Yeremi 2:27 - BII BILA

²⁷ A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›

Yeremi 2:27 Referans Kwoze

Esai 26:16

Mɛlɛka, a nuwviaa nɔm telen nda va o sangaa nin-ndo, telen n soŋ nda le nda silaa-o, má piɛi nɔm taw-taw.

Osee 7:14

A co veelu a kɔlta ndalan kpow le. Nda yɛ, a co somisominndo o kpelela ndala hinialan coo. A co diallon tɛɛndianndo le maalon a le mɔima sɛnɛiyan sɔlaa. Lende nda co ya kɔlan levil ni.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Esekiɛl 23:35

Nuaa Maalii, o co Mɛlɛka-o dimi ni aa: «Le tùú n pɔɛɛnun ya-o, le tùú n kɛɛ ya ma mulul-la kɔɔ-o, mɛɛ nɔm bɛɛ sɔla niko sangaa le suunda nɔmndo a le nɔɔlian nɔmndo.»

Esekiɛl 8:16

Mó luɛi a ya o bɛ́ɛ̀ lenin Cɛi-Mɛlɛka-o nin, o Cɛi-Mɛlɛka-o sondoo, o tongo-sɛmtɔɔ a fonda-loamaa-lasálàá tɛɛn. Mí ca langbaa bidiin a à ŋuɛɛnu, a mulul Cɛi-Diandaa kɔɔ, má muli hɔlla a ba paalen le can-ndo, a va vula baŋaa a kpengii paalen le can-ndo le paalen sooloo.

Yeremi 32:33

A mulul-la hɔlla le, má mulul-la kɔɔ. Nduyɛ o co lɛhau le ya co nda pɛɛkoo le, kɛ a yeŋnun te, a bii silaa le.

Yeremi 22:23

A connun icali yili o ba nɔmndo coo Liban, má tangul vɛɛnnde nɔmnden o yɔmii sɛɛdrei tullo. Kɛ a ŋɔnganin telen ɲɛ nɛyaa voolunin nɔm-ndo, telen n vanin sangaa maa vanalanɔ co violɔɔ-o.»

Yeremi 18:17

Yaamɔa va pɛ vanaa nia hinullo, i puusiaanin nda mɛɛ hoeyii fula a ba paalen le can-ndo-e i sɛŋi cundoo yɛ. O paale ndale dɛnɛ palaalen coo, i mululnin nda kɔɔ, yɔŋii ya mulul nda hɔlla.»

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Yeremi 2:24

Nɔm sofɛlɛ laandu yondoo ho, a dɛli a kelaa o lɛŋnde veselɛilen nin, yeemɛi cɛn nɔm pɛ, a cua hoeiye a milin, a sandu lan, ɲɛ-ɲɛ nɔla nɔm simi le. Sofɛlɛa piaandua nuwviaa nɔm-nda kpow, a sanganin le nɔm saalɔnndo le, kani paangii nɔmnde tiiya pɛ, a kindu saalɔn te.

Yeremi 3:9

A kela ndɔ vɔɔndo, mí Israɛl nɔɔliaa lɛŋnden o piɔmnda sooloo nin, piɔmaa lapowva a piɔmaa iyɔmnda.

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Yeremi 37:3

Mí masaa Sedekia viam Yɛhukal po Selemia-o nda Sofoni po Maaseya vana-solia-lasálàá-o, o Yeremi vana-tɛɛngaa-diom Hala-o lo le ndu dimullo aa: «Piɛi Mɛlɛka, mà tɛɛlun ndu le naa.»

Daniɛl 9:7

Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

2Dɛnnda lemasalan 29:6

Kani fuɲaa naa mamaa lo o lediom coo a Mɛlɛka Hala naa le, má tosa ɲɛ bɛnda ndu o hɔl too. Má mal ndu, má faŋal Fonda-Diandaa hɔlla, má mulul Mɛlɛka kɔɔ.

Yeremi 42:2

má dimul Yeremi aa: «Yaŋnun tɛɛlɔnnda naa n co nɔm-ndan, piɛi Mɛlɛka, Hala nɔmndo, le naa a le vanaa tɔ̀a lo-a kpow, kani n va sɛ́lɛ́ taw, kɛ n co lɛ hau a bɔɔ le, maa mɛɛ nɔm pila co cɔu nuaa yɛ koni.