niaa le kɔlan sooluulan kilaa o yɔmii terebɛntiei, a o yɔmii puiyɛia kpow bɛngu. La co cuaambɔa bololan kilio o kpolonndan nin a o tɛɛngun powta kpovalan nin.

Esai 59:3

Kani bala niaalan la co lalɔngɔlɛilan a koovan, suon niaan n co n'nɔɔlɛiyon a dɛnnda vɔɔnndan, cɔcɔn niaan co còòlan dimio, mì diɛɛmui niɛi va ɲiimu-ɲiimu fondoo.

Yeremi 2:33

«La caa bɔɔ nɛiyo nuwviaa le kɔlan kela suundɛiyo. La dɛli nin a keiyo o nɛi dɛnɛ vɔɔndo coo.

Yeremi 7:6

te la saangiaa miallo le, mì la saangiaa vííyo a vanalanɔ pɔnɔ ndɔ vi-o le, te la dii vana tɛɛmbuu isɔɔ loo le, te la mulin halaa celen kɔɔli le niaa pila dɛnɛ palaa tuisinndo coo le,

Cɛɛŋɔnnda Yeremi lan 1:9

Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Cɛɛŋɔnnda Yeremi lan 4:14

A co kelaa iyiindo-yiindoei o nɛilan coo maa vanaa sumɛi. Volɔɔla ndalan láà hiw bɔɔ lɔngɔlianndo a koovan, vanáà nɔla lan pilan te.

Esekiɛl 9:9

Mó mulul-la aa: «Hakila vannda Israɛl a la vannda Yuda tosa lan la co bɔɔ sɛ́lɛ́. A co vanndacieea diwvo nɛɛ-nɛɛ ka o lɛŋnden nden nin. Kobio pɛ cá a delɔɔcoo, kani nuaa nda co dimio ni aa: ‹Mɛlɛka faŋal lɛŋnde naalen hɔlla, o co naa cɔ le.›

Esekiɛl 22:25

Vanaa-tɛɛngaa-diom Hala-a ndɔa co dúmbóó yiiyo o ndu nin maa yàlá co pɛɛliaa o ɲɛ o bii-o sɛɛsiaa-o, a o yoomula (vanndacieea) tɛɛmbuuo, o co ɲɛm sɔlan pilan a ɲɛm sɔvɛɔn poondiaa. O co vanlaandua taw-taw mɛiyo o vii piaandua nin o kobi kon nin.

Fulaa 22:1

«Taa bii pɛ vuiyo o cɛi pilaa bulio le luɛyɔɔ vuilen, mà lɔɔ ndu mò vi, vana lɔɔ ndu mó vu-o bɛnda mò sɔla isɔɔ le.

Esekiɛl 23:45

Vanpiaandua sandaa kialunin yamɛi ndɛi mɛɛ vana kialu yamɛi vanlaandua yɛ, mɛɛ vana kialu yamɛi vanlaandua diw vanndacieea-a yɛ, kani vanlaandua suundɛiya nda co ni, bala ndalan la co lalɔngɔlɛilan a koovan.