Yeremi 2:2 - BII BILA

² «Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Yeremi 2:2 Referans Kwoze

Esekiɛl 16:60

Kɛ ya ya, i loonunnin a kpema ni ya yii a nɔm o felengiyɛi nɔmnde nin-ndo. I yiinin kpema fɛɛn-fɛɛndo a nɔm.

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Yeremi 11:6

Mí Mɛlɛka dimul-la vɛlɛ aa: «Yonda sɔɔn mun o kobila Yuda lan nin a o nɛilan Yerusalɛm coo aa: ‹La yaŋnun sɔɔn kpemaa ho, mì la kela lecoo.

Yeremi 7:2

«Sim o dio cɛi nuu sondoo, mà yonda sɔɛi he, mà dimi aa: «Niaa Yudaa kpow, niaa co keiyo o diolan ndan le luɛyɔɔ, le vulan baŋɔɔ Mɛlɛka o labɛngunin-nda, la yaŋ nilan o diom Mɛlɛka dimi-o.

Tɔŋ miingua 2:7

Kani Mɛlɛka Hala niaa dɔw niaa duaa o kpekula niaalan kpow nin, mó manda niaa telen niaa va lɛŋnde veselɛile bɛndulen nden taŋɔɔ-o. La tofa vɔ, o co nin vɔsilan belehiɔɔlu, Mɛlɛka Hala niaa co latulu a niaa, ɲɛ-ɲɛ co niaa lepɛŋ te.›

Osee 2:15

I co ndu sangaa tuisi coo le palɛi o tɛɛmbuu o Baalla sálàlan solullo a o nda ansan lumndo nin-nde. O palɛi ken nin, o va kelan suun ndɔn a yɔlɔn ndɔn labolon vownɔnndo, mó va kɔlan o sámáá ndɔa lo, ya ya mó pɔɛɛnun ya. Ya Mɛlɛka soo nuaa ni.

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Fulaa 14:31

Mí Israɛlla ca ɲinkon ba kpaaya bɛndu Mɛlɛka timbi mó tɛɛmbuu Esiptea-o, má yɔŋ siòòŋii ndɔɛi, má laalan ndu Mɛlɛka, má laalan vɛlɛ Moise, vana baala Mɛlɛka-o pɛɛn.

Matie 11:15

Vana nɔ pɛ nilan, mɛɛ ndú tueí!

Luke 12:13

Mí vana pilɛ o sɛ́lɔ́ɔ́ tɛɛn dimi aa: «Vana bɛndoo! Dimul puapilɛ nuu mì n piɔw kɛ́ɔ naa ndu.»

Yonas 1:2

«Cɔn ma kɔɛ o kobi bɛndoo Ninive nin, mà kɔ tɛɛngul vanaa co lon-nda sɔɔn mun, kani tɔ́ɔ́ kɔlvesɛi ndaa tiiya o ya lo dí.»

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Esekiɛl 23:19

Mó cɔɔlu dɛnnda ndɔla suundɛilan vangala le loonɔnndo a palɛi ifelengiyɛi ndɔɛi o kɔɔ, telen o va suundaa o lɛŋnde Esipte len nin-ndo.

Esekiɛl 23:8

O mel suundala ndɔla o kandu o lɛŋnde Esipte len nin-ndan te, lon pá nda hini a ndu o felengiyɛi ndɔɛi nin ni, má piilian ndu mɛɛma vanapɔnɔ ndóò pilan-ndɔ le-an. Má laasiaa ndu a suunda ndaa.

Esekiɛl 23:3

Má luɛi suundaa o lɛŋnde Esipte len nin, a va vɔ cuaambɔa lemboa má luɛi suunda kon. Lon nda vɔɔciaa nda mɛɛyan o ibuŋ ni, lon vannda piilian takpala ndala vanapɔnɔ ndóò pilan-ndɔ le lan ni.

Esekiɛl 16:22

Telen n va dɛnnda nɔɔlɛila lan kpow tosaa-o, a yiyan a felengiyɛi nɔmnde o kɔɔ le. Má pɔɛɛnun telen n vannun tum fondo o kooma nɔmndan nin-ndo.

Yeremi 19:2

Mà fula o dio Kpɛɛnɛn Piɔlɛiyo, mà kɔɛ o Bóllo Bɛn-Hinnɔm nin, mà yonda sɔɛi ya dimulnin nɔm-nde lon.

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Condii kɛndɛ-kɛndɛi 3:11

Felengia laandua Yerusalɛm, la fula! La fula mì la tofa masaa Salomɔn. La tofa vɔ ndu a mɔsil yilaa lanɔɔ o lebol, ò kala ndɔ vow ndu telen o va nɔu yiiyo-o-o, o paale o va o kɔlkɛndɛ bɛndoo nin-nden pɛɛn.»

Talelan 1:20

«Kɔlkaloo co yondaa o nɛilan coo, o co diomndo heeloo o fondala bɛndulan.

Fulaa 16:8

Mí Moise dimi aa: «La canin biilu ndɔɔ telen ndu Mɛlɛka yɔngunin niaa cɔɛllɛn vision le dioo-o, telen o yɔngunin vɛlɛ niaa ɲɛdiaa taw-taw siɔdii-o. Kani Mɛlɛka tuei sɔɔn pɔmbɔn niaa soo a ndu-on. Naa naa, yɛɛ naa n co yɛ? O co a naa le niaa soo sɔɔn pɔmbɔn te, kɛ a Mɛlɛka pila.»

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

Dɛnnda cɔɔmuanndan 2:4

Kɛ i hini kɔl a nɔm te, a mal kaola tase nɔm óò nɔ-o.

Condii lisai 129:1

Condii vannda keì solio nɛi-tɛɛn o kɔlan-nde. Kabi o felengiyɛi nii nin, vannda co ya dɛnnda vɔɔnndan tosallo taw. Israɛlla la mingi sondo aa:

Yeremi 2:1

Mí diom Mɛlɛka-o dimulun vɛlɛ ya aa:

Yeremi 3:4

Sisa n mulin nin sɔɛi o ya lo ni aa: ‹Fuɲa nuu, caan ni naa n tosa cuaambɔyɛi-yo.

Osee 2:7

Kala nda luɛi suundaa. Kala solin nda o ipulu-o tuisin siɛmbulan. O dimi aa: ‹I co lakɔ sámáá nia kɔɔli, nda co ya ɲɛdiaa nuu, mɛmma nian, kola ni toosian a yiiŋii saa-o, kola keese nuu, cuɛima nian a ɲɛm ya kol-lon yɔngoo ni.›

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

Osee 2:17

Lon, ya mingulnin ndu nakɔla n'rɛsɛnnda ndɔlan ni, mì mingi bóllo Akɔr maa dio kɔlkɛsiaa. O kon, o delnin ya kɔɔlii a yeemɛi maa telen o va o felengiyɛi ndɔɛi nin-ndo, maa paale o fula Esipte mò va heeloo len.»

Osee 9:10

«Maa rɛsɛŋun co o lɛŋnde veselɛilen nin-ndon lende ya komal Israɛlla ni, maa voosun tasen voosoo koam-ndon ya ce fuɲaa niaa mamaa ni. Kɛ mɛɛ nda tiiya dɔ́ɔ́ Baal-Peɔr, má luei balan o piɔm nɔɔlɛi kon sooloo, mí nda pila siŋnun ɲɛ vɔɔn bɛndoo ya Mɛlɛka o hɔl maa piɔm ndáà kaola kon sɛnɛi-yo.

Osee 11:1

«Tuma Israɛl va maa poombɔ pɔmbɔ-o, mí kaola ndu, mí veelu ndu, ndu po nuu, le faŋanndo Esipte.