Yeremi 2:12 - BII BILA

¹² Lelan niaa vanaa co o halataala-a, la yɔŋnun yoloma-yoloma. Siòòŋii bɛnduei bìí niaa mì la ɲiiya. Ya Mɛlɛka co sɔɛi nuaa ni.

Yeremi 2:12 Referans Kwoze

Esai 1:2

«Niaa co o halataalaa-a, la yaŋ nilan! Niaa co o lɛŋnden coo-a, la yaŋnun! Kani Mɛlɛka co sɔɛi. I dɔw cuawva balo, mí manda nda, mí soli nda lenin, kɛ a simul-la a nila kalulan.

Misee 6:2

Pembon sei, la yaŋ nilan o yamɛi Mɛlɛka-e! Niaa fondala lɛŋnden le kɛsi tumndo coo lan sei, yamɛi hin kiolu Mɛlɛka nda yungu ndɔɔ tɛɛn! Mɛlɛka luɛi kɔɔsɔɔ a Israɛlla.

Yeremi 22:29

Lɛŋnde nilen, niaa vanaa co o lɛŋnde nilen nin-nda, la tuei-yɔ ɲɛ Mɛlɛka dimi-o.

Yeremi 6:19

Lɛŋnden, yaŋnun. I co dɛnɛ palaa tuisi vannda ha coo, tɔnɔ yiyannda ndalan co kon ni. Kani a yeŋ nilan o tɔŋ nuu le, má kɛɛ sɔɔn nun.

Tɔŋ miingua 32:1

«Nɔm halataalaa, yaŋ nilan mì soo. Niaa vanaa co o lɛŋnden coo-a, la yaŋ nilan o sɔɔn co ya fula o sondo-on.

Matie 27:45

Kandɔɔ a paalen o pol háá tiiya a lɛɛlɛ yàándɔɔ a paale yɔngannden, mí ɲumma bɛnduan ma toal o lɛŋnden kpow coo.

Yeremi 4:23

Mí tofa lɛŋnden, mí ca len tulumasaa, le va fondo fúú. Mí tofa o halataala, ɲɛm ndɔn tengan ve lɛ le.

Esai 29:9

La voolu mì la dɔwnun kɔndɔfili! La kinda hɔltan mì la suma, la lo a sumɛiya lende! La yɔŋnun yingo-yingo, kɛ o va a mamɔi o hɔl te, la va boŋiboŋio kɛ, o va mɛɛ vana kol man taw yɛ le!

Yeremi 18:13

Lelan o Mɛlɛka dimi-o co hoo ni aa: «La ɲuuniaa lɛŋnde kɔɔli-kɔɔli. Kabi vana tui dɛnnda vaa nuaa le! Dɛnɛ Israɛl tosa-o, dɛnɛ lamàà kpeekpei o co ni.