Yeremi 19:1 - BII BILA

¹ Mí Mɛlɛka dimul ya Yeremi aa: «Kɔ piondu kpɛɛnɛi puluei vana cɔavaa n'kpɛɛnɔɔ o ba. Mà hɛli kaasoŋaa kɔlkalua vannda tɛɛn, mà hɛli nda vɛlɛ vanaa-solia-lasálàá tɛɛn.

Yeremi 19:1 Referans Kwoze

Cɛɛŋɔnnda Yeremi lan 4:2

Cuawva Siɔn a vannun a sɔvɛ maa sianin diandaa, kɛ a muungunin maa kpɛɛnɛi puulu, i vana cɔavaa n'kpɛɛnɔɔ cɔw a laba-e pɛɛn!

Esai 30:14

O komba pɛ o piɔsi mɛɛ kpɛɛnɛi vana cɔavaa n'kpɛɛnɔɔ piɔsi nuaa yɛ. Ì piɔl pɛ, ì cuinun yukulu, hali tɛndu pɔmbɔɔ le yinnden cuaa lenin o yinndaceele, o sɔ́lan te, o co vɔ bɛɛ le tɛndoo sɔlaa le mɛnndan kɔndɔɔ o kpɛɛnɛi bɛndu-bɛndui mamɛnnde nin te.

Kundalan 11:16

Mí Mɛlɛka mulul Moise aa: «Cuungial-la n'van belaŋɔmmɛw o kaasoŋaa kɔlkalua Israɛlla tɛɛn, a n sina maa vanaa kɔlkalua a simlacia nda co ni-a, ma hin a nda o cɛi-kola-toandaa-labɔɔŋianndo sondoo, mì la sim lon niaa ndaa.

2Korɛntea 4:7

Kɛ naa nɔ ɲɛ-sɔlaa kɔl kon-nda co macoaa maa kpɛɛnɛn puulu. Haliko mi vana sínà maa Hala o ba kpaaya bɛndu kon fula ni, o co naa o ba le.

2Masaa 19:2

Mó viam Eliakim, simlacinɔ cɛi lemasaa, Sɛbna vana sɛvaa a kaasoŋaa kɔlkalua o vanaa-solia-lasálàá tɛɛn o Esai vana-tɛɛngaa-diom Hala-o lo, po Amɔt-o pɛɛn. Vanaa kan bɛɛ volɔɔla biisilan la va nda lekɔɔ.

Matie 27:1

Ɲɔɔ tengaa, mí bolii vanaa-solia-lasálàá a simlacia lelɛŋnda yii diomnden le Yeesu diyɔɔ.

Matie 26:3

O kon, mí bolii vanaa-solia-lasálàá a simlacia lelɛŋnda cuungian o Kaif lo bɛ́ɛ̀, o va bolle vanaa-solia-lasálàá-o.

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

Yeremi 32:14

«Diom Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: ‹Cua Sɛbɛla leseilan ndan, sɛbɛ pondalen le co coo-o a o co o kumbia-o, mà vow lan o kpɛɛnɛi puuluei nin, haliko mi la viow lamandaa le lɔ́ɔ́ levil.

Yeremi 26:17

Mí kaasonda pum a can, má dimul vannda kpow aa:

Dɛnnda kiilaa 21:11

Mó hun nɛɛ naa n va-a, mó cua yaule Pol-ten, mó yiwnun balan a pelon, mó dimi aa: «Hala Kɔl-Diandaa dimi maa nuaa Yuifia co vana nɔ yáwlen-nden ndo yii Yerusalɛm ni. O kon kɔɔli, a malnin ndu vanaa sina Hala le-a o ba.»

Esekiɛl 4:1

Nɔm Po vanacieo yɛ, cua kpilikiei, mà simi ndi nɔm o hɔl, mà tuula kobio lecoo, kobio Yerusalɛm pɛɛn.

Yeremi 13:1

Mí Mɛlɛka dimul-la nuaa aa: «Kɔ mà pendu yáwle kola keese len, mà yiinun nden o can, kɛ pɔɔla len o mɛnndan nin te.»

Esekiɛl 5:1

Nɔm Po vanacieo yɛ, cua mɔɛi cɔvii luɛyaa tɛmtɛmnde, ma sendin bollen a siaiye. A cii pɛ sendi, a cua ɲɛ tuvaa, a tuu yiinde a siayii n sendinin ken nde, a piɔw ndi kundalan.