Yeremi 19:4 - BII BILA

⁴ Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Yeremi 19:4 Referans Kwoze

Yeremi 2:34

Kooma vanaa tɛɛmbuu isɔɔ le-a ma suinun o domala niaalan kpengon. Nduyɛ, o co o diola niaa bɛŋi le niaa bii nda le.

Esai 65:11

Kɛ niaa kɛɛ (ya) Mɛlɛka-a, niaa co pembii nii diandɛi pɔɛɛnɔnndo-a, niaa co (piɔmndo) Kad bàndóó tengullo-a, niaa co taala kólaa peiyo le piɔmndo Meni-a,

2Masaa 21:16

Handɔɔ o dɛnnda vɔɔnnda Manase luei Yudaa balan nin má tosa ɲɛ niŋ Mɛlɛka o hɔl too lan coo, mí Manase diw vanaa tɛɛmbuu isɔɔ le-a o kobio Yerusalɛm nin, háá mí kobio pia cá a koovan.

Tɔŋ miingua 28:20

Mɛlɛka tuisinin dangaa, kɔl yulan-yulanndo a dɛnɛ laasiɛiyo niaa coo o valta niaa vanin tosaa lan nin. La lonin lende háá mì la cuu vu, mì la keleŋa ɲum cɔ́-cɔ́, le faŋan niaa faŋannin ya o ibuŋ mì la luɛi dɛnnda kɔlvesɛilan tosaa-o.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

Yeremi 11:13

Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Esai 59:7

Peelun ndan co kiltan le dɛnɛ vɔɔndo tosaa, a co keleŋaa le kɔlan vanaa tɛɛmbuu isɔɔ le-a diwvo. Yiyannda ndalan kpow la sendu le. Dɛnɛ tambɛiyo a ɲɛm tambɛiyon co o nɛila ndalan coo.

2Masaa 24:4

a le kooma vanaa ndóò diw mí ndóò pei Yerusalɛm a man-ndan. Nduyɛ vanaa kan ndáà tɛɛmbuu isɔɔ le. Mɛlɛka cɛl le haki kon malɔɔ le few.

Dɛnnda cɔɔmuanndan 16:6

Kani vannda cuiŋi kooma vanaa diandaa a kooma vanaa-tɛɛngaa-diom Hala-a, mí nɔm ke nda koovan le kolɔɔ, ken bɛnda a nda ni.»

Luke 11:50

Kon tosannin haliko mi dɛnɛ piɔ́m vanaa-tɛɛngaa-diom Hala-a nda diw kabi o ceendo ho kandɔɔ-a kpow del vanndacieea vaalio ho o lebol.

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Yeremi 26:23

Má kɔ bii ndu Esipte lon, má kɔa a ndu o masaa lo. Mí Yehoyakim dii ndu, mó viaw dialun ndɔn o soon nda kumbu nin vanaa celen nin-ndo nin.

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.

Yeremi 16:11

O kon a mululnin nda aa: Sɔɛi fula Mɛlɛka o sondo-e co hee ni aa: ‹Kani fuɲaa niaa mamaa kɛɛ ya, má yiinun a halaa celen, má baŋ nda vulan o labɛngunin, má sooluu nda. Ya niko, má mal-la, a bii pɛɛkuula nilan te.

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

Tɔŋ miingua 28:36

Mɛlɛka yaanin niaa a masa niaa pila suilinin mò va niaa coo-o latulu o vanaa-mangalaa-isɔaa niaa pila a fuɲaa niaa mamaa sina kabi le-a lo. Lon niaa kɔ sooluunin halaa celen ni, halaa iyɔmnda a halaa lapowva.

Tɔŋ miingua 13:13

Te la tuei pɛ maa o kobila Mɛlɛka Hala niaa ke niaa le calle lan o pilɛ nin,

Tɔŋ miingua 13:6

Le vana-tɛɛngaa-diom Hala kon, te kon te vana sɔlaa malɔ kon, o bɛnda mò sɔla piɔ́mndo. Kani ndu va tosa ni mì vannda ndáà simul Mɛlɛka Hala niaa, ó soli niaa o lɛŋnde Esipte len nin mó faŋa niaa o cɛlen nin-ndo. Vana kon ndóò yeema mì ndóò faŋa niaa o nɛi Mɛlɛka Hala niaa dimul niaa le kɔlan coo-o coo. Nuaa niaa bɛnda ni mi la faŋa dɛnɛ vɔɔndo niaa tɛɛn.

2Masaa 23:10

Mí masaa Yosia tɛɛmbuu Tofɛt, fonda-loamaa-lasálà va o bóllo Bɛn-Hinnɔm nin-ndo, haliko vana-vana ndóò kɔa lɛ a hɔ́ɔ́ ndɔɔ lon le ndu sálàá solio o piɔmndo Molɛk le.

Yeremi 1:16

I kilulnin nda yamɛi le dɛnnda vɔɔnnda nda tosa lan kpow, kani a mal-la má loam ansan le halaa celennda, má baŋ vulan ɲɛm nda pila cɔw-von o labɛngunin.

Yeremi 7:6

te la saangiaa miallo le, mì la saangiaa vííyo a vanalanɔ pɔnɔ ndɔ vi-o le, te la dii vana tɛɛmbuu isɔɔ loo le, te la mulin halaa celen kɔɔli le niaa pila dɛnɛ palaa tuisinndo coo le,

Yeremi 17:20

Mà dimul nda aa: ‹Niaa masaa a Yudaa kpede, niaa vana-vana co Yerusalɛm mì la va keiyo o diola luɛyaalan-ndan, la yaŋ nilan o diom Mɛlɛka dimi-o.

Yeremi 22:3

Diom Mɛlɛka dimi-o co hoo ni aa: La tosa dɛnɛ sandaa mì la kela o toɲaa coo. La baŋa vana nda co saangiaa-o vana co ndu saangiaa-o o ba. La pala miallo le, la pala vííyo a vanalanɔ pɔnɔ ndɔ vi-o le, la del nda coo mì la tosal nda lakafa le. La pɛngi vanaa tɛɛmbuu isɔɔ le-a diwvo o fondaa ho.

Yeremi 44:3

Kon tosan le vanavɔɔnyɛi nda tosa ma tɛɛmbuu ya kɔllo-e. Bau a solul halaa celennda sálàlan, nduyɛ o co halaa nda sina le, fuɲaa ndaa mamaa bɛɛ a sina nda le.

Esekiɛl 7:22

I faŋalnin nda hɔlla telen vannda vanin bolofaa nuu nɔɔliaa-o, vanaa delaacooa luɛinin ndon mà nɔɔliaa ndu.

Esekiɛl 20:26

Mí nɔɔliaa nda a ɲɛm kean ndan, telen nda va poaa ndaa tasea a cɔlua piaandua tasea kpow keiyo o yinnden nin-ndo. Lende yáà yeema le nda mɔnɛi lueiyo ni, haliko mi yáà cɔm nda maa ya co Mɛlɛka ni.

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Masaa kialaa n'yamaa 5:8

Vannda ndáà cii nin halaa sɛnɛiya hɛli, le hee mí cɔwlan la kandun, kɛ hali bállo pilɛ bɛɛ, kɔ̀ɔ̀ cɔwvo o pilɛ bɛɛ ve le vanaa cɔwva vaalan belehiɔɔlu le.

Condii lisai 106:38

Má soli kooma vanaa tɛɛmbuu isɔɔ le-a sálà, koma poaa ndaa a ma cuavaa ndaa laandua pɛɛn, a nda solul piɔmaa va o lɛŋnde Kanaan-nden nin-nda sálàlan-nda. Mí lɛŋnde len le luɛi o màálan bɛngu a kooma ndan.

Esekiɛl 8:11

N'van belaŋɔmmɛw o vanaa kɔlkalua Israɛlla tɛɛn a va isisi piɔmaa kan o hɔl, Yaasania po Safan-ndo va isisi nda tɛɛn. Vana-vana óò nɔ bonyii fuusɛi o ba, kumii bɛndu-bɛndui ansan va ŋɔu o bonyun mun nin-nde va helɔɔ coocoo tukpe-tukpe.