Yeremi 2:26 - BII BILA

²⁶ Maa mɛɛ siɛmbulan la bii vuiyo telen nda bii ndu-o yɛ, lende koni la biinin Israɛlla ni: nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom halaa ndaa.

Yeremi 2:26 Referans Kwoze

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Ɛsdras 9:7

Kandɔɔ o paale fuɲaa naa imamaa, háá hau, pɔwla naalan la co bɔɔ sɛ́lɛ́. Le hakila naa n tosa lan, mí naa pila, masaa naa a vanaa-solia-lasálàà naa n luɛi masaa co o lɛŋnden coo-a o ba bɛngu, mí n del o mɔɛi cɔwve bɛngu, má kɔa a naa o biyɔɔ nin, mí vannda punga ɲɛm naan, mí siɛmbulan la bii naa mɛɛ la co hau naa biyɔ̀ɔ́ nuaa yɛ.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

Yeremi 48:27

Niaa Moabua, vɛ̀ɛ̀ o co niaa le va Israɛlla mamɔɔ le? Nduyɛ Israɛl tosa levui le. Le yɛɛ niaa va yɛ niko nda mamɔɔ mí la va bolle hiiloo?

Yeremi 2:36

Le yɛɛ nɛ niaa co yɛ keleŋa bɛndoo ho le kela niaa mangalaa? Siɛmbulan la biinin niaa a Esipte maa mɛɛ la bii niaa a Asiri yɛ.

Esai 1:29

Siɛmbulan la biinin niaa le yɔmii soolaa niaa co sooloo-e. Siɛmbulan toalnin niaa le bundɛla soolala niaa kɔngan-ndan.

Esekiɛl 16:54

O kon, a tambunin labɛɛ mì siɛmbulan la tol nɔm le dɛnnda vɔɔnnda n tosa lan kpow. Mì kobila lan la sɔla ɲɔɔloo.

Esekiɛl 22:26

Vanaa-solia-lasálàà ndɔa co tɔŋ nuu tɛɛmbuuo, a co kasio delɔɔ o cɛila-kolala-toandaala ndala diandaalan nin, a sina pɛngulan ɲɛ co o solian sálà-o a ɲɛ co o solian sálà loo tɛɛn te. Lelan, a cɔmnin sɛyanndo ɲɛ co o diandaa-o a ɲɛ co o nɔɔlɛiyo-o tɛɛn te. A co hɔlaa ndaa faŋaa o palɛi nii pɛngiɛi coo, a cii ya bɛ̀ɛ̀lan nda tɛɛn few-few.

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

Condii lisai 97:7

Siɛmbulan la biinin vanaa co piɔmnda sooloo-a kpow, vanaa co lisanndo a halaa fondoa-a pɛɛn. Halaa kan kpow baŋnin vulan Mɛlɛka o labɛngunin.

Esai 44:9

Vanaa cɔaw piɔmnda-a, vanaa fondoa fúú nda co ni. Ɲɛm ndan kɛndɛn hiow naŋɔɔ-on n nɛŋi kpeku oo kpeku le, ɲɛm mun pila co seilen tɛndaa kpendekele: ɲɛm nda cɔaw-von ci le, n sina ɲɛ-ɲɛ le. Siɛmbulan la tol nda pila vanaa cɔw mun-nda.

Esai 44:11

Tofa vɔ, siɛmbulan la biinin vanaa co nda sooloo-a kpow, kani vanndacieea daama vanaa cɔw nda kan-nda co ni, nda kpow a cuungian-ndɔ hau mà sim lon! Siɛmbulan la co nda biyɔɔ mà ɲiiyaa vellaa-velle kpow.

Yeremi 4:9

Mí Mɛlɛka dimi aa: «Paale len, diallon vunin masaa a simlacia, mì siòònde bii vanaa-solia-lasálàá, mì vanaa-tɛɛngaa-diom Hala-a yɔŋnun talamun.»

Yeremi 22:22

Hoeiye co simlacia nɔmnda kpede kɔndɔɔ. A kɔanin a sámáá nɔmnda o biyɔɔ nin, siɛmbulan la biinin nɔm mà kiolu vai le dɛnnda vɔɔnnda n tosa lan.