Yeremi 19:11 - BII BILA

¹¹ «Diom Mɛlɛka-Nɔ-Kpaayaa-Kpow-vo dimi-o co hoo ni aa: ‹Mɛɛ ya pɛl kpɛɛnɛi he nuaa yɛ ya pialnin vannda o kobio ho nin ni, i nɔla lɛ toosian te.› A kumbunin vanvílɛ́iya Tofɛt lon, kani fonda celen venin te.

Yeremi 19:11 Referans Kwoze

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Esai 30:14

O komba pɛ o piɔsi mɛɛ kpɛɛnɛi vana cɔavaa n'kpɛɛnɔɔ piɔsi nuaa yɛ. Ì piɔl pɛ, ì cuinun yukulu, hali tɛndu pɔmbɔɔ le yinnden cuaa lenin o yinndaceele, o sɔ́lan te, o co vɔ bɛɛ le tɛndoo sɔlaa le mɛnndan kɔndɔɔ o kpɛɛnɛi bɛndu-bɛndui mamɛnnde nin te.

Cɛɛŋɔnnda Yeremi lan 4:2

Cuawva Siɔn a vannun a sɔvɛ maa sianin diandaa, kɛ a muungunin maa kpɛɛnɛi puulu, i vana cɔavaa n'kpɛɛnɔɔ cɔw a laba-e pɛɛn!

Yeremi 13:14

Mì tosa mì nda pila kuindian, kala-ncuawva nda cuavaa ndaa. Sɔɛi fula ya Mɛlɛka o sondo-e co ken ni. I hɛlinin vana-vana le. Ɲíí kɛ́-kɛ̀ biinin ya, mì i kuuna ya nda cii tɛɛmbuu le.›»

Yeremi 19:6

Lelan, mí Mɛlɛka dimi aa: «Paale co hunɔɔ, fondaa ho veelun ndɛnin aa: «Tofɛt», te kon te «Bóllo Bɛn-Hinnɔm» te, kɛ o veelunnin aa: «Ból diuvaa n'vanndo».

Dɛnnda kiilaa 21:11

Mó hun nɛɛ naa n va-a, mó cua yaule Pol-ten, mó yiwnun balan a pelon, mó dimi aa: «Hala Kɔl-Diandaa dimi maa nuaa Yuifia co vana nɔ yáwlen-nden ndo yii Yerusalɛm ni. O kon kɔɔli, a malnin ndu vanaa sina Hala le-a o ba.»

Talelan 6:15

Lelan dɛnɛ palaa co ndu tolɔɔ coo cɔ́-cɔ́ ni. O yomiyominin, o sɔlanin cɛw le.

Yeremi 19:12

Mɛɛ ya tosa a Tofɛt nuaa yɛ ya solinin mɔnɛ a kobio ho a á vanaa co lenin-nda ni. O Mɛlɛka dimi-o co kon ni.

Yeremi 48:38

O cɛilan kpede sɛmtɛ o lɛŋnde Moab len nin a o bɛ́ɛ̀lan kpow, condun biision daama vana tuɛi ni. Kani i cii Moab piɔlɔɔ maa kpɛɛnɛi vana nɔ lɛ mako lei.» Sɔɛi fula ya Mɛlɛka o sondo-e co ken ni.

Yeremi 51:63

O kon, telen n ciinin sɛbɛ kalaa dimi-o, a baa ndu o powvo, a viow ndu Efrate o peelo.

Yeremi 25:34

La koŋul, niaa simlacia, la mɛli yeelan! La pimbul lɛŋ, niaa vanaa mandaa n'cɔlua. Kani telen nda co niaa bololan kili, mì la saŋnun-ndo tiiya hoo ni. La delnin mì la cuinun maa hɛngɛi báà kala.