Yeremi 2:18 - BII BILA

¹⁸ Vɛ niko nɛi Esipte-o biyɔɔ? Bàà le mɛmma peo Nil kɔlan kolɔɔ ni? Le yɛɛ n bii yɛ nɛiyo le kɔlan Asiri? Bàà le kɔlan mɛmma peo Efrate kolɔɔ ni?

Yeremi 2:18 Referans Kwoze

Yosue 13:3

kandɔɔ o pee pɔmbɔɔ Sihɔr, Esipte a ba paalen le can-ndo, kɔlan háá a lɛŋnde Ekrɔn-nden a maluaŋ. Tàndà kon kpow, vannda ndáà ce ndu maa o lɛŋnde Kanaan-nden coo o va ni. Lon masaa ŋuɛɛnua Filistia va masalen tosaa ni: masaa Kaasa, hoo Asdɔd, hoo Askelɔn, hoo Kat a hoo Ekrɔn, mí lɛŋnde Aviia le va vɛlɛ nda o ba bɛngu.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Yeremi 2:36

Le yɛɛ nɛ niaa co yɛ keleŋa bɛndoo ho le kela niaa mangalaa? Siɛmbulan la biinin niaa a Esipte maa mɛɛ la bii niaa a Asiri yɛ.

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!

Osee 5:13

Cuavaa-imamaa Efraim-nda sina nàà ndaa, mí Yudaa ca pavii ndɛi. O kon mí cuavaa-imamaa Efraim-nda kɔa Asiri, má viam vannda o masa bɛndoo lo le nda malaa. Kɛ masa kon nɔla niaa singi le, o nɔla vɛlɛ pavii niɛi cɛwvo le.

Esekiɛl 17:15

Kɛ mí vana kon luɛi seesiɛi ndu o ba, mó yaa kiilaa o lɛŋnde Esipte len nin haliko mi kan yɔngu ndu soa a vannda sɛ́lɛ́ bɛndoo taw-taw. Vɛ̀ɛ̀ vana tosa lende-o tiwnin pá ba le tùú kon peeloo? O nɔlanin pá hiɔlɔnndo? O cii kpemaa tɛɛmbuu, lelan o helunnin te few!

Cɛɛŋɔnnda Yeremi lan 4:17

Hɔlta naalan la co sangaa tofaa le mala sɔlannin too cumndo. Cumndo tuŋ naa n va o fondala naala cumulaa lan ni. N sanga vanaa-mangalaa-isɔɔa pum cumndo le naa baŋaa, kɛ a hin te few.

Esai 7:20

O palɛi ken nin, Maalii sendinin a kuisii o yownin a peo Efrate leeloo-e, masaa Asiri pɛɛn. O sendinin niaa bolle a yiiŋii n'peluei, o sendinin niaa vɛlɛ siaiyon.

Esai 23:3

Malun ndáà váà o peo Nil holnɔnndo-on a ɲɛ-ɲɛ va kownɔnndo o pee kon kɔngɔ, ndu va ɲɛ-sɔlaa kobi niaa kon ni. O mɛmma bɛnduan coo ɲɛm mun va keiyo ni. Kobi niaa kon va fonda malaa lɔ́ɔ́ le vanaa-mangalaa-isɔaa tɔ̀a ni.

Esekiɛl 16:28

Má suunda vɛlɛ a Asiriia, kani nɔm óò pim ndɔ a suundaa le, kɛ hali a suunda n suunda kon a kan-ndo kpede, a sanga vɛlɛ a suundaa le.

2Dɛnnda lemasalan 28:16

O telen kon, mí masaa Ahas viam kiilaa o masaa Asiri lo le ndu hunɔɔ malaa.

Yeremi 31:22

Háá telen kuɛɛ n lo yɛnin balɔɔ nɛɛ-nɛɛ ka, nɔm cuaambɔ laandu lanila kaloo ho? Kani Mɛlɛka soli dɛnɛ sɛnɛiyo o lɛŋnden coo, vanalanɔɔ co nin kela vanapɔnɔɔ ni.

Cɛɛŋɔnnda Yeremi lan 5:6

N co balan siɛndio o Esiptea lo a o Asiriia lo haliko mi n sɔla ɲɛdiaa mò tiw naa.

Esekiɛl 23:30

Lende nda tosanin a nɔm ni, kani a suunda a vanaa-mangalaa-isɔɔa, má lɔngɔlian a piɔmaa ndaa.