Yeremi 18:18 - BII BILA

¹⁸ O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Yeremi 18:18 Referans Kwoze

Condii lisai 52:2

Telen Doɛk Edɔmnɔ kɔɛ o Saul-lo, mó dimul ndu aa: «David kɔɛ o Ahimelɛk lo-o» ndu David soli condei he ni aa:

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Yeremi 11:19

Ya i va mavaa nda o ba maa saa téndé co kɔlan a ba ndɔ le ndu kɔlan diyɔɔ-o, i ve yiyannda vɔɔnnda ndáà nɔ o kɔl a ya lan sina le, a va dimio aa: «N kioŋnun yɔmndo telen o co o lende-o. N sungun ndu mò fula vanaa yoomaa tɛɛn, vannda yiyan ndɛ a diola ndɔlan o kɔɔ le.»

Yeremi 18:11

Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

Condii lisai 21:11

A tɛɛmbuunin cuavaa ndaa o lɛŋnden coo, mà tɛɛmbuu yɛyii ndɛi o vanndacieea tɛɛn.

Yeremi 43:2

mí Asaria po Hosaya-o, Yohanan po Karea-o, a vanaa sondola kalaa va kan lon-nda kpow a cua sɔɛi, má dimul Yeremi aa: «Ɲɛ-ɲɛ n co hoo dimio, còòlan fúú! Mɛlɛka Hala naa dimul nɔm le naa kuuna lakɔ caltan Esipte le.»

Talelan 18:21

Sɔɔn sondon nɔla mì n ciindiaa vana, te kon te mì n dii vana. Lelan vana yeema pɛ sɔɛi, fɔ mò cɛl kɔmnde sɔɛi ken.

Condii lisai 64:3

Vion ya mì faŋan vanaa yɔŋ vɔɔnda ha ikɛi, a vɔkɔ-vɔkɔ vanaa co haa dɛnnda vɔɔnndan tosaa-a-o.

Condii lisai 57:4

O lonin o halataala, mó mala ya, mó lɔɔ vanaa co ya yɛlen tollo-a. Hala tuisilnin ya kaola ndɔɔ a sakpoyɛi ndɔɛi.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Esai 32:7

Vana huiya n'vanndo ndu, dɛnnda ndɔlan yɔŋ vɔɔndo tuŋ. Tuula vɔɔnndan kínɛí o tuu o kɔl ndɔɔ nin ni, le vanaa ikɔɔa mɔnɛi lueiyo a sɔɔn lacòòvan, hali vana bala fondo kon nɔ bɛɛ dio o sɔɛi ken nin.

SƐBƐ YƆB-O 5:13

Ndu bii vanaa kɔlkalua o yaŋɔɔle kɔlkalu ndaa ni, mì silala ndala tuundɛilan la siŋnun fúú.

1Masaa 22:24

Fɔ́ɔ́fɔ̀, mí Sedekia po Kenaana-o sɔɔnguu, mó lɔaa Misee kpaŋnde, mó ɲuna aa: «Vɛ̀ɛ̀ kɔl Mɛlɛka-o looku yɛ fulaa ya nin le kɔlan nɔm sɔɔn mun dimullo?»

2Samiɛl 17:14

Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

2Samiɛl 15:31

Mí vannda dimul David aa: «Ahitofɛl co vana pilɛ o vanaa yii dúmbóó nda Absalɔm-aa latulu-a tɛɛn.» O kon mí David piɛi aa: «Éé Mɛlɛka! Tɛɛmbuu silala Ahitofɛl-tan yandi.»

Tɔŋ lasálàá 10:11

haliko mi la caa vɛlɛ Israɛlla tɔŋnda ya yɔngu nda a sondo Moise-o kpow lan pɛɛku ɲɛkɛndɛi.»

Nsaŋ 9:40

Faliisia va ndu ikɛi-ya pum tueyɔɔ sɔɔn mun, má ɲuna ndu aa: «Mò va maa naa bɛɛ vanaa sumɛiya naa n co ni?»

Yeremi 26:11

Mí vanaa-solia-lasálàá a vanaa-tɛɛngaa-diom Hala-a dimul simlacia a vanaa va lon-nda kpede aa: «Langbanɔɔ ho bɛnda mò sɔla piɔ́mndo le sááléla o dimi a Yerusalɛm-ndan. Niaa pila tuei ndu diom kpedekele.»

Luke 11:45

O kon mí vana pɛɛkaa latɔŋndo pum dimul Yeesu aa: «Vana bɛndoo, naa bɛɛ yeowlan n co naa nuaa o sɔɛi he nin ni!»

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Yeremi 8:8

Le yɛɛ niaa co yɛ dimio aa: «Vanaa kɔlkalua naa n co ni, tɔŋ Mɛlɛka-o co naa o ba»? A toɲa, o kafalan coo daama vanaa sɛvaa latɔŋnda co ndu sɛvaa a kpɛkile lacòò len ni.

Yeremi 18:19

Yaŋ ya nilan fɔ Mɛlɛka, mà tuei vanaa nɔ nɛyɔn nuu-a diom.

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Yeremi 37:13

Kɛ telen o tiiya o dio Bɛnyamɛn-ndo-o, mó komal bolle kpalilla diolan Yiria, po Selemia-o, po imama Hanania-o. Mí ndu Yiria bii Yeremi vana-tɛɛngaa-diom Hala-o, mó dimul ndu aa: «O Babilɔn-nda lo n co hiovɔɔ nuaa ni.»

Esekiɛl 7:26

Dɛnɛ palaa tuŋ vanin handɔnndo o dɛnɛ palaa coo ni, yoongula vɔɔnndan tuŋ la vanin hiyahiyanndo ni. A ɲunanin vana-tɛɛngaa-diom Hala-o le nda vundulen cɔmndo, kɛ tɔŋndo vanin vana-solia-lasálàá pɛŋnden, silaa hialunnin vanaa kɔlkalua.

2Dɛnnda lemasalan 24:21

O kon mí vannda yii Sakari dúmbú, mí masaa dimul nda le ndu viiyo a powtan o bɛ́ɛ̀ Cɛi-Hala-o nin.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

Yeremi 44:16

«Dimi pɛɛ aa o diola Mɛlɛka lan n co sɔɛi o naa lo ni, n yeŋnin nɔm lani le.

Cɛɛŋɔnnda Yeremi lan 3:62

Paalen a ɲumndan, yaamɔaa nia co tuula vɔɔnndan a ya, a co sɔɔn vɔɔnndon dimio a ya o sondo.

Misee 3:6

Lelan, ɲumndan ma co niaa tul, niaa vanaa-tɛɛngaa-diom Hala-a. Vana ci lɛnin levundu le. Ɲumma bɛnduan ma co tolɔɔ niaa coo, vana tɛɛnguu lɛnin sɔɔn co hunɔɔ yɔŋnɔn-ndon te. Ɲɔɔ co yɔŋnɔn maa paale delaa, mì ɲumndan ma tol niaa coo kpingbi.

Misee 3:7

Vanaa dimi sɔɔn vaa siɔdii-a kpow a viannin hɔlla, mì siɛmbulan la bii vanaa viamaa yavaa. Kani Hala mulul lɛnin nda le.