Yeremi 18:22 - BII BILA

²² Màá yeelan la va sɔɛi o la nda lo cɛilan nin, telen n solulnin nda vanaa del vannda coo, mà del nda coo-o! Kani a co bɛɛndianndo le ya biyɔɔ, a cii yaŋɔɔlen handɔɔ ya laci.

Yeremi 18:22 Referans Kwoze

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Condii lisai 140:5

Mɛlɛka, mal-la vanaa yɔŋ vɔɔnda o ba le, kanda ya le vanaa kɔlvesɛiya, a co kan yiyanndo le ya malɔɔ daama-a pɛɛn.

Sofoni 1:16

Paale bulu hɔŋaa a lee saa kóndóó soaanin-nden, paale len, vana tuɛinin vóólun-vóólunn cɔwvo le kobila mayoomulan a cɛila coocoolan biyɔɔ.

Matie 22:15

Mí Faliisia kɔ yii dúmbóó le nɛilan nuwviaa le Yeesu biyɔɔ o sɔɛi ndɔɛi sondoei nin.

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Esai 10:30

Niaa vanaa co icali Kalim-nda, la koŋul coocoo kpélén! Niaa co Lais-a, la yaŋ nilan! Niaa vannda Anatɔt taanin!

Condii lisai 38:12

Caaŋaa nia a vanaa naa n dema kelaa-a co ya kpeeŋianndo le pavii nii, vanayan nun co lɛ ya sɔɔnguu ikɛi le.

Condii lisai 119:85

Vanaa yongaa co soonndan tovɔɔ le ya, nduyɛ, o co lende le tɔŋ nɔmndo co le.

Yeremi 5:26

Kani vanaa kɔlvesɛiya co vanaa nia tɛɛn, vana ca ko nda a tundan aa vana biyaa n'yowvo co mɛngɛlaa ni. A co yaŋɔɔlan handɔɔ le vanndacieea biyɔɔ.

Yeremi 20:16

Màá vana kon siŋnun maa kobila Mɛlɛka tɛɛmbuu ɲíí bii ndu le lan! Màá o tuei caŋnda imɔnɔlan idiiyo, mò tuei yondala cɔwlan a paalen o pol!

Condii lisai 140:6

Vanaa yongaa cii yaŋɔɔlan handɔɔ ya laci, a yaŋ ya a yoei mà yaŋ ya a yalalan, A yaŋ yaŋɔɔlan o nɛiyo coo.

Condii lisai 142:4

Te sangaa komal-la pɛ, nɔm Mɛlɛka sina nɛila ya kela coo lan. Vannda cii ya yaŋɔɔ o nɛila ya co kelaa lan coo.