Yeremi 19:13 - BII BILA

¹³ Cɛilan Yerusalɛm, a cɛila masaa Yuda la siŋnunnin ɲɛ nɔɔlɛiyo maa Tofɛt, cɛila kɛ́-kɛ̀ nda va lan sálàlan lomɔɔ o yindɔla ndalan coo le loeon, ma va halaa celennda ansan a sálàla mamɔilan solullo lan pɛɛn.»

Yeremi 19:13 Referans Kwoze

Yeremi 32:29

Babilɔŋaa delnin kobio ho coo a cɔwvo-a malnin ndu yin, mà lom cɛila ndáà lum Baal ansan o yindɔla ndalan coo lan, cɛila ndáà solul ndu sálàla mamɔilan lenin le ya kɔllo tɛɛmbuuo lan pɛɛn.

2Masaa 23:12

Mó pesipesi fondala-loamaa-lasálàla va o cɛi coocoo Ahas-o coo lan, la masaa Yuda ndáà tangul tan pɛɛn, mó pesipesi vɛlɛ fondala-loamaa-lasálàla Manase ndóò tangul o bɛ́ɛ̀la tiɔnnda Cɛi-Mɛlɛka-o nin-ndan. Ndóò ciiyo lan pesipesio, mó kɔandu cundu kon, mó kɔ viaw ndu o bóllo Sedrɔn nin.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Yeremi 7:18

Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Yeremi 44:18

Kɛ kabi naa n mɛɛlu ndu sálàla cuɛima cun kɛndɛlan a lamamɔilan solul, mí pɛŋnden, cɔwlan a yima fofolan má toal naa coo.

Condii lisai 79:1

Condii Asaf-e. Éé Hala, vanaa-mangalaa-isɔɔa del kɛ́ nɔmndo coo fɔ́! A cii Cɛi nɔm diandaa nɔɔliaa, a cii Yerusalɛm siinguu powta bémbélan.

Condii lisai 74:7

A mal Cɛi nɔm diandaa yin, à komba calta nɔmndan lɛŋ, má nɔɔliaa nɛɛ diola nɔmndan la co kan piɔlnɔnndo-a.

2Masaa 23:10

Mí masaa Yosia tɛɛmbuu Tofɛt, fonda-loamaa-lasálà va o bóllo Bɛn-Hinnɔm nin-ndo, haliko vana-vana ndóò kɔa lɛ a hɔ́ɔ́ ndɔɔ lon le ndu sálàá solio o piɔmndo Molɛk le.

Dɛnnda kiilaa 7:42

Kɛ mí Hala mulul nda kɔɔ, mó mal nda ɲɛm co o halataala-on sooloo. Maa mɛɛ o co o sɛvaa o sɛbɛla vanaa-tɛɛngaa-diom Hala-a nin yɛ aa: ‹Niaa cuavaa Israɛlla sei, mò va maa sálàla n'cɔlulan a sálàla kpeyanndan niaa va ya solullo o vɔsila belehiɔɔlula niaa cii nɛi-tɛɛn o lɛŋnde veselɛilen nin-ndan bɛngu ni?

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

2Masaa 23:14

Mó pesipesi powta sálàla vannda ndáà toli lan, mó kilikili yɔmii soolɛi, mó tiw paala vanndacieea o fonda ɲɛla lan la va coo-o kpow.

Dɛnnda kiilaa 10:9

Diimandɔɔ, mɛɛ vanaa nda vem kan-nda tiiyaa Yopé ciee-lekɔɔ, mí Piɛr hel o sɛmtɛ a telen paalen le va nin le tiiyaa o pol-lo le Hala piɛiyo.

2Masaa 17:16

Má mulul silala Mɛlɛka Hala ndaa kɔɔ, má cɔaw navaa téndéa a ciliŋun teengian, má cɔaw yɔm soolaa. Má baŋ vulan ɲɛm pangelen co o halataala-on o labɛngunin, má sooluu vɛlɛ Baal.

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

Yeremi 19:12

Mɛɛ ya tosa a Tofɛt nuaa yɛ ya solinin mɔnɛ a kobio ho a á vanaa co lenin-nda ni. O Mɛlɛka dimi-o co kon ni.

Esai 22:1

Sɔɛi dimin o ból vana ca siɔdii lacio nin-ndo coo-e co hee ni: «Yɛɛ nɛ yɔŋnun yɛ nɔm mi vanaa nɔmnda kpow va helɔɔ o yindɔla cɛilan coo?