Yeremi 18:16 - BII BILA

¹⁶ A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Yeremi 18:16 Referans Kwoze

Condii lisai 22:7

Ya yɛ, maa dɛlu ya coni, i co maa vanaciee le. Vannda co ya bɛɛlan tɛɛmbuuo a co ya pɛɛsaa.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 19:8

I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Matie 27:39

Mí vanaa va hiovɔɔ-a va bolle hiiloo, má yeow ndu.

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Yeremi 50:13

Kɔltuw Mɛlɛka-o yɔŋ ni mí vannda piaw lon, mó siŋnun pɔmndo. Vanaa vanin keiyo Babilɔn-nda dɔawnunnin kɔndɔfili le ndu cɔu o tambɛiyo.

Yeremi 49:13

I mɛnan a ya pila, Bɔsra siŋnunnin fonda dɛnɛ palaa, mò muungu bémbélan kposon. Ndu vannda vanin tɔɔmaseloo cuaa le dangaa dɔvɔɔ, te kon te le vannda siɛmbulan tuisio ni. Kobila balu ndu lan la siŋnunnin bémbélan le fɛɛn a fɛɛn.» Sɔɛi Mɛlɛka dimi-e co ken ni.

1Masaa 9:8

Kɔndɔfili bɛndoo biinin vanaa vanin keiyo o Cɛi bɛndu sɔvɛɔ ho ikɛi-ya kpow, mà dimi aa: ‹Ko le yɛɛ kpeekpei Mɛlɛka soli yɛ mɔnɛ vaa nuaa a vannda ha a á Cɛiyo ho?›

Marke 15:29

Mí vanaa va hiovɔɔ-a va ndu yeowlan a bolle hiiloo, má va dimio aa: «Nɔm dimi ni aa a co Cɛi-Hala-o tɛɛmbuu, mà mingi ndu tangul o palɛi ndii yáá bɛngu,

Esai 37:22

Tuei-yɔ diomnda Mɛlɛka dimul ndu lan: «Kobio Siɔn co nɔm tɛɛndanndo mo va nɔm mamɔɔ. Vannda Yerusalɛm a co nɔm mamɔɔ a bollen hiiloo!

Esekiɛl 12:19

O kon kɔɔli, a dimul vanaa co o lɛŋnden nin-nda aa: ‹Nuaa Maalii Hala dimul vanaa co icali Yerusalɛm o lɛŋnde Israɛl-ten nin-nda ni aa a dianin ɲɛdiaa ndaa o sangaa nin, mà kol mɛmma ndan a mɔnɛi. Kani lɛŋnde ndalen le luɛinin o mɔnɛi nin, ɲɛ-ɲɛ co lenin puununnin nda o ba, kon tosannin le yɔŋ vɔɔn vanaa co icali lenin nda kpow co tosaa-o.

Esekiɛl 6:14

I siɛndinin ba nuu nda coo mì tɛɛmbuu lɛŋnde ndalen, mì dɔw len yɛɛvɛ hiovɔɔ maa lɛŋnde veselɛilen Dibla. Nɛɛ-nɛɛ nda co icali, lende ya siɔŋinin lɛŋnden ni, o kon a sinanin maa ya co Mɛlɛka ni.»

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Condii lisai 44:14

A mal naa vanaa naa n cɛɛlan-nda o sondo má va naa bɛɛlan tɛɛmbuuo, vanaa balu naa-a co naa tɛɛndanndo ma va naa mamɔɔ.

Tɔŋ miingua 29:23

vanaa kan ɲunannin aa: ‹Le kɔlɔ yɛɛ nɛ Mɛlɛka tuisi yɛ sangalan ndan vannda ha coo? Yɛɛ nɛ yɔŋ yɛ mó tuulu kɔl a nda nuaa taw-taw?›

Tɔŋ miingua 28:59

mɛɛ Mɛlɛka tuisinin niaa a cuavaa niaa imamaa dɛnnda palaala kaamaalan coo. O solinin niaa pavii koloŋii yala siongɔɔ lei a nààla vɔɔnnda cɛ̀wnun te lan.

Tɔŋ lasálàá 26:43

Tuma nda vanin nɛɛ celen-ndo, lɛŋnde ndalen le vanin lemalnannden, o kon yondolan la sɔlanin pɛngio. Tuma kon, nda pila co va sangaa sɔlaa le tùú nda kɛɛ le tɔŋnda nilan biyɔɔ-o a le tùú silala nilan la nɛinun nda-o.

Tɔŋ lasálàá 26:32

Ya pila tɛɛmbuunin lɛŋnde niaalen, háá mì yaamɔaa niaa hun calnin lenin-nda dɔwnun kɔndɔfili taw.

Condii lisai 109:25

I siŋnun vana nda co mamɔɔ-o yaamɔaa nia o hɔl, a co ya tofaa ma va bolle hiiluuo.

Yeremi 42:18

Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Yeremi 44:12

I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.

Yeremi 48:27

Niaa Moabua, vɛ̀ɛ̀ o co niaa le va Israɛlla mamɔɔ le? Nduyɛ Israɛl tosa levui le. Le yɛɛ niaa va yɛ niko nda mamɔɔ mí la va bolle hiiloo?

Yeremi 49:17

«Edɔm siŋnunnin bémbélan kposon. Vanaa vanin keiyo lon-nda ɲiiyanin mà hɔŋ hùíyé a kɔndɔfili bɛndoo, le dɛnɛ tambɛi vanin lon-ndo.

Cɛɛŋɔnnda Yeremi lan 1:12

Niaa Sei! Niaa vanaa co haa hiovɔɔ-a, la tofa vɔ, mì la ce. Vɛ̀ɛ̀ dɛnɛ palaa súú vaa nuaa nɔ pá velanndo? Dɛnɛ palaa súú del-la hoo coo-o pɛɛn, ò Mɛlɛka tuisi hoo ya coo o paale ndɔle kɔl tambɛilen coo-o.

Esekiɛl 27:36

Yulaa co vanaa-mangalaa-isɔɔa tɛɛn-nda a co hùíyé hɔŋndo (a kɔndɔfillo) le dɛnɛ nɔmndo. Nɔm Tir, dɛnɛ nɔmndo luei vannda siòònde, le fɛɛn a fɛɛn nin, a ve lɛnin ɲɛ-ɲɛ le few!»

Esekiɛl 36:3

lelan tɛɛnguu diom Mɛlɛka-o mà dimi aa: Nuaa Maalii, o co Mɛlɛka-o dimi ni aa: Le tùú vannda yeema ba-ba fee le niaa pembon Israɛl mɛiyo fondo a le niaa hiɔlɔɔ haliko mi la siŋnun le vanaa-mangalaa-isɔɔa-o, le tùú vannda tɛɛndan niaa má ke niaa diomndan-ndo,

2Dɛnnda lemasalan 29:8

O kon, mí kɔltuw Mɛlɛka-o toal Yudaa a Yerusalɛmnda coo. Mí Mɛlɛka tuisi nda kɔl yulan-yulando, dɛnɛ palaa a mɔnɛi coo mɛɛ niaa co cɔu nuaa yɛ.

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 51:37

I co Babilɔn mingi bémbélan, nɛɛ tivolla vanin-nda, mì vannda pieow kobi kalaa a siòònde, má yonda a mɔnɛi.

Yeremi 51:43

Kobila co Babilɔn-ndan la pieow, lɛŋnde ndɔlen le vesan sɛ́ɛ́n mì vanndacieea piaw, vana co lɛ kei lon te.›