Yeremi 2:13 - BII BILA

¹³ Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Yeremi 2:13 Referans Kwoze

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Nsaŋ 7:37

O paale mɛɛlaalen, paale bɛndule kafolen, mí Yeesu can isisi, mó deŋi aa: «Vana kolɔɔ bii pɛ, o hun o ya lo mo kol.

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Condii lisai 36:9

A co nda pimio a ɲɛm fàngà-fángàn co o nɔm ndo cɛinin-ndon, a co nda koesio a pee nɔm ɲɛm kɛndɔɔ.

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Yeremi 2:11

Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.

2Piɛr 2:17

Vanaa kan co macoaa maa soonnda mamɛnnda nɔ mamɛn lenin te lan, maa piɔɔ helaa hoeyii fùkù-fùkùei hivi-o, ɲumma bɛndu-bɛnduan ma co nda cum.

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Yeremi 1:16

I kilulnin nda yamɛi le dɛnnda vɔɔnnda nda tosa lan kpow, kani a mal-la má loam ansan le halaa celennda, má baŋ vulan ɲɛm nda pila cɔw-von o labɛngunin.

Vana Kɔlkaloo 2:26

Vana hɛnan Hala-o, ndu Hala ke kɔlkaloo, dɛnɛ sinaa a kɔlkɛndɔɔ ni. Kɛ vana lahakio ndu, Hala pei ndu pɛ yiyanndo nin, o nuwviaa, o cuungiaa le vana hɛnan Hala-o yɔngoo. Kon vɛlɛ bɛɛ sanga fondoo fúú, ɲɛ fondoo kiltan kɔɔli pɛɛn.»

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Esai 63:8

Mí ndóò dimi aa: «Vanaa niaa kpeekpei nda co ni, cuavaa fulanin ya kɔɔli le-a nda co ni!» Le hee, mó yɔŋnun vana ciindiaa le nda.

Esai 5:13

Lelan, vannda kɔanin a vanaa niaa o cɛlen nin le tùú nda kɛɛ le ɲɛ-ɲɛ bila biyɔɔ-o. Vanaa ndaa bɛndua cuunin vu a yiaan, vanaa niaa kalaa cuunin vu kpow a bolola vesɛilan.

Esai 1:3

Nawvo sinà vana nɔ ndu-o, sofɛlɔɔ sinà hèé vana ndɔ bɛndoo. Kɛ Israɛlla nda sinà ɲɛ-ɲɛ le, yungu nuu bii ɲɛ-ɲɛ bila le.

Vana Kɔlkaloo 2:11

O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.

Vana Kɔlkaloo 1:2

Vana kɔlkaloo dimi aa: «Sanga fondoo fúú! Sanga fondo láà sanga fondo! Dɛnndan kpow, sanga fondoo fúú la co ni.

1Samiɛl 12:10

Mí fuɲaa niaa mamaa veelu vɛlɛ Mɛlɛka le nda malaa, má dimi aa: ‹Mɛlɛka, n cua hakio, kani n mal nɔm mí muungu Baalla a Astarteea sooloo. Kɛ yandi, baŋa naa yaamɔaa naa o ba, o kon mì n tosal nɔm baalaa.›

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Yeremi 2:26

Maa mɛɛ siɛmbulan la bii vuiyo telen nda bii ndu-o yɛ, lende koni la biinin Israɛlla ni: nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom halaa ndaa.

Vana Kɔlkaloo 2:21

Kani mì vanndo cii baalaa tosa a kɔlkaloo, mò tosa ndu a dɛnɛ sinaa a á yiyan ndɔɔ kpow, kɛ mò mel vana celen ɲɛm ndɔn kpow, vana sanga bɛɛ le mun too. Sanga fondoo fúú co vɛlɛ kon ni. Co dɛnɛ sandaa le co kon te few.

Vana Kɔlkaloo 1:14

Mí ca dɛnnda co tosanndo o ceendo coo nanu lan kpow. Dɛnnda lan kpede, sanga fondoo fúú, ɲɛ fondoo kiltan kɔɔli co kon ni.

Masaa kialaa n'yamaa 10:13

Kɛ mí la mulul-la kɔɔ le piɔmnda sooloo. Lelan i cɛl-lɛnin le niaa baŋaa le.

Misee 6:3

O dimul nda aa: ‹Niaa vanaa nia, yɛɛ nɛ ya yɔŋ yɛ niaa? O yɛɛ nin ya saangiaa yɛ niaa? La mulul-lɔ ya!

Misee 2:8

Kɛ niaa niaa, mí Mɛlɛka dimul niaa aa: ‹La co siŋnɔnndo yaamɔɔa le vanaa nia, la co vanaa co fulaa o cɔwvo má va hiovɔɔ a kɔlɲuloo-a volɔɔlan solio lekɔɔ.

Yeremi 18:14

Vɛ̀ɛ̀ o co mɛmma n'kpungban te ma kumbu powta kpovala co yondoo nin o pembon coo Liban-ndan te? Vɛ̀ɛ̀ mɛmma ɲuluma toal o peela pɔmbɔlan-ndan ma nɔla pá velaa?

Yeremi 5:26

Kani vanaa kɔlvesɛiya co vanaa nia tɛɛn, vana ca ko nda a tundan aa vana biyaa n'yowvo co mɛngɛlaa ni. A co yaŋɔɔlan handɔɔ le vanndacieea biyɔɔ.

Vana Kɔlkaloo 12:8

Vana kɔlkaloo diminin aa: ‹Sanga fondoo fúú! Mbɔ̀ dɛnndan kpow sanga fondoo fúú la co ni.›

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Nsaŋ 4:11

Mí cuaa mulul ndu aa: «Maalii, a nɔ ɲɛ kɔandaa mamɛn te, nduyɛ soon-kólaa yingila. Kuɛɛ nɔm óò fula yɛnin a mɛmma cindaama man?

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

Esai 12:3

La kɔandunin mɛnndan a kɔlkɛndɔɔ o soonnda cindaalan nin.

Yeremi 14:3

Vanaa bɛndua co buɛyaa ndaa vomɔɔ kela mɛnndan. A co kɔlan o soonnda mandaa mamɛnndan, ma va lan komallo la velɛilan, a co muungoo a ɲɛla ndala vovaa mamɛnndan fondo. Siɛmbula bɛndulan la bii nda ma kumbu hɔlla.

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Esekiɛl 47:1

Mí langbanɔ kon mingi ya vɛlɛ o Cɛi-Hala-o sondoo. Yáà tofaa, mí ca mɛnndan fulaa o kèédei Cɛi-Hala kon bɛngu a ba paalen le can-ndo, kani a ba paalen le can-ndo cɛi kon ndóò muli hɔlla ni. Cɛi-Hala kon o ba kɛndɔɔ coo mɛmma man ma va fulaa ni mí ma va tolɔɔ o fonda-loamaa-lasálàá a ba too kpeekpei.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

2Masaa 22:17

Le tùú vannda ha mulul-la kɔɔ, má va halaa celen sálàla cuɛima cun kɛndɛlan solullo-o, le tùú nda co ya kɔllo tɛɛmbuuo a ɲɛm nda cɔw a laba-on-ndo ya tuulu kɔl a kobio ho ni. Nduyɛ kɔltuw nuu ɲululnin te.

Esai 1:4

Lelan, dɛnɛ palaa co le niaa vanaa tosaa lahakia, dɛnɛ palaa co le niaa vanaa pɛ a hakilan-nda, le niaa vanaa kɔlvesɛiya, le niaa cuavaa laasiannda. Kani la faŋan Mɛlɛka o ibuŋ, la pɛɛsa O-Diandaa Israɛlla, la mulul ndu kɔɔ mí la muungun a makɔɔ.

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.