Yeremi 2:15 - BII BILA

¹⁵ Yàlàà cuawva co kuuliaa ndu coo, a co diomnda ndalan solio, a co lɛŋnde ndɔlen tɛɛmbuuo a labɛɛla. O cii kobila ndɔlan lomɔɔ mí vannda piaw kpede.

Yeremi 2:15 Referans Kwoze

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Esai 5:29

Vana tuɛi ko vanaa kan diom aa yàlà laandoo co kuuliaa ni. Vana tuei nda pɛ hiiliaa a yàlàà téndéa ni, a kula pɛ, a bii ɲɛ nda va mɛngɛlaa-o, a kɔɛnnun a ndu, vana-vana helu ndu nda o ba le.

Esai 1:7

Lɛŋnde niaalen le tambu, kobila niaalan la ŋɔɛ kpow a yinnden, mialla co yondola niaalan tɛɛmbuuo niaa pila o hɔl, a co lan laasiaa a lan tɛɛmbuuo a labɛɛla, maa vanaa luɛi a paa-kala le ɲɔɔn tɛɛmbuuo-a.

Sofoni 3:6

Mɛlɛka dimi aa: ‹I tɛɛmbuu vanaa-mangalaa-isɔɔa, mí koombiaa calta vanaa ndaa cɔwva. Nɛila ndalan o kobio tɛɛn la yimbu. Vana-vana co lɛ kei lecoo le. I pesi kobila ndalan, vana co lɛ lenin te. Hali vanndo ndu pilɛ, o co lɛ icali lenin te few.

Sofoni 2:5

Dɛnɛ palaa co vanaa co icali o mɛmma ihɛllan kɔngɔ-a cum! Dɛnɛ palaa co le yungu hin fulaa Krɛte-o! Kani le sanga niaa sɔɛi Mɛlɛka-e dimin ni aa: ‹Sangaa co le Kanaan, lɛŋnde Filistia pɛɛn. I tɛɛmbuunin nɔm Kanaan, i solinin vanaa co icali nɔm nin-nda kpow.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Nahum 2:11

N'tiŋ cɔwvian, n'pum tɛɛmbun, n'pum puunun! Ninivea vi n'diallon pɛ́! Vulan la co nda ɲiiyaa, nda pila yɔŋnun lɔngulɔn, hɔlla mangalan nda yifidii.»

Amɔs 3:12

Nuaa Mɛlɛka soo ni aa: Mɛɛ vana mandaa n'cɔloo soli bɛngula tiɔnnda saa, te kon te nile hɔlte saa yàlàá o sondo yɛ, lende koni Israɛlaa vanin icali o kpɛŋɛla sɔlɔbɔlɔɔlan nin, te kon te o kpelelan coo Damas o tàndá Samari-o nin-nda hialunnin yaamɔɔ ndaa ni.

Amɔs 3:8

Yàlàá co pɛɛliaa, nɛ̀ɛ́-nɛ̀ kɛɛ yɛnin siòònde yɔŋ? Maalii Hala co sɔɛi, nɛ̀ɛ́-nɛ̀ kɛɛ yɛnin sɔɛi Hala-e tɛɛnguu?›

Amɔs 3:4

Vɛ̀ɛ̀ yàlàá nɔla pá mo pɛɛliaa o bundɔɔ nin te o ci ɲɛ o co mɛngɛlaa-o le? Vɛ̀ɛ̀ yàlà téndóó nɔla pá mo kuuliaa o bɛ̀mɛ́lta ndɔlan nin te o bii ɲɛ le?

Osee 11:10

Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Esekiɛl 5:14

I siinguunin nɔm (Yerusalɛm) kobi piɔlɛiyo, siɛmbulan la biinin niaa co lon-nda vanaa-mangalaa-isɔaa balu niaa-a a vanaa vanin hiovɔɔ-a kpede o hɔl.

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 33:10

Diom Mɛlɛka dimi-o co hoo ni aa: «Niaa vannda Yuda, la co dimio aa: ‹Lɛŋnden nden le vesa, vanaciee co lɛ lenin te, visia co lɛ lenin te.›» A toɲa, vanndacieea a visia co lɛ o tàndá Yuda-o a o nɛila Yerusalɛm-ndan coo le. Kɛ nduyɛ, vana hun tuɛinin vɛlɛ

Yeremi 26:9

Le yɛɛ n tɔɔndan yɛ dimio aa Mɛlɛka dimul nɔm aa: Cɛi-Hala-o ho co hunɔɔ itambu maa hoo Silo, mì kobio ho hun tambu, mì vannda piow ndu?» O kon mí vanaa va o Cɛi-Hala-o nin-nda sɔɔnguu, má tiila Yeremi.

Yeremi 25:30

Mí Mɛlɛka dimul-la vɛlɛ aa: «Nɔm Yeremi yɛ, tɛɛngul nda sɔɔn mun kpow, mà dimul nda aa: ‹Mɛlɛka co a hiilɛi coocoo, o co diomndo solio o calta ndɔla diandaalan nin, o co a hiilɛi a vanaa ndɔa. O co deŋio maa vanaa pesi rɛsɛnndon le mɔiyan solio-a. O co piasiaa a vanaa co o lɛŋnden coo-a.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Esai 24:1

La tofa vɔ, Mɛlɛka co lɛŋnden yɛɛvɛ dɔvɔɔ mò salu ɲɛ-ɲɛ co lecoo mì le lo fondo. O puusiaanin nden mò sɛŋi vanndacieea co icali lecoo-a.

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Esai 5:9

Diom Mɛlɛka-Nɔ-Kpaayaa-Kpow-vo, ó soo ya o lani-o co hoo ni aa: ‹A toɲa, cɛila kunda bɛndulan-ndan la piɔsinin mì la siŋnun bémbélan, vana ve lɛnin icali o cɛila kɛndɛla bɛndulan ndan nin te!

Condii lisai 57:4

O lonin o halataala, mó mala ya, mó lɔɔ vanaa co ya yɛlen tollo-a. Hala tuisilnin ya kaola ndɔɔ a sakpoyɛi ndɔɛi.

SƐBƐ YƆB-O 4:10

Kuuliaa nda kuuliaa maa n'yàlà-o a pɛɛliaa nda pɛɛliaa maa n'tambili-o co ɲum pɔ́lì. Hala cii nda ciŋndon yimi.

Masaa kialaa n'yamaa 14:5

Mí Samsɔn nda yungu ndɔɔ a va kɔlan Timna. Tuma nda tiiya o nakɔla n'rɛsɛnnda va Timna ciee-lekɔɔ lan nin-ndo, mí yàlà téndóó pum fulal Samsɔn fɛlɛmɛndɛn a kuuliaa.

Yeremi 51:38

Sunsun ndɔ, vannda Babilɔn co maa yàlàá iyola, a co pɛɛliaa maa visia biyaa.

Esekiɛl 36:3

lelan tɛɛnguu diom Mɛlɛka-o mà dimi aa: Nuaa Maalii, o co Mɛlɛka-o dimi ni aa: Le tùú vannda yeema ba-ba fee le niaa pembon Israɛl mɛiyo fondo a le niaa hiɔlɔɔ haliko mi la siŋnun le vanaa-mangalaa-isɔɔa-o, le tùú vannda tɛɛndan niaa má ke niaa diomndan-ndo,

Sakari 11:3

Vanaa mandaa n'cɔlua co cɛɛŋɔnndo, kani naŋɔɔ ndaa tambu. Yàlàà téndéa co pɛɛliaa, kani bundɛlan la tambu, bundɛla va o peo Yurdɛn demullo lan.»

Yeremi 6:8

Yerusalɛm, bii silaa yɔŋii ya faŋan nɔm kɔɔli, mì dɔw lɛŋnde nɔmnden yɛɛvɛ, vana ve lɛnin ndon te.»

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 10:22

La yaŋ ndɔ nilan! Diomndo co fulaa, vɔkɔ-vɔkɔ bɛndoo co sɔɛi fulaa a ba luaŋ-ndo, le hunɔɔ kobila Yuda lan mingio pɔmndan, nɛɛ bɛ̀mɛ́lta tivolla la vanin-nda.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.