Yeremi 19:2 - BII BILA

² Mà fula o dio Kpɛɛnɛn Piɔlɛiyo, mà kɔɛ o Bóllo Bɛn-Hinnɔm nin, mà yonda sɔɛi ya dimulnin nɔm-nde lon.

Yeremi 19:2 Referans Kwoze

Yosue 15:8

O kon, mí la can o Bóllo Bɛn-Hinnɔm, mí la kɔ del o pee tuusu pembei Yebus-o coo, Yerusalɛm pɛɛn. Mí la can ndon, mí la kɔ heelu o pembii co o bóllo Hinnɔm a ba paalen le can-ndo-e tullo, nɛɛ bóllo Refaim mɛɛlu a maluaŋ-nda.

2Masaa 23:10

Mí masaa Yosia tɛɛmbuu Tofɛt, fonda-loamaa-lasálà va o bóllo Bɛn-Hinnɔm nin-ndo, haliko vana-vana ndóò kɔa lɛ a hɔ́ɔ́ ndɔɔ lon le ndu sálàá solio o piɔmndo Molɛk le.

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

2Dɛnnda lemasalan 33:6

Mó soli poaa ndɔa sálà, mó loam nda o yin o bóllo Bɛn-Hinnɔm nin. Mó vow balan o yavalan vomɔɔ, mó va kɔlan vanaa suukan a vanvílɛ́iya-a a mandea luɛyɔɔ coo, mó vow balan o cɔw-lekueiyo nin. Lende o va hiovɔɔ laci a dɛnnda nɛinun Hala lan tosaa ni, mí Hala tuulu kɔllo a ndu.

2Dɛnnda lemasalan 28:3

Mó va sálàla cuɛima cun kɛndɛlan solio o Bóllo Hinnɔm nin. Mó loam poaa ndɔa, mó soli nda sálà maa mɛɛ dɛnnda nɔɔlɛila vanaa-mangalaa-isɔɔa Mɛlɛka tow Israɛlla laci-a la va yɛ.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Dɛnnda kiilaa 5:20

«La kɔ sim o Cɛi-Hala-o nin, mì la kɔ dimul vannda sɔɔn ke vana yoomu sɛnɛiyo-on kpow.»

Matie 10:27

O ya co niaa dimullo o ɲumndan nin-ndo, la dimi ndu ipala déŋ. O niaa co tueinɔnndo o lani ɲiimu-ɲiimu-o, la yonda ndu o cɛilan coo.

Yonas 3:2

«Cɔm mà kɔɛ o kobi bɛndoo Ninive nin, mà kɔ tɛɛngul nda yoongu ya sɔɔ nɔm o sondo-o.»

Yeremi 26:2

«Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.

Yeremi 11:6

Mí Mɛlɛka dimul-la vɛlɛ aa: «Yonda sɔɔn mun o kobila Yuda lan nin a o nɛilan Yerusalɛm coo aa: ‹La yaŋnun sɔɔn kpemaa ho, mì la kela lecoo.

Yeremi 7:2

«Sim o dio cɛi nuu sondoo, mà yonda sɔɛi he, mà dimi aa: «Niaa Yudaa kpow, niaa co keiyo o diolan ndan le luɛyɔɔ, le vulan baŋɔɔ Mɛlɛka o labɛngunin-nda, la yaŋ nilan o diom Mɛlɛka dimi-o.

Yeremi 3:12

Kɔ a ba luaŋ-ndo mà yonda sɔɔn mun aa: ‹Nɔm Israɛl lo o lediom coo loo muungu nanu! Ya Mɛlɛka co sɔɛi nuaa ni. I tofa lɛnin niaa tofa vɔɔn te, kani vana lo o lediom coo-o ya co ni. Ya Mɛlɛka co sɔɛi nuaa ni. I mandanin kɔl tambɛi nuu le lɔ́ɔ́-lɔ́ɔ̀ le.

Yeremi 1:7

Kɛ mí Mɛlɛka mulul-la aa: «Dimi le maa cuaambɔɔ n co ni. Kani a kɔanin o vanaa ya co nɔm vomɔɔ o nda lo-a lo, mà tɛɛngul nda ɲɛ-ɲɛ ya dimulnin nɔm.

Nehemi 3:29

Mí Sadɔk po Immɛr-o va baalaa tosaa nda laci o cɛi ndɔɔ hɔl-ndɔ. Semaya po Sekania-o va baalaa tosaa ndu laci a ba dio paalen le can-ndo. Semaya kon va kpalilnɔ cumulaa dio kon ni.

Yeremi 18:2

«Cɔn ma kɔɛ o vana cɔavaa n'kpɛnɔɔ lo, lon ya dimulnin nɔm sɔɛi ya nɔ le nɔm dimullo-e ni.»