Yeremi 18:9 - BII BILA

⁹ Lɔ́ɔ́ lepum, mì soo a lɛŋnden te kon te, a masalen lepum o kɔɔ, mì dimi le len mingio tangullo a le len mingio tɔlɔɔ.

Yeremi 18:9 Referans Kwoze

Yeremi 31:28

Háá hau, simullo tuŋ ya co nda ni, mí sungu nda, mí komba, mí kala nda, mí tɛɛmbuu, dɛnɛ palaa tuŋ ya va nda tuisio coo ni. Kɛ kɔɔlimandɔ nin, i co nda hɔlla mulul, i minginin nda cɔvɔɔ a nda mingio tɔlɔɔ.» Sɔɛi fula Mɛlɛka o sondo-e co ken ni.

Yeremi 11:17

Mɛlɛka-Nɔ-Kpaayaa-Kpow-vo ndóò tɔl ndu ni. Ndu kon co tosaa ni mì dɛnɛ palaa va nɔm tolɔɔ coo, le dɛnɛ vɔɔn Israɛlla a Yudaa tosa-o, a cii ya tiŋɔɔ o Baal sálàlan solullo.»

Yeremi 1:10

I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

Vana Kɔlkaloo 3:2

Telenndo co le violɔnndo, telenndo co le vuo. Telenndo co le tɔlɔɔ, telenndo co le ɲɛ tɔlnun-ndo sungɔɔ.

Yeremi 32:41

Ɲɔɔ hɛnannin ya le nda dɛnɛ kɛndɔɔ tosallo, o kon i tɔalnin nda tɔlɔɔ kpeekpeiyo o lɛŋnden nden nin a kɔl nuu kpow, a yiyan nuu kpow.

Yeremi 31:38

Sɔɛi fula Mɛlɛka o sondo-e co hee ni aa: «Ɲɔɔ bendu lɛ le, mì kobio mingi tangulɔn cɔnɔnndo o cɛi coocoo Hananeɛl-lo, kɔ bii o dio sɔngio.

Yeremi 31:4

I minginin nɔm tangul, nɔm cuanndo Israɛl, a muungunin ma cua dundula nɔmndan, mì la sim niaa vanaa kponyoa latulu.

Yeremi 30:18

O Mɛlɛka dimi-o co hoo ni aa: «I co niaa mingi o fonda niaa paandoo, niaa yungu Yakɔb-o, ɲííye vanin ya a calta ndalan, kobi kɛ́-kɛ̀ minginin tangulɔn o foofola ndɔlan coo, cɛila sɔvɛ-sɔvɛlan la muungunin o fondala ndalan.