Yeremi 2:25 - BII BILA

²⁵ Caa dɛ Israɛl! Yɔŋii n yɔŋulun o pelon mì bololen le vesa nɔm. Kɛ a co dimio aa: ‹Nɔm mein ka! Halaa celen ya yeema nin ni, nda ya co vɔ nin tolɔɔ kɔɔli ni.›

Yeremi 2:25 Referans Kwoze

Tɔŋ miingua 32:16

Israɛlla tindi paŋala Mɛlɛka-o o halaa fondoa sooloo nin, má tuulu ndu kɔllo a dɛnnda ndala nɔɔlɛilan.

Yeremi 18:12

Kɛ yiyannda ndala vɔɔnndan tuŋ nda co kɔɔli ni, a co vɛlɛ mulio aa: «Ken vil naa le, i naa n nɔ o kɔl-le naa n tosanin ni.»

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Rɔmnda 8:24

Kani o kɔlkɛsiaa nin naa n sɔla cindaa ni. Nduyɛ vanndo ce nin pɛ ɲɛ o kɛsi kɔllo coo-o, mɛɛ kon co lɛ kɔlkɛsiaa le. Vɛɛ vana kɛsi yɛ vɛlɛ ɲɛ n ce nin-ndo kɔllo coo?

Cɛɛŋɔnnda Yeremi lan 4:4

Kolɔɔ biyɔɔ cɛlɛkpɛa tei, mí diɛɛmuei biilan nda o sondolan lenin. Cuaambɔa co ɲɛdiaa piɛiyo, kɛ vana co le nda ndu keo le.

Yeremi 14:10

Diom Mɛlɛka dimi a vannda ha-o co hoo ni aa: «A yeema bɔɔ balɔɔ ba-ba fee, a kɛsi pelon te.» Dɛnɛ ndaa hɛnan-ndɛ Mɛlɛka le, o loonunnin a pɔwla ndalan, mò saangiaa nda le hakila ndalan.

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Esai 57:10

La lo kɔlan tei mí la sanga yɔkɔɔ, kɛ la co dimio aa ‹N mellɔnin kɔlan ndan te.› La co vɔ yoomuan sɔlaa o bala niaalan nin, la bɛpɛla vɔ le.

Esai 2:6

Éé Mɛlɛka! A mal yungu nɔmndo, pulun Yakɔb-on pɛɛn. Bau a luei balan o sɔɔn lemaden fula a ba paalen le can-ndo-on nin taw-taw, a luɛi mangalaa maa Filistia, kani a co yiinanndo a cuavaa mialla taw-taw.

2Dɛnnda lemasalan 28:22

Hali telen ndu Ahas va kon o sangaa nin-ndo, o pɛngi Mɛlɛka kɔɔ mulullo le.

Tɔŋ miingua 28:48

la tosalnin yaamɔaa Mɛlɛka viamnin mà bii niaa-a vallo a yiaan, a bolole vesɛilen, a fɛ́lio, a pɛŋnden. La nɔnin ɲɛ-ɲɛ o ba le. Yaamɔaa kan lonin niaa yɔlɔn n'cilinndon baa o labolo háá ma cii niaa diw kpede.

Luke 16:24

Mó yonda aa: ‹Fuɲa nuu Abraham, tuinun ya iɲíí. Viom Lasar mò hun pila sui ndɔɛi hɔlle o mɛnndan nin, mó pɔɔla ya diɛɛmulen. Kani i co bɔɔ sangaa o yinnden nden nin.›

Luke 15:22

Kɛ mí fuɲaa dimul vanaa ndɔa baalaa aa: ‹La hun a doma kɛndɛ-kɛndɔɔ cɔ́-cɔ́, mì la vow ndu. La vow ndu kelɛi o isu, mì la vow ndu samtalan.

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Yeremi 13:21

Yɛɛ n dimi yɛnin telen vanaa niaa dɛli-a cannin mà simul nɔm le nɔm kpaayaa sɔlaa coo-o? A sanganin mɛɛ vanalanɔɔ sanga o violɔɔ nuaa yɛ.

Yeremi 22:20

Nɔm Yerusalɛm, hel o pembon Liban bollen mà yonda. Tosa mì vannda tuei nɔm diom o buubuuon Basan coo. Lo o pembon Abarim coo mà yonda, kani vanaa ndáà yeema nɔm-nda kpede a cuu pesipesi.

Cɛɛŋɔnnda Yeremi lan 1:2

Lɔan pii, o co caŋndo. Kuulan la liva ndu yɔ́-yɔ́ a mɛmɛan, vanaa ndáà yeema ndu pandu-a kpow, o kɛ́-kɛ̀ co yiyan le ndu ɲɔɔloo le. Caaŋaa ndɔa kpow a hui ndu, má siŋnun yaamɔaa ndɔa.

Esekiɛl 20:32

Ɲɛ niaa co tuuvo le tosaa-o tosannin te few. Kani la co dimio aa: ‹N yeema mi naa bɛɛ n va maa vanaa-mangalaa-isɔaa celennda, maa yungula co o lɛŋii celennde nin-ndan. N yeema mi n sooluu yɔmnde a powtan.›

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Malasi 3:14

Nuaa niaa dimi ni aa: ‹Fondo fúú koni vana tosal Hala baalaa ni. Yɛɛ nɛ naa n sɔla yɛ o tɔŋ ndɔɔ biyɔɔ nin, mí n va kafola imɔnɔlan tosaa, haliko mi Mɛlɛka-Nɔ-Kpaayaa-Kpow-vo tuinun naa iɲíí?

2Dɛnnda lemasalan 28:23

Mó solul halaa va Damas-a sálàlan, nduyɛ le halaa kan sangaa tol ndu coo ni. Kani o va dimio aa: «Mɛɛ halaa masaa Aram a mala nda masaa kan nuaa yɛ, ya bɛɛ i solul-lɔ nda sálàlan mà mala ya.» Kɛ mí halaa kan yɔŋnun pow boŋaa le ndu a le Israɛlla kpow.

Yeremi 22:21

Telen n ve a buulan kɛ́-kɛ̀ loo, mí soaa o nɔm ndo, kɛ má mulul-la aa o co kpeku nɔm te. Lende n co tosaa kabi o cuaambɔyɛi nɔmnde nin ni, a yeŋ ya lani le few.