Yeremi 2:31 - BII BILA

³¹ Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Yeremi 2:31 Referans Kwoze

Tɔŋ miingua 32:15

Kɛ mɛɛ Yesurun de mó luɛi cuɛiyan, mó kandu nila kalulan tosaa. Mó kɛɛ Hala cɔw ndu-o, mó pɛɛsa Pow kpova baŋa ndu-o.

1Korɛntea 4:8

Ɲɛ-ɲɛ niaa yeema pɛ, la cii sɔla. La cii nin bolofaa sɔla. La kandu masalen tosaa, naa naa n co n'masa le, vɛ̀ɛ̀ lende le? Màá niáà siŋnun ko n'masa, o kon mì naa n tosa masalen naa niaa!

Misee 6:9

«Mɛlɛka co sɔɛi o vanaa co o kobio nin-nda lo. O ciindiaanin vanaa nɔ siòòŋii ndɔɛi-ya. La yaŋ nilan o yondaa a dɛnɛ palaa co hunɔɔ-o o kɔɔ, mì la yaŋ vana tuu le dɛnɛ kon tosaa-o nilan!

Amɔs 1:1

Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Esai 45:19

I suu o vionnɔn nin te. I suu o kolokolo yifidii nin o lɛŋnden coo le. I dimul cuavaa-imamaa Yakɔb-a le ya nuwviaa o fondo fúúo coo le. Ya Mɛlɛka, ɲɛ co toɲaa-o ya dimi ni, ɲɛ co sakpo-o ya yonda ni.»

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Condii lisai 12:4

Màá Mɛlɛka kili cɔcɔn sondo yeelɛin mun, a diɛɛmui soaa ken yongaa-e!

Condii lisai 10:4

Vana kɔlvesɛiyo co sɔɛi a Mɛlɛka, o co dimio aa: «Hala yɔŋ vana ɲɛ le tɛɛmbuu le. Hala co le!» Yiyannda ndɔlan kpow la co lan ni.

2Dɛnnda lemasalan 31:10

mí Asaria va bolle vanaa-solia-lasálàá-o, o fula o polale Sadɔk len nin-ndo mulul ndu aa: «Kabi vannda kandu hunɔɔ a ɲɛm-kéan ndan o Cɛi-Mɛlɛka-o nin, n co dioo mì n va pumndo ca, o naa n co demaa-o co lou taw-taw, kani Mɛlɛka dɔw vanaa ndɔa duaa. Ɲɛm tɔ̀un co lou-von co kundaa nuaa ni.»

Tɔŋ miingua 31:20

Kani i co nda yɔɔ o lɛŋnde ya yiilu fuɲaa ndaa mamaa kpemaa mí mɛnan le nda len yɔngoo len nin, lɛŋnde cɔlua a tɔlɔɔlan la naŋ nin taw-taw len pɛɛn. A vanin ɲɛdiaa dioo, mà va pumndo háá mì cuɛiyan ma luɛi nda. O kon, a mulinin hɔlla o halaa celennda lo, mà sooluu nda. Lende nda tuulunin ya kɔllo mà tɛɛmbuu kpema nuu ni.

Yeremi 2:20

Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.

Yeremi 2:25

Caa dɛ Israɛl! Yɔŋii n yɔŋulun o pelon mì bololen le vesa nɔm. Kɛ a co dimio aa: ‹Nɔm mein ka! Halaa celen ya yeema nin ni, nda ya co vɔ nin tolɔɔ kɔɔli ni.›

Tɔŋ miingua 32:18

‹A toɲa, Israɛlla, la kɛɛ Pow Kpova velu niaa-o, la pɔɛɛnun Hala yɔngu niaa yoomoo-o.›

1Masaa 11:22

Mí Faraɔnnɔɔ ɲuna ndu aa: «Yɛɛ nɛ co yɛ nɔm pɛŋnden nanu ma va yeemɛi le muungoo o lɛŋnde nɔmnden nin?» Mó muli aa: «Ɲɛ-ɲɛ co ya lepɛŋ te, kɛ o va bɛɛ lende, cɛl-la mì kɔɛ.»

SƐBƐ YƆB-O 21:14

Nda yɛ nda va Hala dimullo ni aa: ‹Faŋan naa kɔɔli! N yeema mì n sina nɛila nɔmndan te!

Yeremi 5:5

I co lakɔnnɔn o simlacia lo, mì kɔ soo o nda lo, kani nda sina nɛi Mɛlɛka-o, tɔŋ Hala ndaa pɛɛn.» Kɛ nda bɛɛ ɲɛ pilɔɔ nda co kpow ni! A mal sangala va nda coo lan kpow, má tɛɛmbuu bɛnda va nda tɛɛn nda Hala-a o.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.