Yeremi 2:19 - BII BILA

¹⁹ Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 2:19 Referans Kwoze

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

Yeremi 4:18

«Tɔnɔ kela nɔm vɔɔndo n co hoo sɔlaa ni, dɛnnda nɔmnda vɔɔnndan pɛɛn. Dɛnɛ palaa co nɔm hoo coo-o co nɔm kindila mo tiiya nɔm sondoo lɛŋ dí, o tiiyanin nɔm kindilaa o kɔllo nin di.»

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Condii lisai 36:1

Condii David vana balaa Mɛlɛka-o-e, í fula o condun simlacinɔ vanaa n'condua nin-nde.

Osee 5:5

Yonga Israɛlla co nda pila seilen tɛndallo, Israɛlla a cuavaa-imamaa Efraim-nda boŋ le dɛnnda ndala vɔɔnndan. Vannda Yuda bɛɛ boŋ latulu nda ndaa.

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Rɔmnda 3:18

A nɔ isiòòn a Hala le.»

Sakari 7:11

Kɛ, má kɛɛ le sɔɔn mún biyɔɔ, má tosa nila kalulan, má baŋulu nila ndalan yɔŋii ndáà tuei sɔɔn kalan.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Yeremi 8:5

Ɔ́ɔ̀ niko le kɔlɔ vannda ha Yerusalɛm, a luɛi nila kalulan tosaa-o? A co baŋnɔnndo o kafala ndalan coo, mà va kɛɔ le mangalanndo.

Osee 4:16

Israɛlla luɛi seesiɛi mɛɛ naw téndóó kɛɛ le kɔlan nuaa yɛ. Lelan Mɛlɛka tiwba mo bii nda biyɔɔ kɛndɔɔ mɛɛ vana yaa saa téndéa diólan o bil kɛndɛ-kɛndɔɔ nin yɛ le.

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Talelan 5:22

Tɛɛmbuula vana kɔlvesɛiyo biinin la ndu pila maa leyaŋɔɔ. O kayakayannin o yoei haki ndɔɔ nin.

Talelan 1:31

Lelan, la dianin kɔmnde fula o kela niaa nin-nden. La pumnin silala niaala niaa pila lan.

Talelan 1:32

Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Yeremi 5:24

La co dimin o lakɔl te aa: N tosan siòònde a Mɛlɛka Hala naa, o tuisul naa piɔɔ o telen ndɔɔ-o, piɔɔ tasoo a piɔɔ vɔɔle pɔmbɔɔ, o yɔngu naa lɔ́ɔ́lan le kovɔɔlan-ndo.›

Esekiɛl 39:24

Mí tosa a nda mɛɛ dɛnnda ndala nɔɔlɛilan a yɔŋnda vɔɔnnda ndalan la yɔŋnun yɛ, mí vin nda hɔlaa nia.

Osee 7:2

Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Osee 13:9

Ɲɛ co niaa co laasiaa-o, niaa Israɛlla, le tùú niaa ciŋilan ya-o. Niaa yɛ, la ciŋilan ya vana co niaa malaa-o.

Misee 1:5

Mun kpow n yɔŋnun le yɔŋnda vɔɔnnda cuavaa Yakɔb-a, a le hakila yungu Israɛl-lo. Nɛ̀ɛ́ vem yɛ Yakɔb Mɛlɛka simullo? Vɛ̀ɛ̀ o co Samari le? Nɛ̀ɛ́ vem yɛ Yuda balan lueiyo o piɔmnda sooloo? Vɛ̀ɛ̀ o co Yerusalɛm te?

Fulaa 33:6

Ndáà faŋanndo dɔ́ɔ́ o pembei Horɛb ikɛi, má sooluu volɔɔla ndala kɛɛsuanndan.

Masaa kialaa n'yamaa 10:13

Kɛ mí la mulul-la kɔɔ le piɔmnda sooloo. Lelan i cɛl-lɛnin le niaa baŋaa le.

1Masaa 18:18

Mí Elii mulul ndu aa: «O co ya le co dɛnɛ palaa tuisio Israɛlla coo le, kɛ nɔm pila kpeekpei a yungu fuɲa nɔm-ndo, niaa co dɛnɛ palaa tuisio Israɛlla coo ni. Kani la kɛɛ le tɔŋnda Mɛlɛka lan biyɔɔ, mí la mulin Baalla sooloo.

2Dɛnnda lemasalan 12:5

O kon mí Semaya vana-tɛɛngaa-diom Hala-o kɔa o Roboam nda simlacia Yuda lo, nɛɛ ndáà kɔɛ Yerusalɛm telen Sisak va sɔɔnguuo a cɔwvo-o-a, mó tɛɛngul nda diom Mɛlɛka dimi-o aa: «Le tùú niaa mulul-la kɔɔ-o, ya bɛɛ i co niaa kɔɔ mulul, mì mal niaa Sisak o ba.»

2Dɛnnda lemasalan 21:10

Cɔn a telen kon háá paalen nden, Edɔmnda cɛl lɛ le vaa o masale Yudaa bɛngu le. O telen pilɛ kon bɛngu koni vanaa va Libna-a bɛɛ simul Yoram a nila kalulan ni, le kɛɛ o kɛɛ Mɛlɛka Hala fuɲaa ndaa mamaa-o.

2Dɛnnda lemasalan 25:16

O lo sɔɛi lende, mí Amasia hialu ndu sɔɛi o sondo aa: «Vɛ̀ɛ̀ naa n hɛli nɔm le siŋnɔnndo vana silaa masaa ni? Taa yeema ma sɔla lɔɔ le mɛɛ o mɛɛlu nuaa dɛ!» O kon, mí vana-tɛɛngaa-diom Hala-o mei sɔɛi. Kɛ telen o va faŋanndo-o, mó dimi aa: «I sina nihau maa Hala cii kiolɔɔ le nɔm diyɔɔ, le tùú n tosa dɛnɔɔ ho-o a le kɛɛ n kɛɛ le sila nuu biyɔɔ-o.»

Yeremi 1:16

I kilulnin nda yamɛi le dɛnnda vɔɔnnda nda tosa lan kpow, kani a mal-la má loam ansan le halaa celennda, má baŋ vulan ɲɛm nda pila cɔw-von o labɛngunin.

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Esekiɛl 23:30

Lende nda tosanin a nɔm ni, kani a suunda a vanaa-mangalaa-isɔɔa, má lɔngɔlian a piɔmaa ndaa.

Osee 9:1

«Israɛlla la dɔawnun ɲaale mì la pɛ a kɔlkɛndɔɔ maa vanaa súúla celennda le. Kani la luɛi suunda soolaa n'piɔmndo, mí la kɔa Hala niaa levil. O kpelela lɔaa n'malta niaalan kpow coo, tɔnɔ dɛnɛ nɔɔlɛiyo niaa yeema ni.