Yeremi 2:28 - BII BILA

²⁸ Kɛ ya bɛɛ, i mululnin nda aa: ‹Kuɛɛ nɛ halaa niaa niaa toosiaa-a co yɛ? Taa nɔla pɛ, mɛɛ a cɔn niko mà faŋa niaa dɛnɛ palaa coo. Mɛɛ niaa nɔ kobilan yɛ koni niaa nɔ halaa ni, Éé niaa Yudaa!›

Yeremi 2:28 Referans Kwoze

Yeremi 11:13

Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Esai 45:20

La cuungian nɛɛ pilɛ mi la hin, la sɔɔnguu diom pilɛ, niaa vanaa lo yoomu o vanaa-mangalaa-isɔɔa tɛɛn-nda! Vanaa co piɔmaa ndaa iyɔmnda vilio-a a nɔ kɔlkalu le. Kani hala nda co piɛiyo-o nɔla vana ciindiaa le.

Tɔŋ miingua 32:37

O kon, o ɲunanin aa: ‹Kuɛɛ nɛ halaa niaa fondoa co yɛ? Kuɛɛ nɛ pow bandílá niaa tiindan-ndo co yɛ?

Masaa kialaa n'yamaa 10:14

La kɔ veelu niko piɔmaa niaa hɛli-a le niaa baŋaa. Nda bɛnda nin le niaa baŋaa lɔ́ɔ́ niaa vanin o dɛnɛ palaa nin-ndo ni.»

Esai 46:7

O kon kɔɔli, a cua hala nda kon, a handun ndu o lacongú, a kɔ kɛsi ndu o fondaa pum o lo lon. Kpeŋanndo bɛɛ o nɔla o fonda ndɔ nda kɛsi ndu-o coo le taanin! Yondaa ko nda yonda ndu o lani ni, kɛ o kuŋ te o soli le, o nɔla vana baŋa mò soli ndu o dɛnɛ palaa nin te!

Osee 10:1

«Israɛlla va maa nakɔ n'rɛsɛn koam taw-vo, a va kuiyo taw-taw. Kɛ mɛɛ nda va kɔlan a kuiyo faw, lende koni nda va fondala-loamaa-lasálàlan vangalaa ni. Mɛɛ lɛŋnde ndalen le va naŋɔɔ yɛ, lende koni nda va powta sálàlan baŋɔɔ ni.

Esai 46:2

A del ma pimbul latulu, a nɔla volɔɔla lusula ndalan cɛwcɛw le, nda pila co kɔlan o biyɔɔ nin.

2Masaa 3:13

Mí Elise dimul masa Israɛlla aa: «Yɛɛ co yɛ naa tɛɛn naa nɔm? Kɔ o vanaa-tɛɛngaa-diom Hala-a fuɲa nɔm-nda, te kon te o vanaa-tɛɛngaa-diom Hala-a kala nɔm-nda lo, mà kɔ ɲuna nda.» Mí masa Israɛlla mulul ndu aa: «Ɛ-ɛ, Mɛlɛka veelu naa nanu ni, naa masaa yáá-a ha, le naa malɔɔ Moabua o ba.»

Yeremi 1:16

I kilulnin nda yamɛi le dɛnnda vɔɔnnda nda tosa lan kpow, kani a mal-la má loam ansan le halaa celennda, má baŋ vulan ɲɛm nda pila cɔw-von o labɛngunin.

Yeremi 11:12

O kon Yudaa a Yerusalɛmnda mulinnin o halaa ndaa nda solul sálàlan-nda lo, kɛ a baŋanin nda a dɛnnda ndala palaalan te few.

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Yeremi 37:19

Ɔ́ɔ̀ ba vanaa-tɛɛngaa-diom Hala-a niaa co-o? A va niaa kan dimullo aa: «Masaa Babilɔn hinulnin niaa o lɛŋnden nden nin a cɔwvo le-a pɛɛn.»

Habakuk 2:18

La co cilinndon teengiaa, mì la va tuuliaalan toosiaa a mun le vannda còòlan dimullo. Piɔmndo suu le, o kpeŋan a ba ndɔ le, le yɛɛ mì la tiindan ndu? Ɔ́ɔ̀ kpeku piɔmndo solul vana-o?

Habakuk 2:19

Dangaa co le niaa! Niaa co yɔm nda sɛl-lo dimullo aa: «Cɔn»-nda, mì la va vɛlɛ pow nɔla isɔɔ loo dimullo aa: «Cɔn». O kɛ́-kɛ̀ kindi vana kɔl te, vana yikpa bɛɛ nda a sianion te kon te a volion, sanga fondoo fúú.

Esai 57:13

Telen niaa koŋulnin-ndo, la veelu niko piɔmaa sɛ́lɛ́a niaa cuungiaa kan-nda, a baŋa niaa! Hoeiye kɔandunin nda kpow, i cuanin nda kau. Kɛ vana vennun pɛ ya (Mɛlɛka) o ba bɛngu, ndu sɔlanin lɛŋnden kɛ́ɔ, mò sɔla pembii nii diandɛi maa ɲɛ ndɔ pɛ́.