Yeremi 2:11 - BII BILA

¹¹ Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.

Yeremi 2:11 Referans Kwoze

Rɔmnda 1:23

Má mangala biilu Hala tembu loo a tuuliaala ɲɛm tambu-on: tuuliaala vanndacieea, la yowva, la visia pelun hiɔɔlua a la visia sasun lɛŋ o kɔlan-nda.

Esai 37:19

Handɔɔ o kon coo, má viaw halaa ndaa o yinnden nin, má loam nda. Kɛ halaa kan nda nda, vanndacieea ndáà toosiaa nda a laba ni, yɔmnde a powta ndáà sɛl-tan halaa kan va ni, mí masaa kan tɛɛmbuu nda few-few.

Yeremi 16:20

Vanacieo nɔla halaa cownɔn te, ɲɛla o toosiaa lan la co n'hala le.»

Condii lisai 106:20

Má mangala biilu Hala ndaa, má tuula nawvo, o dia billo-o.

Misee 4:5

Telen vannda súúlan kpow co kelaa le hɛnan halaa ndaa tosaa-o, naa bɛɛ n kelan le hɛnan Mɛlɛka, o co Hala naa-o-o tosaa le fɛɛn a fɛɛn.

1Korɛntea 8:4

Le ɲuna niaa ɲuna ya a visin nda solul piɔmnda sálàlan-ndon dioo o kɔɔ-o yɛ, n sínà maa piɔmndo co ɲɛ-ɲɛ o ceendo ho coo le, n sínà vɛlɛ maa Hala ndu pilɛ kpé co ni.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Yeremi 2:5

Diom Mɛlɛka dimi-o co hoo ni aa: ‹Dɛnɛ vɔɔn yɛɛ fuɲaa niaa mamaa saalun yɛ o ya nin? Le kɔlɔ yɛɛ nɛ nda faŋan yɛ ya kɔɔli má kɔa ɲɛm fondo-fondon kɔɔli, mí nda pila siŋnun vanaa fondoa?›

Condii lisai 115:4

Kɛ piɔmaa nda cɔw a volion a á sianion-nda, a laba nda toosiaa nda ni.

Condii lisai 3:3

Vanaa bɔɔ-bɔɔ co dimio a ya o kɔɔ aa: «Daama ni! O sɔla lɛnin cindaa Hala ndɔɔ o ba le.»

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»

1Piɛr 1:18

Kani la sínà maa o co a volion, te kon te a sianion, ɲɛm támbù mun-ndon te niaa sɔla baŋaa dɛnnda niaala fondolan ba le, dɛnnda fuɲaa niaa mel niaa kɛ́ɔ lan pɛɛn.

Kalatea 4:8

Paandu, telen niáà síná vɔ Hala loo, la va o cɛle ɲɛm niáà cɔu maa n'hala-on bɛngu, nduyɛ n co Hala le.

1Samiɛl 4:21

Viovɔɔ ka-ka, mó dimi aa: «Le tùú biilu Hala-o faŋan Israɛl-lo, i ke hɔ́ɔ́ ho diolan aa I-Kabɔd.» Kon co dimio ni aa «Biiloo cuu.» Le kɔnnda ndáà kɔɛnnun a kesu kpema Hala-o lan a le piɔ́m pɔnɔ ndɔ bɛndoo nda pɔnɔ ndɔ sɔla-o ndóò yɔngu diola lan lende ni.

2Dɛnnda lemasalan 13:9

Vɛ̀ɛ̀ o co niaa le tow vanaa-solia-lasálàá Mɛlɛka-a, a co poaa Aarɔn-nda-a a leviia, mí niaa pila hɛli a niaa, maa mɛɛ vanaa co o lɛŋii celen nin-nda a tosa yɛ le? Vana-vana ndóò hin pɛ a naw tova téndóó o pilɛ, saa kóndóa a ŋɔmmɛw, mó yɔngun le siŋnɔnndo vana-solia-lasálàá, la siinguu dɔ́ɔ́ vana kon vana-solia-lasálàá le ɲɛ co Hala loo.

Yeremi 5:7

«Yerusalɛm, vɛ̀ɛ̀ ya mal lɛ nɔm haki lende? Cuavaa nɔmnda kɛɛ ya, mà muungu mɛɛnianndo o ɲɛm co Hala loon. I va nda ɲɛm ndáà nɔ makoo-on yɔngoo, kɛ má yiinan sɛ́lɛ́ bɛndoo o cɛi suundaa nin.

Yeremi 18:13

Lelan o Mɛlɛka dimi-o co hoo ni aa: «La ɲuuniaa lɛŋnde kɔɔli-kɔɔli. Kabi vana tui dɛnnda vaa nuaa le! Dɛnɛ Israɛl tosa-o, dɛnɛ lamàà kpeekpei o co ni.

Esekiɛl 5:7

Lelan, nuaa ya Maalii, ya co Mɛlɛka-o dimi ni aa: «Le tùú niaa luɛi o seesiɛi nin hiovɔɔ vanaa-mangalaa-isɔaa balu niaa-a o, le tùú niaa kɛɛ le kelaa o silala nilan coo mí la kɛɛ le tɔŋnda nilan biyɔɔ-o, le tùú niaa kɛɛ vɛlɛ le kelaa o tɔŋnda vanaa-mangalaa-isɔaa balu niaa-a lan coo-o,

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.

Tɔŋ miingua 32:16

Israɛlla tindi paŋala Mɛlɛka-o o halaa fondoa sooloo nin, má tuulu ndu kɔllo a dɛnnda ndala nɔɔlɛilan.

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.

2Masaa 1:3

Kɛ mí mɛlɛkanɔ Hala-o hun dimul Elii fula Tisbe-o aa: «Cɔn ma kɔ bɔŋa kiilaa masaa Samari vem-nda, ma dimul nda aa: ‹Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa?›