Yeremi 19:8 - BII BILA

⁸ I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Yeremi 19:8 Referans Kwoze

Yeremi 18:16

A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Yeremi 49:13

I mɛnan a ya pila, Bɔsra siŋnunnin fonda dɛnɛ palaa, mò muungu bémbélan kposon. Ndu vannda vanin tɔɔmaseloo cuaa le dangaa dɔvɔɔ, te kon te le vannda siɛmbulan tuisio ni. Kobila balu ndu lan la siŋnunnin bémbélan le fɛɛn a fɛɛn.» Sɔɛi Mɛlɛka dimi-e co ken ni.

1Masaa 9:8

Kɔndɔfili bɛndoo biinin vanaa vanin keiyo o Cɛi bɛndu sɔvɛɔ ho ikɛi-ya kpow, mà dimi aa: ‹Ko le yɛɛ kpeekpei Mɛlɛka soli yɛ mɔnɛ vaa nuaa a vannda ha a á Cɛiyo ho?›

Sofoni 2:15

Àá! Ninive vannun a kɔlkɛndɔɔ, o vannun nila ɲulu o kɔlkɛsiaa nin. Vanaa va lenin-nda va dimio aa: ‹Naa n co naa ni! Vana-vana co maa naa le!› La tofa vɔ mɛɛ kobi kon siŋnun ciee-piɔ́mndo yɛ. La tofa vɔ mɛɛ o siŋnun bɛ̀mɛ́lta visia yɛ. Vana-vana kei pɛ ndu ikɛi, o kpinga a hùíyé hɔŋndo a á baa hiiloo.»

Yeremi 50:13

Kɔltuw Mɛlɛka-o yɔŋ ni mí vannda piaw lon, mó siŋnun pɔmndo. Vanaa vanin keiyo Babilɔn-nda dɔawnunnin kɔndɔfili le ndu cɔu o tambɛiyo.

Yeremi 25:18

Mí kandu a Yerusalɛm a á kobila va o tàndá Yuda-o nin-ndan, masaa ndaa a simlacia ndaa, le lan mingio bémbélan. Mí vannda va kpingaa a mɔnɛi biyɔɔ, o kon má ca dɛnɛ kon, má va mɛnaa a ndi o kɔɔ mɛɛ o co hau tosanndo yɛ.

Tɔŋ lasálàá 26:32

Ya pila tɛɛmbuunin lɛŋnde niaalen, háá mì yaamɔaa niaa hun calnin lenin-nda dɔwnun kɔndɔfili taw.

Tɔŋ miingua 28:37

Vanaa-mangalaa-isɔaa Mɛlɛka yaanin niaa tɛɛn-nda kpow a dɔawnunnin kɔndɔfili a dɛnnda vanin niaa yɔŋnɔnndo lan. A mamnin niaa ma cii niaa labɛɛ kpede.

Tɔŋ miingua 29:22

taa ce pɛ maa fungoo a hɛlle cii ɲɛ-ɲɛ tɛɛmbuu, maa tɔlɔɔ niŋ-ndɛ o lɛŋnde len coo le, maa bil vil lɛ lecoo le, maa fondaa siŋnun maa Sodɔm, Komɔr, Adma a Seboyim, kobila Mɛlɛka tɛɛmbuu lan a kɔltuw bɛndoo lan,

Esekiɛl 27:36

Yulaa co vanaa-mangalaa-isɔɔa tɛɛn-nda a co hùíyé hɔŋndo (a kɔndɔfillo) le dɛnɛ nɔmndo. Nɔm Tir, dɛnɛ nɔmndo luei vannda siòònde, le fɛɛn a fɛɛn nin, a ve lɛnin ɲɛ-ɲɛ le few!»

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»