Yeremi 2:10 - BII BILA

¹⁰ La kɔ Kitim, lɛŋii co o mɛnndan tɛɛn-nde pɛɛn, mì la vem vannda mà kɔ fɛfɛla kobio Kedar, mà kɔ mɛɛndian ɲɛkɛndɛi, mì la sina te dɛnɛ súú vaa nuaa tosan nin!

Yeremi 2:10 Referans Kwoze

Condii lisai 120:5

Dɛnɛ palaa co le ya, le calii ya cal vanaa laasiannda ha tɛɛn, mí kila caltan o cɛila-kolala-toandaala vanaa diuvaa n'vannda ha tɛɛn-nde!

1Korɛntea 5:1

Vannda co ya dimullo lɔ́ɔ́-lɔ́ɔ̀ maa vanaa pum a co dɛnnda nɔɔlɛilan tosaa niaa tɛɛn, dɛnnda nɔɔlɛila co bɛɛ tosan hali vanaa sínà Hala le-a tɛɛn-ndan pɛɛn, maa vana pum co nda lanɔɔ fuɲa ndɔ.

Daniɛl 11:30

Vannda cannin Kitim mà hinul ndu, mà hun simul ndu. O kon, o vunin n'dial, mò muungu. O mulinnin mò kuel kpema diandaa a kɔltuwvo. O va pɛ muungoo, o nuwviaa vanaa malnin kpema diandaa-a le bɛndaa a nda.

Esekiɛl 27:6

má toosial nɔm bombola pɔmbɔlan a yálánnde Basan. Má toosial nɔm fonda fɛkɛiyo o dɛ̀ndɛ̀ bɛndu mamɛnndo coo a ciŋun kamaa, n nda fula o lɛŋnde Asiri len nin-ndon, la nda cua o lɛŋii co o mɛnndan tɛɛn Kitim-ndan.

Esai 21:16

Kani nuaa Maalii soo o ya lo ni aa: «Nanu a vɔsio pilɛ, maa vɔsi vana co baalaa le salaa sɔlaa-o, biiloo a naŋɔɔ Kedar-o co cuvɔɔ few-few.

1Dɛnnda lemasalan 23:12

Mí Kehat vialu Amram, Yisehar, Hebrɔn a Usiɛl, faw-faw poaa nda hiɔɔlu.

1Dɛnnda lemasalan 23:1

Lɔ́ɔ́ David yuuva taw-taw-o, mó suili Salomɔn po ndɔ masaa Israɛlla coo.

1Dɛnnda lemasalan 1:7

Poaa Yavan-nda yɔŋnun haa ni: Elisia, Tarsisa, Kitim a Rodanim.

Masaa kialaa n'yamaa 19:30

Mí vanaa ce dɛnɛ kon-nda kpow a va dimio aa: «Kabi Israɛlla fula Esipte, n ci vɔ dɛnɛ súú vaa nuaa le, dɛnɛ vaa nuaa yɔŋnun-ndɔ le few. Lelan la yiyan a dɛnɔɔ ho o kɔɔ, la kennan kɔlkaloo lecoo, o kon mì la tosa mɛɛ o bɛnda yɛ.»

Kundalan 24:24

Dɛ̀ndɛ̀la bɛndula mamɛnndan la cɛn Kitim mí la hun. Vanaa hin a lan-nda delnin yungu Asur-o coo, a biinin cuavaa-imamaa Hebɛr-a, kani cuavaa-imamaa Hebɛr-a kan bɛɛ, tambei co nda laci.»

O Kandɔɔ 25:13

Diola poaa ndɔa o polale vialaalen la co lan ni: Nebayɔt, Kedar, Adbeɛl, Mibsam,

1Masaa 9:9

Mà mulul nda aa: ‹Le tùú nda mulul Mɛlɛka Hala ndaa, o soli fuɲaa ndaa mamaa Esipte-o kɔɔ, má yiinun a halaa celennda, má baŋ vulan nda o labɛngunin le nda sooloo-o ndu Mɛlɛka tuisi nda dɛnɛ palaa bɛndoo ho coo ni.›»

Esai 23:12

O dimi aa: «Niaa Sidɔnnda, kɔlkɛndɔɔ cuu le niaa, la co macoaa maa cuaambɔ laandu nda kpuva-o! Lelan la cɔn, la taŋ mi la kɔɛ o lɛŋnde Kitim-nden nin! Hali lon bɛɛ, pɛngi ve lɛnin le niaa le.

Yeremi 49:28

Sɔɛi dimin le Arabua co Kedar-a a le masɛi Hatsɔr-e, i Nebukanɛsar masaa Babilɔn nɔla-e co hee ni. Diom Mɛlɛka dimi-o co hoo ni aa: «La cɔn mì la kuel Kedar, mì la tɛɛmbuu ɲɛ-ɲɛ fee, ɲɛm vanaa co icali lon o lɛŋnde veselɛilen nin-nda pɛɛn.

Esekiɛl 5:7

Lelan, nuaa ya Maalii, ya co Mɛlɛka-o dimi ni aa: «Le tùú niaa luɛi o seesiɛi nin hiovɔɔ vanaa-mangalaa-isɔaa balu niaa-a o, le tùú niaa kɛɛ le kelaa o silala nilan coo mí la kɛɛ le tɔŋnda nilan biyɔɔ-o, le tùú niaa kɛɛ vɛlɛ le kelaa o tɔŋnda vanaa-mangalaa-isɔaa balu niaa-a lan coo-o,

Daniɛl 11:18

O kon kɔɔli, o mulinnin a ba lɛŋii co o mɛnndan ikɛi-ye, mò bii i bɔɔ-bɔɔ. Kɛ kuubanɔɔ pum tɛɛmbuunin yonga ndɔ kon, mò tuisi ndu nda pila o lebol.

Esai 23:1

Sɔɛi dimin o kobio Tir coo-e co hee ni aa: «Niaa vanaa co kelaa yulalen o mɛnndan coo Tarsis-a, la somisomin! Kani fonda niáá tiindan-ndo piɔl vɔ́-vɔ́! Hali cɛiyo ndu pilɛ, o lo lɛ lon te! Tuma nda va cɔnɔnndo o lɛŋnde Kitim-nden nin le muungoo-o nda saalun fonda niaa kon ni.

Esekiɛl 16:16

Mí nɔm pila cua volɔɔla nɔmnda cuɛinanndan, má ciiŋiaa lan sɔndɔɔ nɛɛ pilɛ, má toosiaa sooluulan a lan, má kɔ suunda lon. Kabi bɛɛ ɲɛ vaa lende tosan-ndɔ le, le fɛɛn bɛɛ o tosan ndɛnin vɛlɛ le.

Esekiɛl 27:21

Vannda Arabii a simlacia Kedar kpow a va yulalen tosaa nɔm o ba bɛngu, o nda lo yulaa nɔmaa n'saa téndéa, yulaa nɔmaa n'saa kóndóa a yulaa nɔmaa cuinaa toovia va ni.