Yeremi 18:19 - BII BILA

¹⁹ Yaŋ ya nilan fɔ Mɛlɛka, mà tuei vanaa nɔ nɛyɔn nuu-a diom.

Yeremi 18:19 Referans Kwoze

Nehemi 6:9

Vanaa kan kpow ndáà yeema le naa siòònde lueiyo, mì va dimio aa: ‹Bala ndalan la co sanga a baala kalaa, o kon o tosan ndɛnin te.› Lelan, yandi Hala nuu! Luei ya niko yoomuan.

Misee 7:8

Nɔm yaamɔɔ nuu sei, dɔawnun ɲaale a dɛnɛ nuu o kɔɔ le! Kani i del bɛɛ, i co cɔnɔn, i va bɛɛ icali o ɲumndan nin, Mɛlɛka co ɲɛ-tengaa nuu ni.

Yeremi 20:12

Nɔm Mɛlɛka-Nɔ-Kpaayaa-Kpow-vo, a sinà vana sandu a nɔm-ndo. A sinà yeemɛi nɛi a yiyannda naalan. Nɔm ya dimul le ya kandaa ni, i canin mɛɛ n solinin ya mɔnɛi yɛ.

Condii lisai 109:28

Nda tiw ba mà dɔw dangalan, kɛ nɔm a dɔawnin duaa. Taa cɛn pɛ le cɔwvo, siɛmbulan la biinin nda. Kɛ ya vana baala nɔmndo yɛ, i dɔawnunnin ɲaale.

Condii lisai 109:4

Ya i co nda kaolaa mì nda nda va ya sɔɔn hɛɛnduuo coo. Kɛ nduyɛ, ya, piɛilen tuŋ ya co ni.

2Masaa 19:16

Mɛlɛka, yaŋ ya nilan ma tuei ya diom. Kumbi hɔltan ma ce. Kámáá a tuei sɔɔn Sennakerib-on, ó vem vana ndɔ baalaa le nɔm Hala yoomaa yeowlan-ndo?

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

Cɛɛŋɔnnda Yeremi lan 3:59

Mɛlɛka, má lɔaanun ibuŋ le ya. Lelan ke ya dí co le ya-o.