Yeremi 2:32 - BII BILA

³² Vɛ̀ɛ̀ cua laandoo pɔɛɛnun pá ɲɛm ndɔn kɛɛmianndon? Vɛ̀ɛ̀ vanalanɔ nda fula kɔɔli le nɔu-vo pɔɛɛnun pá kolacoole ndɔlen? Nduyɛ, o co nin hau lɔ́ɔ́ levil mí vanaa nia pɔɛɛnun ya.»

Yeremi 2:32 Referans Kwoze

Condii lisai 106:21

Má pɔɛɛnun Hala, vana ciindiaa nda-o, o tosa dɛnndan taw o lɛŋnde Esipte len nin-ndo,

Yeremi 13:25

Ɲɛ co nɔm Yerusalɛm cumndo-o co kon ni, o ya kɛsul nɔm-ndo pɛɛn. Sɔɛi fula ya Mɛlɛka o sondo-e co ken ni, kani a pɔɛɛnun ya, má kɔngan halaa fondoa.

Yeremi 3:21

Diomndo co tueinɔnndo o pembon coo: ‹cuavaa Israɛlla co caŋndo a tɛɛlɔnndo ni, kani a mal nɛi kɛndɔɔ, má pɔɛɛnun ya Mɛlɛka Hala ndaa.

Yeremi 2:11

Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.

Esai 17:10

Kani la pɔɛɛnun Hala nɔ cinda niaa o ba-o, la loonun a Pow kpova co nɛɛ niaa viannannda-o le, lelan niaa co nakɔla kɛndɛlan tɔlɔɔ le halaa niaa ni, lelan niaa co kulun súú celenndon saŋɔɔ ni.

Osee 8:14

Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Condii lisai 9:17

Mɛlɛka cɔmnun, mó soli dɛnɛ sandaa ceen, vana kɔlvesɛiyo haw o yaŋɔɔle ndu pila yaŋ-nden.

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.

Yeremi 13:10

Nduyɛ vanaa vɔɔŋaa co kɛɔ nilan yaŋɔɔ o sɔɛi nii, mà va yiyannda nda pila lan tosaa le yiinɔnndo a halaa celennda nda co ni, a co nda vɛlɛ vulan baŋɔɔ o labɛngunin le nda sooloo. Màá vanaa kalaa muungu maa yáwlen nden, le nɛŋi lɛ len ɲɛ-ɲɛ le len!

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

O Kandɔɔ 24:22

Mɛɛ ɲɔɔmɛɛa cii kolɔɔ, mó cua kelɛi n'sianiei, ì va le kalamulan laŋɔmpum, mó cua vɛlɛ kelan laban nda cɔw a sianion-ndon mún miun, ipilɛ ndíì hiow lusoo le kalamulan kɛmɛ, mó yɔngu Rebeka.

2Samiɛl 1:24

Niaa vanlaandua Israɛl, la caŋ Saul! Kani ndu va niaa cuɛyɔɔ a volɔɔla sɔvɛlan ni, ndu va sianion lɛnduuo o domala niaala bɛndulan ni.

O Kandɔɔ 24:53

Mó soli ɲɛm nda cɔw a volin humbon-ndon, ɲɛm nda cɔw a sianion-ndon a volɔɔla cuɛinanndan, mó yɔngu Rebeka. Mó yɔngu Laban yema ndɔ a kala ndɔ ɲɛm kɛndɔn taw.

O Kandɔɔ 24:30

Mó ca kelɛi suei a kelan baan Rebeka yema ndɔ o ba, mó tuɛi vɛlɛ Rebeka ɲɛ langbanɔ kon dimul ndu-o kala ndɔ cɔmndo. Le hee, mó kɔ komal langbanɔɔ isisi a ɲɔɔmɛaa ndɔa o soon kólaa kon ikɛi,

Esai 57:11

Nɛ̀ɛ́-nɛ̀ va yɛ niaa vueinɔnndo? A Nɛ̀ɛ́ niaa va yɛ siòònde yɔŋndo, mí la va còòlan dimio, la ve vɛlɛ loonɔn a ya o kɔɔ le. La ve yiyan o dɛnɛ nuu coo le? Vɛ̀ɛ̀ le mɛɛ ya co o meiyo nin kabi lɔ́ɔ́ levil lɛ niaa kɛɛ le siòòŋii nii nɔu ni?

Yeremi 2:33

«La caa bɔɔ nɛiyo nuwviaa le kɔlan kela suundɛiyo. La dɛli nin a keiyo o nɛi dɛnɛ vɔɔndo coo.

Tɔŋ miingua 32:15

Kɛ mɛɛ Yesurun de mó luɛi cuɛiyan, mó kandu nila kalulan tosaa. Mó kɛɛ Hala cɔw ndu-o, mó pɛɛsa Pow kpova baŋa ndu-o.

Masaa kialaa n'yamaa 8:34

Má pɔɛɛnun Mɛlɛka Hala ndaa, o baŋa nda yaamɔaa ndáà balu nda kpow-va o ba-o pɛɛn.

Yeremi 23:27

A yeema mi vanaa nia pɔɛɛnun a ya, a lɔma sɔlaama nda co cɔu vellaa-velle-an. Lende koni fuɲaa ndaa mamaa ndáà pɔɛɛnun ya ni, má mulin o Baal lo.