Yeremi 18:8 - BII BILA

⁸ Kɛ te lɛŋnde ya dimi len sɔɛi ndɔɛi len le mal pɛ dɛnɛ vɔɔn vem ya len kɔngɔlanndo-o, i mal sɔɛi yáà kɔngɔlan le len tosallo-e.

Yeremi 18:8 Referans Kwoze

Esekiɛl 18:21

Te vana kɔlvesɛiyo mulul pɛ hakila o va tosaa lan kpede kɔɔ, mò mal tan. Te o bii pɛ silala nilan kpow, mò tosa sakpoyɛi a dɛnɛ sandaa, lekɛ́ndɛi o vanin yoomu, o vinin te.

Yeremi 26:13

La bɛɛndiaa niko kela niaa a dɛnnda niaalan, mì la yaŋ Mɛlɛka Hala niaa nilan. O kon o tuisi lɛnin dɛnɛ palaa o tuu le niaa tuisio coo-o le.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Yeremi 26:3

Bɔɔle mà tuei nɔm diom, mì vana-vana mal kela ndɔ vɔɔndo. O kon, ya bɛɛ i malnin dɛnnda palaala yáà tuu le nda tuisio coo le kela nda vɔɔndo lan.

Masaa kialaa n'yamaa 2:18

Masa kialaa n'yama oo masa kialaa n'yama Mɛlɛka ndóò simi pɛ nda laci, háá mí masa kialaa n'yama kon ndóò vi, Mɛlɛka va ndu ikɛi le nda baŋaa yaamɔaa ndaa o ba. Kani ɲííye va Mɛlɛka a nda le koŋul nda va o bɛpɛla yaamɔaa ndaa va nda tuisio coo-o bɛngu-o.

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

Condii lisai 135:14

Kani Mɛlɛka kialunin vanaa ndɔa iyama, o tuinunnin vanaa ndɔa baalaa iɲíí.

Condii lisai 90:13

Éé Mɛlɛka! Háá telen kuɛɛ n lo yɛnin kɔl tambɛiyo ho? Tuinun naa vanaa nɔmaa baalaa iɲíí.

2Dɛnnda lemasalan 12:6

Le hee, mí masaa a simlacia Israɛl a sina pɔwla ndalan, má dimi aa: «Mɛlɛka nɔ dí.»

Tɔŋ miingua 32:36

Kani Mɛlɛka kialunin yamɛi vanaa ndɔa. O tuinunnin vanaa baalaa ndɔa iɲíí lɔ́ɔ́ o canin maa yoomuma ndan maa cuu-o, telen o canin maa cɛ co lɛ le, hɔ́ɔ́ co lɛ loo.

Fulaa 32:12

Taa tɛɛmbuu nda pɛ, Esiptea co dimi aa ‹A yiyan vɔɔndo Hala ndaa soli nda Esipte ni, le nda kɔlan diwvo o lɛŋnde n'pembulen nin mì diola ndalan la faŋan o ceendo coo.› Lelan, ɲulul kɔl ma mal kpundɛ n tuu le vanaa nɔmnda tuisio coo-o.

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

Esekiɛl 33:13

Hali o va bɛɛ mì dimul vana sandaa maa o co va yoomu, te vana sandaa kon tiindan pɛ sandii ndɔɛi ken, mò luɛi dɛnɛ sandaa lepɛŋndo tosaa, vana loonun ndɛnin a dɛnnda ndɔla sandaa lan te few, o vunin le dɛnɛ sandaa lepɛŋ o tosanin-ndo.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Yeremi 42:10

Te la cɛl pɛ le lou o lɛŋnden nden nin, i tɛɛmbuu lɛnin niaa le, i tɔalnin niaa, i sungu lɛnin niaa le, kani mɔnɛi bii ya le dɛnɛ palaa ya tuisi niaa coo-o.

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Yeremi 26:19

Vɛ̀ɛ̀ diyɔɔ masaa Esekia a vannda Yuda a dii Misee le sɔɛi ken ni? A dii ndu le, kɛ má ke Mɛlɛka bɛɛlen taw, má kindin le ndu hɛnanndo. O kon mí Mɛlɛka mangala yiyan va ndu-o, o tuisi lɛ nda dɛnɛ palaa ndóò kɔngɔlan le nda tuisio coo-o coo le. Kɛ te naa naa n dii pɛ langbanɔɔ ho, mɛɛ n co dɛnɛ palaa bɛndoo tuisin coo.»

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

Esekiɛl 33:14

Te i dimul pɛ vana kɔlvesɛiyo maa o co vu, te vana kɔlvesɛi kon mal pɛ haki o va coo-o, mò kela kela sandaa o sakpoyɛi nin, mɛɛ o baŋa yoomu ndɔɔ.

Fulaa 32:14

O kon, mí Mɛlɛka ɲulul kɔl a yungu ndɔɔ, mó mal yiyan va ndu le nda kpundɔɔ tuisio coo-o.

Esekiɛl 33:12

Nɔm Po vanacieo sei, dimul vanaa niaa co súú pilɔɔ-a aa: «Dɛnɛ sandaa vana sandaa tosa paandu-o nɔlanin ndu baŋaa paale o tosanin dɛnɛ vɔɔndo len te. Vana kɔlvesɛiyo bɛɛ mal pɛ kɔlvesɛi ndɔɔ, kɔlvesɛi kon nɔla mò del ndu coo paale o co mangalan-nden te. Te vana sandaa mal pɛ dɛnɛ sandaa mò luɛi hakilan tosaa, dɛnɛ sandaa o tosa paandu-o nɔla mò ciindiaa ndu le.

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.