Yeremi 2:3 - BII BILA

³ Le ya Mɛlɛka kínɛí Israɛl va ni, ndu va ɲɛ tasoo o ɲɛm nun coo ni. Vana-vana óò de ndu pɛ, vanan kon ndóò del kasi, dɛnɛ palaa ndóò tol vana kon coo. Ya Mɛlɛka soo nuaa ni.

Yeremi 2:3 Referans Kwoze

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Esai 41:11

Tofa vɔ, vanaa co nɔm simullo-a kpow, siɛmbulan la biinin nda mà tambu labɛɛ. Vanaa co sɔngɔlan a nɔmnda kpow siŋnunnin ɲɛ fondoo, mà cuu itambu faw.

Rɔmnda 11:16

Nduyɛ, te kunda tase ɲɛdiaa co pɛ o diandaa, mɛɛ o diandaa ɲɛdiaa tɔu bɛɛ co ni. Te puundun yɔmndon co pɛ n'diandaa, mɛɛ n'diandaa lɛwvon bɛɛ n co ni.

Sakari 2:8

Mó dimul ndu aa: ‹Ɲaanun mà kɔ soo o langbanɔ felengi co hoo a yoole tuvaalen o ba o nda-o lo, mà dimul ndu aa: Yerusalɛm vanin kobi nɔ kpaki loo, le vanndacieea a cɔlua vanin lenin sɛ́lɛ́ bɛndoo taw-taw va.

Yeremi 50:7

Vanaa kɛ́-kɛ̀ komal pɛ nda, a del nda coo a diw nda kpow, a dimi aa: «N tosa sɔɛi vɔɔn te, kani hakio vannda ha tosa a Mɛlɛka ni, nɛɛ cindaa co-a pɛɛn, o fuɲaa ndaa mamaa ndaa tiindan-ndo.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Yeremi 12:14

Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

Tɔŋ miingua 7:6

Kani niaa, vanaa diandaa niaa co le Mɛlɛka Hala niaa ni. Ò hɛli niaa o vanaa súúla yɛ́-yɛ́a co o lɛŋnden coo-a kpow tɛɛn, haliko mi la va a ndɔa.»

Kundalan 18:12

I yɔngu nɔm vɛlɛ ɲɛm tasen nda yɔngunin ya o cuɛiyan nin, o mɔima yɛngian nin a o ɲɛm koavan nin-ndon,

Rɔmnda 16:5

La yil-la vɛlɛ vanaa laalaŋaa co cuungianndo biyɔɔ o la nda lo cɛinin-nda. Mì la yil-la Epainɛte ya kaola taw-vo, nda yɔŋnun vanaa tasea le Krista o lɛŋnde Asii len nin ni.

Sakari 1:15

Kɛ i tuulu kɔl taw a vanaa-mangalaa-isɔɔa cennun nda pila ɲɛ-a. Kani ɲɛ-pɔmbɔ koni yáà tuulu kɔl ni, kɛ nda nda, má hun cɔɔlu dɛnɛ palaa vanaa nia handɔɔ lecoo.

Yɔɛl 1:3

La dimul poaa niaa sɔɛi ken, mì nda bɛɛ hun dimul poaa ndaa ndi, mì poaa ndaa bɛɛ a dimul a nda vialunin-nda.

Yeremi 30:16

Kɛ vanaa co nɔm kotaa-a sɔlanin kotaa, hɛli co le, yaamɔaa nɔmnda kpede a kɔanin o biyɔɔ nin. Vannda ciimbuunin ɲɛm vanaa va ɲɛm niaan ciimbuuo-a, mà kɔɛnnun a ɲɛm vanaa kɔɛnnun a ɲɛm niaan-nda.

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Tɔŋ miingua 26:19

haliko mo siinguu niaa vanaa bɛndua o vanaa-mangalaa-isɔɔa o cɔw-va kpow tɛɛn, mì la sɔla biiloo, diolan a bɛɛlen, mì la va yungu diandaa le Mɛlɛka Hala niaa maa mɛɛ ndu pila dimul niaa yɛ.»

Fulaa 23:16

La bɛnda vɛlɛ mì la tosa duɲɛi kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa vɛlɛ duɲɛi kafo lakùùo telen niaa ciinin ciɛɔn niaan kovɔɔ-o.

Fulaa 22:29

La bɛnda vɛlɛ mì la yɔngu ya cɔlua piaandua tasea cɔlua niaa koam-nda: nawva, saa a cuinnda. Te kalaa ndaa kom nda pɛ, a bɛnda mà lo nda ikɛi háá palɛi ndii ŋɔmmɛw. Kɛ o paale ŋɔmaandɔlen coo, la bɛnda mì la yɔngu ya nda.

Amɔs 6:1

Dɛnɛ palaa co niaa cum, niaa connun icali o ba niaa coo yili Siɔn-nda, a niaa connun icali o ba niaa coo o pembon Samari coo-a. A toɲa, dɛnɛ palaa co niaa cum, niaa vanaa bɛndua co o lɛŋnde co lɛŋnde taselen o lɛŋii tɔ̀i tɛɛn-nde nin-nda. O niaa lo cuavaa Israɛlla co kɔlan a kiltan ni.

Yeremi 2:4

Yungu Yakɔb-o, la yaŋ nilan o diom Mɛlɛka dimi-o. Niaa yungula fula o cɛi Israɛl-lo nin-ndan, la yaŋnun.›

Habakuk 1:11

A cii lon pɛ, a hiow vɛlɛ laci maa hoeyii fùkù-fùkù, le kɔlan nɛɛ celen. Nda nda, kpaaya ndaa co hala ndaa ni, ndu nda tiindan ni.»