Yeremi 2:21 - BII BILA

²¹ Nduyɛ, yáà tɔl nɔm maa nakɔ n'rɛsɛn kɛndɛ-kɛndɛ, maa tɔlɔɔ tum kɛndɛ-kɛndɛ. Vɛ̀ɛ̀ n looku yɛ kɔllo mangalan a ya o lepilɔɔ nuaa? Le yɛɛ n muungu yɛ maa rɛsɛn foofiɛi nda fula nɛɛ celen pɔ́-o?

Yeremi 2:21 Referans Kwoze

Esai 5:4

Yɛɛ nɛ ndóò lo yɛ vɛlɛ le tosaa o nakɔ nuu nin o ya tosa lenin too? Le yɛɛ nɛ ya va yɛ tiindanndo maa o co rɛsɛŋun kɛndɔn komɔɔ, kɛ mó koam rɛsɛŋun vɔɔnndon?

Fulaa 15:17

A co lakɔ a nda, ma kɔ tɔl nda o pembii nɔmii kɛ́i coo, o fonda n bɛɛndiaa mò va calta nɔmndan-ndo pɛɛn. Òó Mɛlɛka! A co nda yɔɔ háá o cɛi-kola-toandaa diandaa n tangul-lo nin.

Nsaŋ 15:1

Mí Yeesu dimi aa: «Ya co rɛsɛn tumndo ni, Fuɲa nuu co vana nakɔɔ ni.

Condii lisai 44:2

Òó Hala! Naa pila n tuei, fuɲaa naa dimul naa dɛnnda n tosa o palɛi ndɛi lan.

Condii lisai 80:8

Nɔm Hala-Nɔ-Kpaayaa-Kpow-vo, mingi naa nɔm o ibuŋ. Bíí naa biyɔɔ kɛndɔɔ, mì n sɔla cindaa.

Tɔŋ miingua 4:37

Kani ndóò kaola fuɲaa niaa mamaa, mó hɛli niaa cuavaa ndaa imamaa o nda kɔɔli. Lelan ndu pila soli niaa o lɛŋnde Esipte nin a kpaaya bɛndoo ni,

Luke 20:9

O kon kɔɔli, mí Yeesu dimul vannda taloo aa: «Langbanɔɔ pum tɔl nakɔ n'rɛsɛnndo ni, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin le telen vilɛi.

Marke 12:1

O kon mí Yeesu kandu sɔɛi o nda lo o taloo nin, mó dimi aa: «Langbanɔɔ pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Tɔŋ miingua 32:32

Rɛsɛŋun ndan maa rɛsɛnndon Sodɔm n co ni, lɛŋnde rɛsɛŋun ndan tɔlnun coo len maa Komɔr le co ni. Bɔ̀tàá co o rɛsɛŋun ndan mun nin, kpɔ̀nyɔ̀la ndɔlan lollo kélélé.

Matie 21:33

«La yaŋ vɛlɛ nilan o tale celen. Simlaci yungoo pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Esai 60:21

Vanaa sandaa kposon vanin o vanaa nɔmnda tɛɛn ni, lɛŋnden le vanin sumialii nda le lɔ́ɔ́-lɔ́ɔ̀. Tɛiyun yɔmun ya pila tɔl-lon nda co ni, vali ya tosa a bala nilan le salamayɛi nii cɔmndo-o nda co ni.

Esai 41:8

«Le nɔm Israɛl-lɛ, nɔm Yakɔb ya hɛli-o, nɔm polale Abraham ya kaola len.

Esai 1:21

Kpòkóó dɛnɛ! Kobi vannun hoo sakpo-o siŋnun kobi suunda leyulaa fɔ́! Kobio ho vannun paandu o piaa cá a sandei, dɛnɛ sandaa va o tɔalaa lenin pí! Kɛ sisa, vanaa diuvaa n'vannda kposon co lenin ni.

Yosue 24:31

Israɛlla va Mɛlɛka baalaa tosallo telen Yosue va yoomu-o kpow a telen kaasoŋaa koma lo yoomu Yosue kɔɔli-a va icali-o kpow, kaasoŋaa síná dɛnnda Mɛlɛka tosa le Israɛlla kpow lan-nda pɛɛn.

Cɛɛŋɔnnda Yeremi lan 4:1

«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Esai 27:2

Paale len le tiiya pɛ, la soli condii nakɔ n'rɛsɛn kɔmnde kɛndɛ kon aa:

Yeremi 11:17

Mɛlɛka-Nɔ-Kpaayaa-Kpow-vo ndóò tɔl ndu ni. Ndu kon co tosaa ni mì dɛnɛ palaa va nɔm tolɔɔ coo, le dɛnɛ vɔɔn Israɛlla a Yudaa tosa-o, a cii ya tiŋɔɔ o Baal sálàlan solullo.»

Condii lisai 80:9

Nɔm óò sungɔɔ rɛsɛn tumndo Esipte, má toaw vanaa-mangalaa-isɔɔa le ndu tɔlɔɔ.

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Yeremi 11:16

Diola ya Mɛlɛka yáà ke ndu lan la va lan ni aa: ‹Oliviee puiyaa kulun kɛndɛ bɛndoo.› Kɛ mí mal yinnden o bɔɔ ndɔ yukɔn-ndo nin, o diom bɛndu-bɛndoo nin, mí le loam lɛɛndun ndɔn kpede.»

Esekiɛl 15:2

«Po vanacieo sei, tɔnɔ yɛɛ nɛ rɛsɛn tumndo nɔ yɛ hiovɔɔ lɛvun co o yɔmii tɔ̀ɛi co o bundɔɔ nin-nde coo?