Yeremi 19:7 - BII BILA

⁷ O fonda kon ya tɛɛmbuunin tuula Yerusalɛm ndan a tuula Yuda lan ni. Mì tosa mì yaamɔaa ndaa diw nda o cɔwvo, mì yɔngu duàá a tivolla dialun ndan, mà de mun.

Yeremi 19:7 Referans Kwoze

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Yeremi 34:20

I malnin nda yaamɔaa ndaa o ba, vanaa yeema le nda diyɔɔ-a pɛɛn! Mì vanvílɛ́yaa ndaa siŋnun balo yowva coocoo a visia o lɛŋnden coo.

Yeremi 15:9

Vanalanɔ nda va bɛɛlen keo le cuavaa ŋɔmmɛw o velu-a-o siŋnun ɲɛ fondoo, mò malnun kɔl. A telen paalen o pol kpen, mó yiyan maa paalen le del. Mí siɛmbulan la bii ndu, mí bɛɛle ndɔlen le hialun ndu. I malnin vanaa lonin-nda yaamɔaa ndaa o ba, mà diw nda.» Sɔɛi fula Mɛlɛka o sondo-e co ken ni.

Yeremi 15:2

Taa ɲuna nɔm pɛ aa: ‹Kuɛɛ naa n kɔ yɛ?› A mulul nda aa: ‹O Mɛlɛka dimi-o co hoo ni aa: Le piɔ́mndo, vana-vana kɔanin teengen. Nàá n'kɔnyaa kɔanin a vannda pum, a tiŋ vunin o cɔwvo nin, mì a pum vi a yima fofolan, mà kɔɛ vɛlɛ a à pum o biyɔɔ nin.

Yeremi 7:33

Dialun vílɛ́in vannda ha vanin ɲɛdiaa yowva coocoo a visia yondoa ni, vana-vana venin ndon le nda kpeeŋiaa le.

Rɔmnda 4:14

Te le tɔŋndo biyɔɔ vana sɔla kɛ́ɔ ni, mɛɛ fondo fúú laalanndo co ni, o kon kpema Hala-o bɛɛ ndu del.

Rɔmnda 3:31

Vɛ̀ɛ̀ mì tɔŋndo ndu tambu niko le laalan naa? O co lende le i co le. Kɛ kon kpeekpei cɔm ɲama ndɔɔ ni.

Cɛɛŋɔnnda Yeremi lan 3:37

Nɛ̀ɛ́-nɛ̀ dimi yɛ isɔɔ mì i tosan? O co Mɛlɛka le kialu sɔɔn kpow le?

Yeremi 46:26

I co nda malɔɔ vanaa yeema le nda diyɔɔ-a o ba, Nebukanɛsar masaa Babilɔn a vanaa ndɔa cɔwva pɛɛn. Kɛ o mɛɛlulan, Esipte muungunin maa paandu.› Sɔɛi fula Mɛlɛka o sondo-e co ken ni.

Yeremi 22:25

I mal nɔm yaamɔaa nɔmnda o ba, vanaa n nɔ siòòŋii ndɛi-ya, Nebukanɛsar masaa Babilɔn a vanaa ndɔa cɔwva pɛɛn.

Yeremi 22:19

A kumbunin ndu maa sofɛlɛ. A nannin kɔɔle ndɔlen mà kɔ viow len o kobio kɔɔli polon.»

Yeremi 18:21

Lelan tuisi poaa ndaa yima fofolan coo, mà cii nda pila o mɔɛi cɔwve bɛngu. Màá hɔ́aa ndaa laandua hiɔlun nda, mì piaandaa ndaa cuu vu! Màá nàà n'kɔnyaa cii piandaa ndaa, mì poaa ndaa piaandua cuu o cɔwvo!

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

Esai 8:10

La tuu dɛnndan taw le tosaa, kɛ tuula lan la co cuvɔɔ laasian. La dimi sɔɔn, kɛ sɔɔn mun tosannin te. Kani Hala co a naa latulu.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Yeremi 8:8

Le yɛɛ niaa co yɛ dimio aa: «Vanaa kɔlkalua naa n co ni, tɔŋ Mɛlɛka-o co naa o ba»? A toɲa, o kafalan coo daama vanaa sɛvaa latɔŋnda co ndu sɛvaa a kpɛkile lacòò len ni.

Yeremi 8:9

Siɛmbulan la bii vanaa kɔlkalua, siòònde bii nda taw, a biinun o yaŋɔɔlen. Nda kelun sɔɛi Mɛlɛka-e yii ni. Ɔ́ɔ̀ niko kɔlkalu ndaa?

Yeremi 32:28

Lelan diom Mɛlɛka dimi-o co hoo ni aa: «I co kobio ho malɔɔ Babilɔnnda a Nebukanɛsar masa ndaa o ba, mà bii ndu.

Tɔŋ lasálàá 26:25

I tuisinin cɔwvo niaa coo, le niaa màá mingullo le kpema ni niaa tɛɛmbuu-o. Tuma niaa kɔ viannunnin o kobila niaalan nin-ndo, i saŋnin nàà n'kɔnyaa niaa tɛɛn, o kon la delnin yaamɔaa niaa o ba.

1Samiɛl 17:46

Hau, Mɛlɛka co nɔm malɔɔ ya o ba, mì dii nɔm, mì kelu nɔm bollen. Paalen nden hau, mɛɛ mì yɔngu vɛlɛ yovaa co balɔɔ coocoo-a a visia yondoa vanaa cɔvaa Filistia a vílɛ́iya. O kon, mì vannda kpow a sina maa Hala co Israɛl.

2Masaa 21:14

I mululunnin vanaa lonin yoomu o vanaa co kɛ́ nuu-a tɛɛn-nda, mì mal nda yaamɔaa ndaa o ba, mà poondiaa nda ɲɛm ndan o laba, mà hɛlu ɲɛ nda sɔlaa.

Esai 29:14

Lelan, i soaŋnin vɛlɛ nda a kaamaalan, a dɛnnda kɔndɔfiltan. Kɔlkalu vanaa kɔlkalua ndaa tambunin mì dɛnɛ sinaa vanaa dɛnɛ sinaa ndaa ɲum.

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»