Yeremi 2:17 - BII BILA

¹⁷ Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Yeremi 2:17 Referans Kwoze

Yeremi 4:18

«Tɔnɔ kela nɔm vɔɔndo n co hoo sɔlaa ni, dɛnnda nɔmnda vɔɔnndan pɛɛn. Dɛnɛ palaa co nɔm hoo coo-o co nɔm kindila mo tiiya nɔm sondoo lɛŋ dí, o tiiyanin nɔm kindilaa o kɔllo nin di.»

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Osee 13:9

Ɲɛ co niaa co laasiaa-o, niaa Israɛlla, le tùú niaa ciŋilan ya-o. Niaa yɛ, la ciŋilan ya vana co niaa malaa-o.

Condii lisai 107:7

Mó cɔm nda nɛi sakpoo le kɔlan o kobi ndáà kila caltan-ndo nin.

Condii lisai 77:20

A buli nɛiyo le nɔm pila o mɛmma ihɛllan tɛɛn, má soli pemalen o mɛmma bɛndu-bɛnduan nin, kɛ vana-vana seelun foofola nɔmndan te.

Esai 1:4

Lelan, dɛnɛ palaa co le niaa vanaa tosaa lahakia, dɛnɛ palaa co le niaa vanaa pɛ a hakilan-nda, le niaa vanaa kɔlvesɛiya, le niaa cuavaa laasiannda. Kani la faŋan Mɛlɛka o ibuŋ, la pɛɛsa O-Diandaa Israɛlla, la mulul ndu kɔɔ mí la muungun a makɔɔ.

Condii lisai 136:16

O yɛɛ vanaa ndɔa o lɛŋnde veselɛilen nin-ndo, kani kaola ndɔɔ nɔ lamɛɛlu le.

SƐBƐ YƆB-O 4:8

Ya, i dɔw sɔɛi pilɛ taasi: Vanaa váà dɛnɛ vɔɔndo-a, vanaa saŋ pɛ kɔlvesɛiyo-a, nda koaw kɔmnde ɲɛm nda saŋ mún-ndon ni.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Tɔŋ miingua 32:19

Mɛɛ Mɛlɛka ce lende, mó tuulu kɔl a poaa ndɔa a á cuavaa ndɔa laandua.

Tɔŋ miingua 32:10

O komal Israɛlla o tàndá lɛŋnde veselɛiyo nin, o fonda yilili ɲaa biyaa co kuuliaa nin-ndo. Mó cua nda le nda bɛsio, mó pɛɛku nda. Mó manda nda maa hɔlte kúlte ndɔlen.

Kundalan 32:23

Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.

Yeremi 5:25

Dɛnnda niaala vɔɔnndan la hiŋ ɲɔɔ kpow ni, hakila niaalan la co niaa ɲɛm kɛndɛn mun tuŋɔɔ ni.

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Yeremi 44:3

Kon tosan le vanavɔɔnyɛi nda tosa ma tɛɛmbuu ya kɔllo-e. Bau a solul halaa celennda sálàlan, nduyɛ o co halaa nda sina le, fuɲaa ndaa mamaa bɛɛ a sina nda le.

Esekiɛl 39:24

Mí tosa a nda mɛɛ dɛnnda ndala nɔɔlɛilan a yɔŋnda vɔɔnnda ndalan la yɔŋnun yɛ, mí vin nda hɔlaa nia.

2Dɛnnda lemasalan 15:2

mó kɔa o Asa lo, mó dimul ndu aa: «La yaŋ ya nilan, nɔm Asa, Yudaa a vanaa fula o polale Bɛnyamɛn-nden nin-nda! Te la co vɔ pɛ Mɛlɛka o ibuŋ, mɛɛ ndu bɛɛ vanin a niaa. Te la nuwviaa pɛ ndu, o cɔmnunnin niaa, kɛ te la mulul pɛ ndu kɔɔ, ndu bɛɛ mululnin niaa kɔɔ.

SƐBƐ YƆB-O 34:27

Kani vanaa kan a faŋan ndu o ibuŋ, má mal nɛila ndɔlan kpow.

Talelan 15:10

Vana mal pɛ nɛi kɛndɔɔ o sɔla sangaa le ken. Vana cɛl kanalanndan te, ndu sɔla piɔ́mndo.

Esai 59:13

N co Mɛlɛka dúmbóó yiiyo, n co ndu dɛnnda lacòòvalan tosallo, n co faŋanndo Hala naa kɔɔli, n co kɔnndan polon. N co sɔɔn kɔlvesɛiyon dimio mì n va nila kalulan tosaa, n co sɔɔn lacòòvan yiyanndo mì n va mun dimio o kɔltan nin.

Misee 1:5

Mun kpow n yɔŋnun le yɔŋnda vɔɔnnda cuavaa Yakɔb-a, a le hakila yungu Israɛl-lo. Nɛ̀ɛ́ vem yɛ Yakɔb Mɛlɛka simullo? Vɛ̀ɛ̀ o co Samari le? Nɛ̀ɛ́ vem yɛ Yuda balan lueiyo o piɔmnda sooloo? Vɛ̀ɛ̀ o co Yerusalɛm te?