Yeremi 19:5 - BII BILA

⁵ Má tengul Baal tombon, le poaa ndaa sálàla loamaalan solio lon. Nduyɛ o co ya léè dimul nda le dɛnɛ vaa lende tosaa le, kabi i dimi ken te, yiyan kon bɛɛ del-la le.

Yeremi 19:5 Referans Kwoze

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Tɔŋ miingua 12:31

La caa dɛ! La tósà lende a Mɛlɛka Hala niaa le. Kani vanaa-mangalaa-isɔaa kan a va dɛnnda nɔɔlɛilan a ɲɛ Mɛlɛka yeema loo tosaa a halaa ndaa. A va bɛɛ hɔ́aa ndaa lomɔɔ le halaa ndaa kan sálàlan solullo.

Tɔŋ lasálàá 18:21

A bɛnda ma soli hɔ́ɔ́ nɔmndo sálà o piɔmndo Molɛk lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.

2Masaa 17:17

Má loam poaa ndaa a cuavaa ndaa laandua o yin le nda sálàlan solio. Má luɛi dɛnnda mangalaalan a dɛnnda lekueilan tosaa, má vɔngulun o dɛnnda vɔw Mɛlɛka o hɔl-tan tosaa nin, má tɛɛmbuu ndu kɔllo.

Daniɛl 2:29

«Òó masaa! A va ihini o kpele nɔmndo coo, a va yiyanndo o ɲɛ yɔŋnunnin-ndo coo. O kon, mí Vana-Cɔɔmuu-Dɛnnda-Kɔndɔfiltan-ndo cɔm nɔm ɲɛ yɔŋnunnin-ndo.

Esekiɛl 38:10

Nuaa Maalii, o co Mɛlɛka-o dimi ni aa: «Paale len, yiyannda vɔɔnndan la luɛinin nɔm o kɔl, mà tuu le dɛnɛ vɔɔndo tosaa.

Esekiɛl 20:26

Mí nɔɔliaa nda a ɲɛm kean ndan, telen nda va poaa ndaa tasea a cɔlua piaandua tasea kpow keiyo o yinnden nin-ndo. Lende yáà yeema le nda mɔnɛi lueiyo ni, haliko mi yáà cɔm nda maa ya co Mɛlɛka ni.

2Dɛnnda lemasalan 28:3

Mó va sálàla cuɛima cun kɛndɛlan solio o Bóllo Hinnɔm nin. Mó loam poaa ndɔa, mó soli nda sálà maa mɛɛ dɛnnda nɔɔlɛila vanaa-mangalaa-isɔɔa Mɛlɛka tow Israɛlla laci-a la va yɛ.

Kundalan 22:41

Diimandɔɔ idiiyo, mí Balak hun Balaam kɔɔli, mó heelu ndu Bamɔt-Baal. A lo lon, má ca Israɛlla kundaa pilɛ.

Esekiɛl 16:36

Nuaa Maalii Hala dimi ni aa: «Le tùú n cii bolofaa nɔmndo laasia-o, le tùú n cɔm tum fondo nɔmndo o suunda nɔmndo nin nia sámáá nɔmnda a o laasian nɔmndo nin nia piɔmaa nɔmaa nɔɔlɛiya kpede-o, le tùú n yɔngu nda kooma cuavaa nɔmnda-o,

2Masaa 21:6

Mó soli vɛlɛ bɛɛ po ndɔɔ sálà, mó loam ndu o yin. Mó va yavalan vomɔɔ, mó handu vanaa soaa a vanvílɛ́iya-a a mandea súúlan kpow. Lende o va kɔlan a hiyanndo a dɛnnda nɛinun Mɛlɛka lan tosaa ni, mí Mɛlɛka tuulu kɔllo a ndu.