Yeremi 2:20 - BII BILA

²⁰ Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.

Yeremi 2:20 Referans Kwoze

Tɔŋ miingua 12:2

«La bɛnda mì la tɛɛmbuu sooluula vanaa niaa co lakɔ tovɔɔ-a. O va o pembun bɛndu coo, o va o pembun pɔmbɔ coo, o va o yɔm puiyaa bɛngu.

Tɔŋ lasálàá 26:13

Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, haliko la va cɛa Esiptea le. Ya yem yɔm kpòndò lecɛ ndáà handu niaa coo-o ni, mì la va kelaa a bolle iheelaa tema.»

Yeremi 17:2

Mɛɛ nda yiyan poaa ndaa coo yɛ, lende koni nda co yiyanndo fondala-loamaa-lasálàla ndalan, sungbuma soolaama ndan, a yɔmii puiyɛi co o pembon coo-e coo ni.

Osee 3:3

Mí dimul ndu aa: ‹A co vɔ va le ya le telen vilɛi. Vow balan o suundaa nin te, va le vanapɔnɔ kɛ́-kɛ̀ le, mì ya bɛɛ i va le nɔm, nɔm pilɛ kpé.›

Yeremi 30:8

Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni aa: «Paale len, i yimiyiminin yɔm ndɔ lebol co nɔm o ikɛsu-o, mì kilikili yoei, o kon a ve lɛnin baala tosa le n'mial te.

Esai 1:21

Kpòkóó dɛnɛ! Kobi vannun hoo sakpo-o siŋnun kobi suunda leyulaa fɔ́! Kobio ho vannun paandu o piaa cá a sandei, dɛnɛ sandaa va o tɔalaa lenin pí! Kɛ sisa, vanaa diuvaa n'vannda kposon co lenin ni.

Nahum 1:13

O laan ndu, i co kpòndó co niaa o lebol-lo yomɔɔ, mì kili yɔlɔn nda baiyiaa niaa-on.›

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Esekiɛl 23:5

Mí Ohola va le ya-o luɛi suundaa, mó yom yomndo pila le sámáá ndɔa, Asiriia pɛɛn, vanaa nda calnan macɛlu-a,

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Esekiɛl 16:41

A loamnin cɛila nɔmndan a yinnden. A tuisinin sanga bɛndu-bɛndoo nɔm coo vanlaandua taw-taw o hɔl. Lende ya kuunanin nɔm suunda lotalotaa ni, o kon, lɔ́ɔ́-lɔ́ɔ̀ nin bɛɛ a sala lɛnin vana le.

Esekiɛl 16:31

Telen oo telen nɔm óò tangul pɛ bandólan o nɛilan kpow sondolan, mí nɔm óò toosiaa kpɔngbɔlan o fondalan kpede coo, a ve tosa maa vanalanɔ suunda leyula le, kani a va vɔngu suundaa pɛɛsaa.

Esekiɛl 16:28

Má suunda vɛlɛ a Asiriia, kani nɔm óò pim ndɔ a suundaa le, kɛ hali a suunda n suunda kon a kan-ndo kpede, a sanga vɛlɛ a suundaa le.

Esai 14:25

I pesipesinin Asirinɔɔ o lɛŋnde nilen nin. I nɛwnin ndu a labɛngu o pembun nun coo. I faŋanin yɔm lebol ndóò handu nda o lebol-lo, a tuisinin volɔɔla lusulaala ndɔlan nda o lacongú.

Esai 10:27

Paale len, volɔɔla lusulaala ndɔlan la faŋannin niaa o congú, yɔm lebol ndɔɔ solinnin niaa o labolo. Yɔm lebol kon yominin le ɲɛm niaa sɔlanin taw-von.»

Esai 9:4

Bau samtala vana vownun o cɔwvo lan kpow, a volɔɔla cuɛinannda lekuubala lɔngɔlian a koovan-ndan, la viawnunnin o yinnden nin mì la ŋɔɛ selemenden.

Condii lisai 78:58

Má tɛɛmbuu Hala kɔllo a sooluula ndalan, mó tuulu kɔl taw a piɔmaa ndaa.

1Masaa 12:32

Mó handu kafoo o paale tɔ́ a leŋuɛɛnundɔlen coo, o paangii ŋɔmaandɔɛi nin. Mí kafo kon tosan mɛɛ kafo va tosanndo Yuda-o va yɛ. Mí ndu pila soli sálàlan o fonda-loamaa-lasálàá coo. Nuaa o tosa Betɛl ni, mó solul navaa ndóò cɔw-va sálàlan, mó kɛsi vanaa-solia-lasálàá ndóò hɛli-a a pum Betɛl lon le cɛila máánnda ndóò tangul lon-ndan.

1Samiɛl 12:10

Mí fuɲaa niaa mamaa veelu vɛlɛ Mɛlɛka le nda malaa, má dimi aa: ‹Mɛlɛka, n cua hakio, kani n mal nɔm mí muungu Baalla a Astarteea sooloo. Kɛ yandi, baŋa naa yaamɔaa naa o ba, o kon mì n tosal nɔm baalaa.›

Yosue 24:26

Mí Yosue sɛva sɔɔn mun o sɛbɛ tɔŋ Hala-o nin. O kon kɔɔli, mó cua pow bɛndoo, mó simi ndu o yálán bɛndu va lon-ndo bɛngu. Yɔm va o cɛi-kola-toandaa diandaa Mɛlɛka-o ikɛi-yo.

Yosue 24:24

Mí vannda dimul Yosue aa: «Mɛlɛka Hala naa naa vanin baalaa tosallo ni, n vanin diom ndɔɔ biyɔɔ.»

Yosue 1:16

O kon, má mulul Yosue aa: «N tosanin ɲɛ-ɲɛ n dimul naa hoo le tosaa, nɛɛ-nɛɛ n vem vɛlɛ naa pɛ, n kɔanin.

Tɔŋ miingua 26:17

Niaa pila dimi hau ni maa Mɛlɛka vanin Hala niaa, maa la kelanin o nɛila ndɔlan coo, mì la bii tɔŋnda ndɔlan, silala ndɔlan, pɛɛkula ndɔlan a diom ndɔɔ.

Tɔŋ miingua 15:15

La loonun maa niaa pila bɛɛ cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa, mó soli niaa lon. Le kɔlɔ kon ya yɔngu niaa hau tɔŋndo ho ni.

Tɔŋ miingua 5:27

Lelan, nɔm Moise pila sɔɔnguu. Kɔ ma kɔ yaŋ nilan o ɲɛ Mɛlɛka Hala naa diminin-ndo kpow, mà hun tɛɛngul naa sɔɔn mún. N yaŋnin nilan o sɔɔn mún mì n tosa mɛɛ o diminin yɛ.›

Tɔŋ miingua 4:34

Vɛ̀ɛ̀ hala pum co o kɔ soli vanaa-mangalaa-isɔɔa pum le ndu pila o vanaa-mangalaa-isɔaa celen tɛɛn a dɛnnda bɛndulan, a kaamaalan, a kɔndifiltan, a cɔwlan a á kpaaya bɛndoo a vannda siòònde lueiyo-o? Nduyɛ lende Mɛlɛka Hala niaa soli niaa o lɛŋnde Esipte len nin ni, niaa pila co seiya le ken.

Tɔŋ miingua 4:20

Kɛ niaa, mó cua niaa, mó soli niaa o tóndó icilin tuwvo nin Esipte, haliko mi la siŋnun vanaa ndɔa a kɛ́ ndɔɔ maa mɛɛ niaa co nihau yɛ.

Fulaa 24:3

Mí Moise toal, mó tɛɛngul vannda sɔɔn Mɛlɛka soo-on kpow a silala o yɔngu lan kpede. O kon, mí nda kpede a deŋi diom pilɛ kpé aa: «Ɲɛ-ɲɛ Mɛlɛka dimul naa le tosaa, n co ndu tosa.»

Fulaa 19:8

O kon mí nda kpede a yonda diom pilɛ kpé aa: «Ɲɛ-ɲɛ Mɛlɛka dimul naa le tosaa, n co ndu tosa.» Mí Moise muungu, mó kɔ cɔm Mɛlɛka muli yungu kon muli-o.

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

Dɛnnda cɔɔmuanndan 17:1

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwlan nda hun, mó soaa o ya lo, mó dimul-la aa: «Hun mì cɔm nɔm yamɛi co cua suundɛi bɛndu co icali o mɛmma bɛnduan kɔngɔ-o cumndo-e.

1Masaa 14:23

Mí nda bɛɛ tangul tombon a powta sálàlan, má toosiaa sungbuma soolan o pembon kpow tullo a o yɔmii kiyɛiye kpede bɛngu.

Condii lisai 107:14

Mó soli nda o soon yingilaa nin, mó kilikili yɔlɔn ndan.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Yeremi 5:5

I co lakɔnnɔn o simlacia lo, mì kɔ soo o nda lo, kani nda sina nɛi Mɛlɛka-o, tɔŋ Hala ndaa pɛɛn.» Kɛ nda bɛɛ ɲɛ pilɔɔ nda co kpow ni! A mal sangala va nda coo lan kpow, má tɛɛmbuu bɛnda va nda tɛɛn nda Hala-a o.

Yeremi 13:27

I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?

Osee 4:13

A co sálàlan solio o pembon tullo, a co ansan lomɔɔ o pembun pɔmbɔn coo, o yálánnde bɛngu, o yɔmii pepliee a o yɔmii terebɛntii puiyɛi bɛngu, ì vunduma ndɔan ma naŋ taw-ve. Le kɔlɔ kon cuavaa ndaa laandua co suundaa ni, mì laandaa poaa ndaa bɛɛ a va suundaa.

Masaa kialaa n'yamaa 2:11

Mí cuavaa Israɛlla tosa ɲɛ hɛnan Mɛlɛka loo, má sooluu Baalla.

Masaa kialaa n'yamaa 2:13

Má mulul Mɛlɛka kɔɔ, má va Baal a Astartee sooloo.

Masaa kialaa n'yamaa 10:6

Mí Israɛlla tosa vɛlɛ ɲɛ hɛnan Mɛlɛka loo. Má sooluu Baalla a Astarteea, piɔmaa Aramiia, piɔmaa Sidɔnnda, piɔmaa Moabua, piɔmaa Amɔnnda a piɔmaa Filistia. Má mulul Mɛlɛka kɔɔ, a ve lɛ ndu biilu le few.

Condii lisai 2:3

A co dimio aa: «N fulan o cɛle ndalen bɛngu, mì n kɛɛnun delɔɔcoo ndaa few-few!»

Osee 1:2

Nuaa Mɛlɛka kei a Osee ni mó kandu sɔɛi o vana ndɔa lo. Mí ndu Mɛlɛka dimul Osee aa: «Kɔ yil vanalanɔ suundɛiyo o nɔ̀u nin, cuavaa niaa vialunin niaa ndu-a, cuavaa vanalanɔ suundɛiya nda vanin ni. Kani vannda ha o lɛŋnden nden nin, a luɛi o suunda soolaa n'piɔmndo, má mulul ya Mɛlɛka kɔɔ.»

Osee 9:1

«Israɛlla la dɔawnun ɲaale mì la pɛ a kɔlkɛndɔɔ maa vanaa súúla celennda le. Kani la luɛi suunda soolaa n'piɔmndo, mí la kɔa Hala niaa levil. O kpelela lɔaa n'malta niaalan kpow coo, tɔnɔ dɛnɛ nɔɔlɛiyo niaa yeema ni.